Galesiya 3:20 - The Keyagana NT and 25 OT books

²⁰ Magoke vekaeʼmo fikumo kaha maeʼna kamiguve, huno ha paisiyaʼmoʼmo folagapi vekamo aliʼyaʼamo ohanegaiyaʼmofeʼmo Gotiʼa Emalehamufeʼmo, fikumo kaha maegauve, huno ha paiʼniya afinaʼmo folagapi vekamo oʼmaiʼnigenoʼaeʼmo hu maleʼniye.

Galesiya 3:20 ပူးပေါင်းရင်းမြစ်များ

Aepa Gemae 15:18

Ani afinakeʼmo Ala kava neʼmoʼa Emalemiʼeʼmo mago kotalakemo huʼniye. Ina ge huno huʼniye. Nagaemo kaginago mafaʼne anagakamo ma mopamo aliʼna apamiʼnove. Isipi kotega uno nelamiya anitetiʼmo uno alopa Yufaletisi aniteʼmo utegeʼna mani haopalega haneʼniya mopamo apamiʼnove.

Apa 12:20

Helotiʼa mago afinaʼmo Taiya taonifi vayaʼe Saitoni taonifi vayaʼeʼmo aipamo leno apateʼniye. Apakaemo Helotiʼa yagaino neʼapateya kotegatiʼmo uʼa neʼyaʼmo miya failiʼa eʼnayaʼmofeʼmo aipamoʼmo falu hisiyafeʼmo magoke apaipa apakesa aliteʼa Helotitegamo eʼnae. Eʼapaeʼmo hogoteʼa Milasitasiʼa Heloti noʼaleʼmo neʼyagaiya vekaeʼmo ha paiʼnageno apao vekamo hamaleʼniye.

Galesiya 3:17

Gotiʼa Kalaisitefeʼmo kotalakemo ago hu maleʼnigenoʼaeʼmo fo hataleti tetiʼa kafugamo utegeno Gotiʼa keʼaepa geʼamo alino Yu nofi vayaʼmo apamiʼniye. Ani gemo aepaʼaeʼmo huʼnaeʼmo, henagaʼamo afole aiʼniya keʼaepa gemoʼa hogoteno hu maleʼniya kotalakemo fikumo kaha maeʼna kamiguve, huno ha paiʼniya polomasi gemo alagi amagino oʼatalegaiye.

1 Timoti 2:5

Gotiʼa magoke vekamo maiʼnigeta lagaemo maiʼnonanageno agaeʼeʼmo magokepi lokaeta maisunafeʼmo ani magoke vekamo folagapi vekamoʼmo Kalaisi Yesuʼa vayaʼmo maiʼniye.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Himulu 8:6

Neʼaliyaʼmonanafa hemenimo agaemo aeno agaseʼniya aliʼyaʼmo aliteno kotalakemo folagapi vekamo maiʼniye. Ani kotalakemoʼa atafa kotalakemo ago aeno agaseʼniye. Gotiʼa, lapa maegauve, huno hu maleʼniya polomasi geʼaletiʼmo saufa kotalakemo alino he tino ateʼniye. Saufa kotalakemo lapa maegauve, huno hu maleʼniya polomasi geʼamoʼmo atafa kotalakemo lapa maegauve, huno hu maleʼniya polomasi gemo ago aeno agaseʼniye.

Himulu 9:15

Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.