Galesiya 3:19 - The Keyagana NT and 25 OT books

¹⁹ Gotiʼa mani keʼaepa geʼamoʼmo na agufa aliʼyaʼmo alisiyafeʼmo apamiʼniye. Gotiʼa keʼaepa geʼaletiʼmo kaʼmo akani maleʼnisigeʼa Yu vayaʼmogimo hosu kavaʼmo osisayafeʼmo polomasi geʼeʼmo alino magokepi lokaeno maleʼniye. Keʼaepa geʼamo haneme haneme neʼesigeno Emalehamu aginago vekamo emiʼnegaiye, huno agesamo afiʼniye. Gotiʼa ani aginago vekaeʼmo, fikumo kaha maeʼna kamiguve, huno polomasi gemo huno ha paiʼniye. Goti keʼaepa geʼamo enisole vayaʼai apavayafatiʼmo Moseseʼa folagapi vekaeʼmo ha paiʼnageno Yu vayaʼaifeʼmo hapa paiʼniye.

Galesiya 3:19 ပူးပေါင်းရင်းမြစ်များ

Samu 106:23

Henagaʼamo Gotiʼa aipamo leno apatetenoʼaeʼmo vayaʼnimo aliʼna apagoʼya lagauʼna apatalegauve, huno huʼnigenoʼaeʼmo Gotiʼa aliʼyaʼamo alisiyafeʼmo lekana paino ateʼniya vekamo Moseseʼa nunumuʼmo huno apatetenoʼaeʼmo apamagisiya kaʼmo ago akani maleʼnigeno Gotiʼa afaʼa apateʼniye.

Luki 16:31

Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo oʼafisayana mago faliʼnisiya vekamoʼmo he tinuno hapa paisiya gemo oʼafigae, huno ha paiʼniye, huno Yesuʼa hapa paiʼniye.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 15:22

Emiʼneʼna hapa opaiʼnovesinana apakameʼyamo oʼnamisageno hosu kavaʼapimo afaʼa ohaneʼniyesine. Ago hapa paiʼnovaʼmofeʼmo hosu kavatimo oʼageʼnone, huʼa alagi osugae.

Apa 7:38

Ani vekamo Moseseʼa Isaleli vayaʼeʼmo kaʼme kotega aliʼa anupa huʼa maiʼnae. Moseseʼa Sainai avefiʼmo uno haino maiʼnigeno mago enisole vekamoʼmo apauneʼapameʼmo neʼapamiya gemo ha paiʼnigeno afiteno emineno laginago vayaʼaifeʼmo hapa paiʼnigeʼa lagaefeʼmo laha paiʼnae.

Apa 7:53

Enisole vayaʼmogimo Goti keʼaepa geʼamo alini emiʼeʼa lapamiʼnayana akame osuʼnae, huno hapa paiʼniye.

Lomu 2:13

Gotiʼa keʼaepa geʼamo fikumo afiʼnaya vayaʼaifeʼmo, naulagaleʼmo fatago vayaʼmo maiʼnae, huno nosifa keʼaepa geʼamo afiteʼa akame nehaya vayaʼaifekeʼmo, naulagaleʼmo fatago vayaʼmo maiʼnae, huno nehiye.

Lomu 4:15

Na kava higenoʼaene. Keʼaepa geʼamo ohaneʼniyesinana keʼaepa geʼamo amagiʼa noʼatalaesine. Hiyaʼmonanafa keʼaepa geʼamo haneʼniyaʼmofeʼmo aipamo leno neʼapateya kayoʼmo apamisiya agufa kavaʼmo alino afole aino neʼate.

Galesiya 3:16

Inagi Gotiʼa Emalehamufeʼmo, fikumo kaha maegauve, huno ha paiʼniya polomasi gemo aginago vekaeʼmo, kaha maegauve, huno ha paiʼniye. Gotiʼa Emalehamu aginago vayaʼaifeʼmo ani gemo hapa opaiʼnifa magoke aginago vekaeʼmo ani gemo ha paiʼniye. Ani magoke aginago vekamo Kalaisiʼmae.

Himulu 2:2

Gotiʼa enisole vayaʼai apavayafatiʼmo laginago vayaʼaifeʼmo huno hapa paiʼniye. Ani gemo asagauno oʼaino lokiya vaino haneʼnigeʼapaeʼmo muki vayaʼmogi akame osuʼa ago amagiʼa ataleʼnaya vayaʼai anonaʼapileʼmo alagepa huno alino fako huno apateteno kayoʼmo apamiʼniye.

Himulu 2:5

Nagaemo henagaʼamo afole aisiya saufa kavafeʼmo ava gemo huʼna avoʼmo nekaova kavateʼmo Gotiʼa enisole vayaʼmogimo yagaisayafeʼmo lekana paino oʼapateʼniye.