Galesiya 2:20 - The Keyagana NT and 25 OT books

²⁰ Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Galesiya 2:20 ပူးပေါင်းရင်းမြစ်များ

Salomoni Yokemae 7:10

Nagaemo nahau nayamopafiʼmo neʼnahaiya vekaʼnimo aʼamo maiʼnogeno nagaefeʼmo haʼye nehiye, huno huʼniye.

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Matiyu 4:3

Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 10:11

Nagaemo alagepa vekamo sipisipileʼmo yagaiʼna neʼapatova vekamo maiʼnove. Alagepa huno yagaino neʼapateya vekamoʼa sipisipilefeʼmo agaiʼamo afaʼa maisiya yaʼamo ataleteno faligiye.

Yoni 15:13

Mago vekamoʼa ao vayaʼaifeʼmo hau ayamopafiʼmo hauʼninageno falino apatesaiyana ani agufa hau ayamopafiʼmo hauʼniya kavaʼamoʼmo muki vayaʼmogimo hapau apayamopafiʼmo hapauʼniya kavaʼapimoʼa ago aeno agaseʼniye.

Yoni 17:21

Apakaemo mukiʼamogi magokeʼageʼmo maiʼneʼa Afoʼnimogamo nagaepiʼmo maiʼnanageʼna kagaepiʼmo maiʼnova kava huʼa laʼagaepiʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼapaeʼmo ma mopafi vayaʼmogi apaketeʼapaeʼmo nagaefeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo nunumuʼmo huʼna neʼapatove.

Yoni 3:16

Gotiʼa ma mopafi vayaʼaifeʼmo lusi kava huno hau ayamopafiʼmo hauʼniyaʼmofeʼmo ani aiya magoke mafaʼneʼamo avaleno apamiʼniye. Ina lagimo mafaʼneʼaeʼmo apakesamo afiʼa fatago nehisafigeʼa alagi ofaliʼa alagepa huʼa maige maige huʼa maisayafeʼmo avaleno apamiʼniye.

Yoni 3:35

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigenoʼaeʼmo muki yateʼe vayaʼaiteʼeʼmo yagaino apatesiya himamuʼamo amiʼniye.

Yoni 6:57

Muki yaʼmo Afoʼamoʼmo afaʼa maisaya yaʼmo aepa vekamoʼa alino nateʼnigeʼna emineʼnove. Agaemo afaʼa maisuva yaʼmo aepa vekamo maiʼnigeʼna nagufafati nameʼanimo neʼnaya vayaʼmo afaʼa maisaya yaʼmo aepa vekaʼapimo maiʼnove.

Yoni 6:69

Hemenimo lagaemo lagesamo afita fatago huteta kageʼnonana aeto agufa vekamo Gotitegatiʼmo emikeʼnana vekamo maiʼnanageta kageʼnone, huno ha paiʼnigeno

Apa 8:36

Kategamo neʼuʼanaeʼmo mago ani kotuʼmo haneʼniya yateʼmo uʼana avaʼyi nehuʼanaeʼmo meku vekamoʼmo hunoʼaeʼmo, Manile ani kotuʼmo haneʼniye. Natafauno natesiya yaʼmo haneʼnifi afaʼa aniʼmo faleka nategane, huno afi geʼnigenoʼaeʼmo

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Lomu 1:17

Gotiʼa mani geletiʼmo agaiʼa fatago kavaʼamo ago alino apave liteno apakesamo afiʼa fatago nehaya kavatetiʼmo apakesamo afiʼa fatago nehaya vayaʼmo alino neʼapamiye. Ani kavatefeʼmo Goti mukufiʼmo avoʼmo kae maleʼnaya gemoʼa hunoʼaeʼmo, apakesamo afiʼa fatago nehaya kavatetiʼmo fatago vayaʼamo maiʼnayanageʼa alagepa huʼa maigae, huno hapa paiʼniye.

Lomu 14:7

Afaʼa maiʼnetaeʼmo lagaitilefeʼmo oʼmaiʼnone. Falisunana lagaitilefeʼmo ofaligune.

Lomu 3:22

Gotiʼa mani fatago kavaʼamo Yesu Kalaisifeʼmo apakesamo afiʼa fatago nehaya kavatetiʼmo muki apakesamo afiʼa fatago nehaya vayaʼmo apamiʼnigeno apakaeteʼmo haneʼniye. Hailami salami huʼa noʼmaifa magoke aiyaya vayaʼmo maiʼnayaʼmofeʼmae.

Lomu 4:25

Gotiʼa hosu kavatilefeʼmo avalelino uno hosu vayaʼai apayapiʼmo atetenoʼaeʼmo naulagaleʼmo fatago vayaʼmo maiʼnae, huno laha paisiyafeʼmo kanolufatiʼmo ago alino he tino ateʼniye.

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

Lomu 5:6

Hauʼniya kavatefeʼmo lokiyatimo ohaneʼnigeta Gotifeʼmo mono osuta hosu kavaʼmo nehuna vayaʼmogitalefeʼmo Gotiʼa lekana pai maleʼniya afinaʼmo Kalaisiʼmo ago falino lateʼniye.

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

Lomu 6:13

Lapakaemo lapakufafi alu ya alu yatapimoʼa hosu kavaʼmo hisayafeʼmo hosu kavaʼmo ayapiʼmo lapakufafi haneʼniya alu ya alu yatapimo oʼamiyo. Lapakaemo faliʼnayatetiʼmo ago he titapa afaʼa maiʼnayaʼmofeʼmo lapakufafi haneʼniya alu ya alu yatapiletiʼmo alagepa kavaʼmo hisayafeʼmo lapakufaʼaʼe muki lapakufafiʼmo haneʼniya yatapiʼeʼmo Gotikeʼmo amiyo.

Lomu 6:8

Kalaisiʼeʼmo faliʼnisunana agaeʼeʼmo afaʼa maigune, huta lagesamo afita fatago nehune.

Lomu 8:10

Kalaisiʼa lapaipafiʼmo maiʼnisiyana hosu kavaʼmo afole aiʼniyaʼmofeʼmo lapakufamo faligiyaʼmonanafa fatago kavaʼamo aliʼnayaʼmofeʼmo afaʼa maisaya yaʼmo alitetapa afaʼa maiʼnae.

Lomu 8:37

Muki ani agufa kavaʼmo lagaetegamo afole neʼaiyaʼmonanafa lagaefeʼmo hau ayamopafiʼmo nehaiya vekaletiʼmo hemenimo magoʼe huta kame huta aeta agaseta alagepa huta neʼmaune.

1 Kolitiyani 6:17

Huʼniyaʼmonanafa mago vekamoʼmo Ala kava neʼeʼmo aiʼana lokaesaʼagenoʼaeʼmo agaeʼeʼmo magoke anauneʼanameʼmo alino hamalegaiye.

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

2 Kolitiyani 10:3

Lagaemo ma mopafiʼmo maiʼnetaeʼmo lagufafiʼmo maiʼnonaʼmonanafa ma mopafi vayaʼmogi nehaya agufa kavaʼmo huta lagufaʼaletikeʼmo kamemo nosune.

2 Kolitiyani 11:10

Kalaisi lama geʼamo naipafiʼmo haneʼnigeʼna alagi lama gemo huʼnaeʼmo, lapakaetegatiʼmo mago yaʼmo oʼaliʼnova kavatefeʼmo namogaga neʼauva gemo navayaletiʼmo hisuvafeʼmo muki Akaiya kotega maiʼnaya vayapatiʼmo mago vekamoʼmo navayaleʼmo huno natafauno oʼnategaiye.

2 Kolitiyani 13:3

Mani gemo Kalaisi avayamo aliʼna nehuve, huʼna aliʼna lapave lisuvafeʼmo lapauʼniyanageʼna afaʼa aliʼna lapave liguve. Kalaisiʼa lapakaeteʼmo ayamufa nosiya vekamo oʼmaiʼnifa lapakaepiʼmo lokiya aliʼyaʼmo neʼaliya vekamo maiʼniye.

2 Kolitiyani 13:5

Lapaipa lapakesafiʼmo alita fako hutapa lapaketapaeʼmo, Kalisitini vayaʼmo maiʼneta lagesamo afita fatago huʼnopi osuʼnopi, hutapa lapamalageka hutapa lapakeyo. Lapakaitapimo lapamete lapamete hutapa alita fako hutapa lapakeyo. Yesu Kalaisiʼa laipafiʼmo neʼmaiye, hutapa oʼageʼnafiye. Lapaipafiʼmo oʼmaiʼnisiyana uta haitapa ohapaiʼnafa uta haita metaleʼnae.

2 Kolitiyani 5:14

Kalaisiʼa lagaefeʼmo hau ayamopafiʼmo hauʼniya kavaʼamoʼa heno lavayu hulinuno nelate. Mani kavatefeʼmo alita fako huta lagesamo afiʼnonana magoke vekamoʼmo muki vayaʼaitefeʼmo falino apateʼniyaʼmofeʼmo mukiʼamogi agaeʼeʼmo faliʼnae.

2 Kolitiyani 5:15

Faliʼnayaʼmonanafa afaʼa maiʼnaya vayaʼmo apakaiʼapi hapauʼniya kavaʼmo magoʼe huʼa osuʼa faliteno he tiʼniya vekalefeʼmo muki kavaʼmo hisayafeʼmo ani muki vayaʼaitefeʼmo falino apateʼniye.

2 Kolitiyani 5:7

Hemenimo oʼageʼnonaʼmonanafa agaefeʼmo lagesamo afita fatago nehutaeʼmo ma mopafiʼmo maiʼnone.

Galesiya 1:4

Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.

Galesiya 2:16

Lagaemo afiʼnonana Gotiʼa keʼaepa geʼamo akame nehaya kavatetiʼmo, naulagaleʼmo fatago vayaʼmo maiʼnae, huno hapa nopaiyaʼmonanafa Yesu Kalaisifekeʼmo apakesamo afiʼa fatago nehaya kavatetikeʼmo, naulagaleʼmo fatago vayaʼmo maiʼnae, huno hapa nepaiye, huta ago afiʼnone. Gotiʼa keʼaepa geʼamo akame nehuna kavatetiʼmo, naulagaleʼmo fatago vayaʼmo maiʼnae, huno laha opaigiyaʼmonanafa Kalaisifekeʼmo lagesamo afita fatago nehuna kavatetikeʼmo, naulagaleʼmo fatago vayaʼmo maiʼnae, huno laha paisiyafeʼmo lagaeʼeʼmo Kalaisifekeʼmo lagesamo afita fatago huʼnone. Gotiʼa muki vayaʼaifeʼmo hunoʼaeʼmo, keʼaepa geʼnimo akame hisaya kavatetiʼmo naulagaleʼmo fatago vayaʼmo maiʼnae, huno nosiyaʼmofeʼmae.

Galesiya 3:11

Goti Mukufiʼmo magoʼe huno avoʼmo kae maleʼniya gemoʼmo hunoʼaeʼmo, Gotiʼa apakesamo afiʼa fatago nehaya kavatetikeʼmo hunoʼaeʼmo, naulagaleʼmo fatago vayaʼmo maiʼnae, huno huʼniyaʼmofeʼmo ago afiʼnonana Gotiʼa keʼaepa geʼamo akame nehisaya kavatetiʼmo ani vayaʼaifeʼmo, naulagaleʼmo fatago vayaʼmo maiʼnae, huno nosiye.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Galesiya 6:14

Nehayaʼmonanafa nagaemo mago kavatefeʼmo nagiʼnileʼmo aliʼna asaga huʼna nateteʼna namogaga aisufiye. Haʼao, alagi atalegeno hano hino. Nagaemo Ala kava netimo Yesu Kalaisiʼa malipu yosaleʼmo faliʼniya kavafekeʼmo naipafatiʼmo namogaga aiʼninageʼna hapa paisuva gegeʼmo haneʼniye. Gotiʼa malipu yosaleʼmo faliʼniya kavatetiʼmo atafa naipamo ago amagino ataleʼnigeʼna ma mopafi yaʼe amega apakufale kavaʼefeʼmo huʼnaeʼmo, ina agufa kavaʼmo malipu yosaleʼmo faligekana huno haneʼniye, huʼna nagesamo neʼafugeʼapaeʼmo ma mopafi vayaʼmogimo nagaefeʼmo huʼapaeʼmo, ina agufa vekamo malipu yosaleʼmo nili aiteʼa aliʼa he tiʼa ateʼnaya agufa vekagana huno maiʼniye, huʼa nehae.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

Efasasi 5:25

Anauʼapimogitapae, huʼna, Kalaisiʼa siosi vayaʼaifeʼmo hau ayamopafiʼmo hauʼnigenoʼaeʼmo falino apateʼniya kava hutapa aʼnetapieʼmo lapau lapayamopafiʼmo lapaino.

Filipai 1:21

Afaʼa maisuvana Kalaisitefeʼmo afaʼa maiguve. Falisuvana akamelegatiʼmo magoʼe yaʼnimo aliguve.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Tesaloniyani 5:10

Falitesunageno eminesifi afaʼa maiʼnisunageno eminesifigeta agaeʼeʼmo magokepi lokaeta maisunafeʼmo falino lateʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 8:3

Gotiʼmo fiku neʼamiya yaʼmo amige afumo heʼa ofalinimo amige hisayafeʼmo muki hogote vayaʼmo mono huʼa apatesaya vayaʼmo lekana paino apateʼniye. Ani kava huno mani vekamoʼmo ofalinimo amisiya yaʼmo haneʼniye.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.

1 Yoni 1:7

Lagaemo hanipiʼmo umenitata osuta Gotiʼa aeno ha leʼniya yateʼmo neʼmaiya kava huta aeno ha leʼniya yateʼmo umenitata nehisunana agaeʼeʼmo afalu afalugana huta maiʼnonagenoʼaeʼmo agaemo lagaeʼeʼmo ani kava huno afalu afalugana huno neʼmaigeno Mafaʼneʼamo Yesu Kalaisi kolaʼamoʼmo muki hosu kavatimo aeno kalo paeno neʼatale.

1 Yoni 4:14

Lagaemo Afotimoʼmo Mafaʼneʼamoʼmo muki ma mopafi vayaʼai apakufamo alino katino apatesiyafeʼmo alino ateʼnigeno emineʼniye, huta agetetaeʼmo aeta hakalo huta hapa nepaune.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.

Leveleseni 3:20

Nageyo, huʼna, kipateʼmo he tiʼna maiʼneʼna hakalu hakalu huge huge huʼna neʼmauve. Mago vekamoʼmo geʼnimo afiteno kitamo yakino natesigeʼnaeʼmo uʼna haiʼna agaeʼeʼmo neʼyaʼmo nesugeno nagaeʼeʼmo neʼyaʼmo negaiye.