Galesiya 1:16 - The Keyagana NT and 25 OT books

¹⁶ Agaemo Mafaʼneʼaeʼmo ava gemo malaga nofi vayaʼaifeʼmo aeʼna hakalo huʼna hapa paisuvafeʼmo Gotiʼa hauʼniya afinaʼmo Mafaʼneʼamo naipafiʼmo alino nave liʼnigeʼna ageteʼnaeʼmo uʼna mago vayaʼeʼmo ge huge afige huʼna oʼmaiʼnove.

Galesiya 1:16 ပူးပေါင်းရင်းမြစ်များ

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Matiyu 26:41

Lapamalageka hisiya kavapiʼmo haita ofalesayafeʼmo kava yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa hisayafeʼmo amega lapakufamoʼmo lokiya noʼvaiye, huno hapa paiʼniye.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 5:42

Apa vayaʼmogimo muki afinaʼae afinaʼaeʼmo alopa mono nopiʼe muki nopiʼeʼmo Yesuʼa Kalaisi vekamo maiʼniye, huʼa aliʼa apaya malege aeʼa hakalo huʼa hapa paige huʼa maiʼnae.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 11:13

Apa vekaʼamo maiʼneʼna alu nofi vayaʼmogitapalegamo neʼuvaʼmofeʼmo hemenimo alu nofi vayaʼmogitapaeʼmo mani gemo hugesuve. Ma mopafi kavatefeʼmo huʼnaeʼmo, nofi vayaʼnimogi lapaketeʼapaeʼmo hapaʼye hisigeʼna apakufamo aliʼna katiʼna apatesuvafeʼmo alu nofi vayaʼmogitapalegamo lusi aliʼyaʼmo neʼaluve.

1 Kolitiyani 15:50

Konagaʼnimogitapae, huʼna, mani geʼeʼmo lapa paiʼnaeʼmo, Ma mopafi neʼmaiya apakufaʼe vayaʼmogimo Gotiʼa yagaino neʼapateya kopiʼmo afaʼa uʼa ohaigae. Kasalisiya apakufaʼe vayaʼmogimo okasalino afaʼa hanege hanege huno hanesiya yaʼmo alagi oʼaligae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

2 Kolitiyani 5:16

Lagaemo magoʼe huta ma mopafi vayakana huta vayaʼmogi kavaʼapimo alita fako huta noʼapatone. Lagaemo hogoteta Kalaisiʼa ma mopafi vekagana huta ageʼnonaʼmonanafa hemenimo magoʼe huta ma mopafi vekagana huta oʼagegaune.

Galesiya 2:1

Inagi fotiniʼa kafugamo maiteʼnaeʼmo halate Yulusalemu taonifiʼmo Manamasiʼeʼmo Taitasiʼmo avalelitaʼa uʼnoʼae.

Efasasi 3:1

Gotiʼa ani kavaʼmo nehiyaʼmofeʼmo nagaemo Poloʼnamo Kalaisi Yesutefeʼmo Yu nofi vayaʼmo oʼmaiʼnageʼnaeʼmo lapa maeʼna kalavusi huʼneʼnaeʼmo nunumuʼmo huʼna nelapatove.

Efasasi 6:12

Na kava hinagetaene. Lagaemo apakufaʼe kolaʼapiʼeʼmo haneʼniya vayaʼeʼmo kamemo nosunaʼmonanafa kokuʼnapiʼmo maiʼneʼa hosu kavaʼmo huʼa yagaiʼa neʼapataya apaune vayaʼeʼmo kamemo nehune. Ala apaki vayaʼenagi himamu vayaʼenagi ma mopafi vayaʼmo hani yapiʼmo neʼmaiya vayaʼaiteʼmo yagaiʼa neʼapataya vayaʼenagi huta kamemo nehunaʼmofeʼmo

1 Tesaloniyani 2:16

Lagaemo Yu nofi vayapatiʼmo oʼmaiʼnaya vayaʼaifeʼmo ge hisunageno Gotiʼa apakufamo alino katino apatesiya kaʼmo aliʼa akani maleʼnae. Muki afinaʼmo ani kavaʼmo nehagenoʼaeʼmo hosu kavaʼapimoʼmo lusi kava huno havai teʼniye. Gotiʼa apakava maiʼniyaʼmonanafa hemenimo lusi kava huno aipamo leno apateteno kayoʼmo apamiʼniye.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

2 Timoti 1:11

Gotiʼa ani faigoko geʼamo aeʼna hakalo huʼna hapa nepauva vekamo maige apa vekaʼamo maige alu nofi vayaʼaina aliʼna apaya neʼmalova vekaʼamo maige huʼna maisuvafeʼmo ago lekana paino nateʼniye.

Himulu 2:14

Mafaʼnemogi apakufaʼe kolaʼeʼmo neʼaliya kava huno falisiyafeʼmo agufaʼe kolaʼaʼeʼmo aliʼniye.