Galesiya 2:8 - The Keyagana NT and 25 OT books8 Gotiʼa himamuʼaletiʼmo Pitaʼmo lokiya vaino ateʼnigeno Yu nofi vayaʼaitegamo neʼviya kava huno Gotiʼa himamuʼaletiʼmo lokiya vaino nateʼnigeʼna malaga nofi vayaʼaitegamo neʼuve. အခန်းကိုကြည့်ပါ။ |
Lapakaemo Poloʼa nehiya kavaʼmo agetetapa agae kavafeʼmo ava gemo ago afiʼnae. Agaemo mani Efasasi taonifiʼmo maiʼnaya vayaʼageʼmo alino aino atagineno noʼapatefa muki Esiya kotega maiʼnaya vayaʼeʼmo alino aino atagineno apatetenoʼaeʼmo, Vayaʼmogi apayatetiʼmo alo nehaya yaʼmo gotiʼapimogi oʼmaiʼnae, huno hapa paiteno apakesa magoʼe huno alino hapa nepaiye.
Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.
Mago vayaʼmogimo nagaefeʼmo, apa vekamo oʼmaiʼniye, huʼa nehayaʼmonanafa aliʼyaʼniletiʼmo Goti mafaʼneʼamo ago hamaleʼnayaʼmofeʼmo Goti apa vekaʼamo maiʼniye hutapa afaʼa hugae. Lapakaetegamo uʼna apa aliʼyaʼnimo aliʼnogetapaeʼmo Goti mafaʼneʼamo hamaleʼnageʼa mago vayaʼmogi lapakeʼnayanageʼa Polo apa aliʼyaʼamo maiʼnae, huʼa hugae.
Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.