Galesiya 2:11 - The Keyagana NT and 25 OT books

¹¹ Inagi Pitaʼa Atiyoki taonifiʼmo eno hosu kavaʼmo huʼniyaʼmofeʼmo agaefeʼmo aulagafiʼmo ge hauʼnove.

Galesiya 2:11 ပူးပေါင်းရင်းမြစ်များ

Yona 1:3

Yonaʼa Ala kava netegatiʼmo ataleno aune hetaleno Tasisi taonifiʼmo ugefeʼmo huʼniye. Ataleno uno Yopa taonifiʼmo uno lamino Tasisi taonifiʼmo ugefe huʼniya sipimo miya faiteno sipifiʼmo uno haino maiʼniye. Yonaʼa Ala kava netegatiʼmo ataleno aune hetaleno uʼniye.

Yona 4:9

Gotiʼa hunoʼaeʼmo, Nofiʼmo falu teʼniyaʼmofeʼmo kaipamo leʼnigeka kanale kavaʼmo nehapiye, huno afi geʼnigenoʼaeʼmo, he, naipamo lusi kava huno leʼnigeʼna alagepa kavaʼmo nehuve. Afaʼa faligesuve, huno ha paiʼniye.

Napa 20:12

Inagi Ala kava neʼmoʼa Moseseʼe Eloniʼefeʼmo hana painoʼaeʼmo, Lanakaemo nagaefeʼmo lanakesamo afitana fatago osuʼnaʼaʼmofeʼmo Isaleli vayaʼmogi apaulagaleʼmo naote Gotiʼnamo maiʼnove, hutana alitana naote oʼnateʼnaʼaʼmofeʼmo ani vayaʼmo apamiʼnova mopaleʼmo apavalelitana oʼugaʼae, huno hana paiʼniye.

Matiyu 16:23

Yesuʼa aino afe leno ha painoʼaeʼmo, Sataniyo, kaune ho. Kaʼnimo akanika natesanafeʼmo hane. Goti aipa agesamo oʼaliʼnapa ma mopafi vayaʼai apaipa apakesamo aliʼnane, huno ha paiʼniye.

Yoni 1:42

Eʼnaluʼa Saimoniʼmo avalelino Yesutegamo uʼniye. Yesuʼa Saimoniʼmo agetenoʼaeʼmo, Saimoniyo, huno, Yoni mafaʼneʼamo maiʼnane. Kagikamo Sifasigae huʼna katove, huno ha paiʼniye. Sifasiʼa ina kava huno Pitaʼae agimo aepaʼamo yafane.

Apa 11:19

Sitiveniʼa faliʼniya afinatetiʼmo Goti vayaʼalegamo lusi hanageke kavaʼmo afole aiʼnigeʼapaeʼmo ataleʼa atagu faeʼuʼeʼa huʼnae. Mago vayaʼmo Finisiya kotegamo apaune heʼuʼa maige Saipalasi kotegamo apaune heʼuʼa maige Atiyoki taonifiʼmo apaune heʼuʼa maige huʼneʼapaeʼmo Goti geʼamo Yu vayaʼaifekeʼmo aeʼa hakalo huʼa hapa paiʼnae.

Apa 11:20

Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.

Apa 11:22

Ani kavafeʼmo ava gemo aino atagu faeno uneno huʼnigeʼa Yulusalemu siosi vayaʼmogi ani gemo afiteʼapaeʼmo Manamasiʼa aliʼa ateʼnageno Atiyoki taonifiʼmo uʼniye.

Apa 11:27

Ani afinaʼmo mago vayaʼmo Gotitegati gemo alini eʼa aeʼa hakalo huʼa hapa nepaiya vayaʼmo Yulusalemu taonifatiʼmo eʼa Atiyoki taonifiʼmo avaʼyi huʼnae.

Apa 15:1

Henagaʼamo mago vayaʼmo Yutiya kotegatiʼmo eʼa Atiyoki taonifiʼmo mago konaga vayaʼaifeʼmo aliʼa apaya maleʼapaeʼmo, Mosese keʼaepa gemoʼa hunoʼaeʼmo, lapakufamo lagauʼa lapateyo, huno huʼniya gemo akame osisayana Gotiʼa lapakufamo alino katino lapategaiye, huʼa hapa paiʼnae.

Apa 15:5

Hapa paiʼnaʼageʼa afiteʼapaeʼmo mago Falasi vayapatiʼmo apakesamo afiʼa fatago huʼnaya vayaʼmogi he tiʼa huʼapaeʼmo, Haʼao, huʼa, Lapakufamo lagauʼa lapatetesagetapaekeʼmo Mosese keʼaepa gemo akame hiyo, hutapa hapa paiyo, huʼa hapa paiʼnae.

2 Kolitiyani 11:5

Vaehae, huʼna, hogoteʼapa vayatapimogi aeʼa apakaseʼnaya apa vayatapimogimo mago aiseʼamo aeʼa oʼnagaseʼnae, huʼna nagesamo afiʼnove.

2 Kolitiyani 12:11

Negi vekagana huʼna negi gemo huʼnovaʼmonanafa ani kavatefeʼmo alita he titapa nateʼnae. Naha maetapa nagiʼnileʼmo alita asaga hutapa nateʼnaesinana kanale kavaʼmo huʼnaesine. Afa vekamo maiʼnovaʼmonanafa hogoteʼa aeʼa apakaseʼnaya apa vayatapimogi aeʼa oʼnagaseʼnaya vekamo maiʼnove.

2 Kolitiyani 5:16

Lagaemo magoʼe huta ma mopafi vayakana huta vayaʼmogi kavaʼapimo alita fako huta noʼapatone. Lagaemo hogoteta Kalaisiʼa ma mopafi vekagana huta ageʼnonaʼmonanafa hemenimo magoʼe huta ma mopafi vekagana huta oʼagegaune.

Galesiya 1:18

Loleʼe magoʼe kafugamo utegeʼna Pitaʼmo uʼna agesuvafeʼmo Yulusalemu taonifiʼmo uʼna agaeʼeʼmo lole salemo maiteʼnaeʼmo

Galesiya 2:14

Nagaemo ageʼnovana lama ge mono kavaʼmo alagepa faigoko gemo akame huʼa alagepa kateʼmo oʼuʼnageʼna apaketeʼnaeʼmo muki vayaʼai apaulagaleʼmo Pitafeʼmo huʼnaeʼmo, Kagaemo Yu nofi vekamo maiʼnanaʼmonanafa Yu nofi vayaʼai kavaʼmo osuka malaga nofi vayaʼai kavaʼmo nehane. Na kava higekaeʼmo malaga nofi vayaʼmogimo Yu nofi vayaʼmogi nehaya agufa kavaʼmo hisayafeʼmo alika he tika apatesanafeʼmo nehane, huʼna ge hauʼnove.

Galesiya 2:5

Lama ge alagepa faigoko gemo lapakaetegamo afaʼa hanege hanege huno hanesiyafeʼmo lagaemo huʼnaya geʼapilefeʼmo he huta osuta geʼapimo alagi oʼafiʼnone.

Galesiya 2:7

apakaemo ago ageʼnayana Gotiʼa Pitaʼmo Yu vayaʼaifeʼmo alagepa faigoko geʼamo aeno hakalo huno hapa paisiyafeʼmo lekana paino ateʼniya kava huno Poloʼmo malaga nofi vayaʼaifeʼmo alagepa faigoko geʼamo aeno hakalo huno hapa paisiyafeʼmo lekana paino ateʼniye, huʼa ago nageʼnae.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

1 Timoti 5:20

Kagaemo muki vayaʼai apaulagaleʼmo hosu kavaʼmo hisiya vayatama vekaeʼmo, hosu kavaʼmo huʼnane, huka ha paigeʼapao muki vayatama vayaʼmogimo afiteʼa koli hiyo.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.