Galesiya 1:11 - The Keyagana NT and 25 OT books

¹¹ Konagaʼnimogitapae, huʼna, ma mopafi vayaʼmogi alagepa faigoko gemo aeʼna hakalo huʼna hapa nepauva gemo afoʼamogimo oʼmaiʼnae, huʼna lapa nepauva gemo alagepa huta afiyo.

Galesiya 1:11 ပူးပေါင်းရင်းမြစ်များ

Lomu 2:16

Gotiʼa agoti huno apatesiya afinaʼmo alagepa faigoko geʼnilefeʼmo Yesu Kalaisitetiʼmo huʼa fala kiʼa neʼatalaya kavaʼapimo alino fako huno apategaiye.

1 Kolitiyani 11:23

Ala kava neʼmoʼa naha paiʼnigeʼna lapa paiʼnaeʼmo, Ala kava neʼmo kutulu yaʼmo aliʼniya vekamo Yutasiʼa avaleno apamiʼniya haniʼilagamo peleti mayamo aliʼniye.

1 Kolitiyani 3:4

Mago vayaʼamogitapamo Polo vayaʼamo maiʼnone, hutapa huge mago vayaʼamogitapamo Apolosi vayaʼamo maiʼnone, hutapa huge hutetapaeʼmo lapakufamoʼmo hauʼniya kavaʼmo akame nehae.

1 Kolitiyani 9:8

Ma mopafi kavafeʼmo aeʼna kalafefa gemo nehuvaʼmonanafa Goti keʼaepa geʼamoʼa mani kavafeʼmo magoke agufa gemo huʼniye.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Galesiya 1:6

Aise afinaʼmo utegetapaeʼmo Gotiʼa lapakaefeʼmo keya aeno ge huteno Kalaisitetiʼmo fikumo lapa maeno lapamiʼniya vekamo ataletapa alu faigoko gemo afisayafeʼmo uʼnageʼna nahau aiʼnove.