Galesiya 3:5 - The Keyagana NT and 25 OT books

⁵ Lapakaemo Goti keʼaepa geʼamo akame nehayaʼmofeʼmo Gotiʼa agaiʼa Aunemeʼamo alino lapamige lapaipafiʼe lapaopaleʼeʼmo aune kavaʼmo huge nehifi Kalaisifeʼmo ava gemo afitetapa lapakesamo afita fatago nehaya kavatetiʼmo aune kavaʼmo nehiye.

Galesiya 3:5 ပူးပေါင်းရင်းမြစ်များ

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Lomu 10:17

Huno ha paiʼniyaʼmonanafa mago vayaʼmogi Goti geʼamo aeʼa hakalo huʼa hapa nepaigeʼapaeʼmo neʼafiye. Neʼafigenoʼaekeʼmo apakesamo afiʼa fatago nehaya kavaʼmo afole neʼaiye.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

1 Kolitiyani 12:10

Goti Aunemeʼamoʼmo mago vayaʼamogimo aeto agufa noʼagaya aune kavaʼmo hisayafeʼmo lokiyaʼamo apamige mago vayaʼamogimo Goti geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo Goti Aunemeʼaletiʼmo ani gemo nehafi alu aunemeʼaletiʼmo ani gemo nehafi huʼa aliʼa fako huʼa apatesayafeʼmo lokiyaʼamo apamige mago vayaʼamogimo alu apake alu apakemo aisayafeʼmo lokiyaʼamo apamige mago vayaʼamogimo ani alu apake alu apakemo aliʼa afe leʼa hisayafeʼmo lokiyaʼamo apamige nehiye.

2 Kolitiyani 10:4

Muki kame nehuna yatimo ma mopafi vayaʼmogi aliʼneʼa kame nehaya agufa yaʼmo ohaneʼnifa Goti lokiya himamuʼaletiʼmo kame vayaʼai yafa kegiʼyaʼapimo heta halagape vaisuna yaʼmo haneʼniye.

2 Kolitiyani 12:12

Nagaemo apa vayaʼmogi nehaya agufa alagena kavaʼmo lapakaetegamo huʼnove. Nagaemo hanageke yaʼmo aliʼneʼnaeʼmo oʼataleʼna atafauʼna alagi huʼneʼna Gotiʼa alino apave liʼnigeʼa hapau neʼaiya agufa naune kavaʼmo huʼnove.

2 Kolitiyani 13:3

Mani gemo Kalaisi avayamo aliʼna nehuve, huʼna aliʼna lapave lisuvafeʼmo lapauʼniyanageʼna afaʼa aliʼna lapave liguve. Kalaisiʼa lapakaeteʼmo ayamufa nosiya vekamo oʼmaiʼnifa lapakaepiʼmo lokiya aliʼyaʼmo neʼaliya vekamo maiʼniye.

2 Kolitiyani 3:8

Ani aliʼyaʼmoʼmo ha le konali yaʼamo haneʼniyaʼmonanafa Aunemeʼamoʼmo neʼaliya aliʼyaʼmo ha le konali yaʼamoʼmo magoʼe huno lusi kava huno aeno agaseʼniye.

2 Kolitiyani 9:10

Avina yaʼmo nehakalaya vayaʼmo avina yaʼmo hakalesayafeʼmo apamige neʼyaʼmo neʼnaya vayaʼmo neʼyaʼmo nesayafeʼmo apamige nehiya vekamoʼmo avina yaʼmo lapamisigetapa hakalesaya avina yafeʼmo hago, huno hisigeno hagesigetapa fatago kavatapiletiʼmo magoʼe magoʼe hutapa aligae.

Galesiya 3:2

Magoke kavafeʼmo ge huʼna lapafi gesuvafeʼmo huve. Lapakaemo keʼaepa gemo akame huʼnaya kavatetiʼmo Goti Aunemeʼamo aliʼnafi Kalaisifeʼmo ava gemo afitetapa lapakesamo afita fatago huʼnaya kavatetiʼmo aliʼnae.

Filipai 1:19

Lapakaemo nunumuʼmo hutapa neʼnatayanageno Yesu Kalaisi Aunemeʼamoʼmo naha maeteno nagufamo alino katino nategaiye, huʼna afiʼnove.