Filipai 4:8 - The Keyagana NT and 25 OT books

⁸ Konagaʼnimogitapae, huʼna, geʼnimo huʼna hano hisuvafeʼmo huʼnaeʼmo, lapakaemo muki alagepa kavaʼe ala apakiʼapimo neʼapamiya kavaʼefeʼmo lapakesamo afifi hutapa maiyo. Lama ge kavanagi ani kavatefeʼmo agiʼaleʼmo aliʼa asaga huʼa neʼataya kavanagi fatago kavanagi oʼaniʼya ofaiʼniya kavanagi kanale kavanagi ala agiʼamo haneʼniya kavanagi hutapa lapakesa afifi hutapa maiyo.

Filipai 4:8 ပူးပေါင်းရင်းမြစ်များ

Aepa Gemae 18:19

Agaemo ina kavaʼmo hiyo ina kavaʼmo osiyo, huno hapa paisigeʼa mafaʼneʼaʼe nofi vayaʼamogiʼeʼmo fatago kavaʼmo huge alagepa huʼa aliʼa fako huʼa apamige hisayafeʼmo lekana paiʼna ateʼnovaʼmofeʼmo hisuva kavafeʼmo afaʼa aliʼna ave liguve.

Samu 82:2

Agaemo agoti gemo neʼafiya vayaʼaifeʼmo hapa painoʼaeʼmo, Hainu afinaʼmo lapakaemo agoti gemo hosu kava hutapa alita fako nehaya kavatapimo aliʼa atalegae. Lapakaemo hosu vayaʼaifeʼmo hapao ke nehae.

Mai'naya kavane 11:1

Ala kava neʼmoʼa aigofe sigelieʼmo alagi ohauʼniyaʼmonanafa lama ge sigelieʼmo haoke nehe.

Mai'naya kavane 12:4

Alagepa a kanomoʼa anauʼamoʼmo alagepa huno ha maesigeʼapaeʼmo ala agiʼamo amigayaʼmonanafa mago vekamo aʼamoʼmo hosu kavaʼmo hisigeno anauʼamoʼmo avagage hisigenoʼaeʼmo ani a kanomoʼa kaita haugegana huno anauʼamoʼmo alino hosu huno neʼate.

Mai'naya kavane 16:11

Ala kava neʼmoʼa lama ge sigelimo haneʼniya sigelileʼmo kana huʼniya yaʼmo neʼasaiya lama ge yaʼmo Ala kava netegatiʼmo aliʼnae.

Mai'naya kavane 20:7

Fatago vayaʼmogimo fatago kavaʼmo nehageʼapaeʼmo mafaʼne anagaʼapimogi aulena vayaʼmo maiʼnae.

Mai'naya kavane 31:10

Ina lagimo alagepa kavaʼmo nehisaya aʼne anagaʼmo apakegae. Ani agufa aʼne anagaʼmogimo alopa miyatetiʼmo miya nefaiya yafaʼmo ago aeʼa aga seʼnae.

Mai'naya kavane 31:29

Asole aʼne anagaʼmogi alagepa kavaʼmo nehayaʼmonanafa kagaemo ago aeka apaka seʼnane, huno nehiye.

Mai'naya kavane 31:31

Alagepa kavaʼalefeʼmo lapakesamo afitetapa ala agiʼamo amiyo. Ateʼnigenoʼao agaiʼamo alagepa aliʼyaʼmo aliteno ala agiʼamo alino.

Salomoni Yokemae 5:16

Avayafatiʼmo haga huʼniye. He, muki agufaʼamo alagepa agufamo haneʼniye. Yulusalemu aʼmafaʼne anagaʼmogitapae, huʼna, Agaemo nahau nayamopafiʼmo neʼnahaiya vekaʼnimo maige nao vekaʼnimo maige huʼniye, huʼna lapa paiʼnove, huno hapa paiʼniye.

Aiyeya 26:7

Fatago vayaʼmogimo api kateʼmo neʼvae. O alagi api Gotigae, huʼna, kagaemo fatago vayaʼmogimo neʼvaya kaʼmo alika api aika neʼatane.

Matiyu 22:16

Apakaemo geʼapimo neʼafiya vayaʼe Heloti geʼamo akame nehaya vayaʼeʼmo aliʼa apateʼnageʼa agaetegamo uʼapaeʼmo, Tisao, huʼa, ago kageʼnonana alagi lama geʼageʼmo nehana vekamo maiʼneka Goti geʼamo akame hisaya kavafeʼmo lama geletiʼmo alika apaya neʼmalane. Muki vayaʼaifeʼmo koli osuka muki vayaʼaitegamo magoke agufa kavaʼageʼmo nehana vekamo maiʼnane.

Maki 6:20

Helotiʼa hunoʼaeʼmo, Yoniʼmo aote vekamo fatago kavaʼage nehiya vekae, huno agesamo afiteno Yonifeʼmo koli huteno yagaino ateʼniyaʼmofeʼmo Helotiyasiʼa afaʼa oʼamagiʼniye. Helotiʼa Yoni geʼamo afiteno asole kavatefeʼmo akame huteno magoʼe huno afisiyafeʼmo hauʼniye.

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Luki 23:50

Mago kanisole vekamo Yosefeʼa Alamatiya taonimo Yu vayaʼmogi taonifi vekamo kanale fatago vekamo maiʼniye.

Yoni 7:18

Mago vekamoʼmo agaiʼa aipafatiʼmo ge nehisiyana agaiʼa agiʼaleʼmo aliʼa asaga huʼa atesayafeʼmo haʼye huʼnigeno kahauya nehiye. Mago vekamoʼmo alino ateʼnigeno emineʼniya vekamo agiʼaleʼmo aliʼa asaga huʼa atesayafeʼmo hauʼnisiyana lama ge vekamo maiʼnigeno aigofe gemo aipafiʼmo alagi ohaneʼniye.

Apa 10:22

Ami ati vayaʼaiteʼmo yagaino neʼapateya vekamo agiʼamo Koniliyasiʼa kagaetegamo alino lateʼnigeta neʼone. Agaemo kanale vekamo Gotifeʼmo mono nehiya vekamo maiʼniye. Muki Yu vayaʼmogimo huʼapaeʼmo, kanale vekae, huʼa nehaya vekamo maiʼnigeno Goti enisole vekaʼamoʼmo agaefeʼmo hunoʼaeʼmo, Pitafeʼmo ge hugenoʼao eno kaha paisigeka geʼamo afigane, huno ha paiʼniye, huʼa ha paiʼnagenoʼaeʼmo,

Apa 22:12

Mago vekamo agiʼamo Ananayasiʼa mono vekamo lagae keʼaepa gemo akame nehiya vekamo maiʼnigeʼa muki Namasakasi taonifiʼmo maiʼnaya Yu vayaʼmogi agiʼaleʼmo aliʼa asaga huʼa ateʼnae.

Apa 6:3

Vayatimogitapae, huʼa, Lapakaitapigeʼmo lapakaepati mago seveniʼa vayaʼmo lekana paitapa apateyo. Kanale vayaʼmo Goti Aunemeʼamoʼmo apaipafiʼmo havai teʼnisiya vayaʼmogi alagepa huʼa apakesa neʼafiya vayaʼmo lekana paita apateteta aliʼa fako huʼa apamisaya aliʼyaʼmo apamigune.

Lomu 13:13

Ha le yateʼmo neʼmaiya vayaʼmogimo nehaya agufa fatago kavaʼmo higetao. Lusi neʼyaʼmo netapa alita anupa hutapa maiʼnetapaeʼmo hosu kavaʼmo osuge aniʼmo netetapa negi nagi gemo osuge kumai kavaʼmo osuge alu kava alu kavatetiʼmo muki kumai kavaʼmo osuge ge oʼvaige lapaipa kafa ohapaege hutapa maiyo.

Lomu 13:3

Gamani vayaʼmogimo alagepa kavaʼmo huʼa neʼmaiya vayaʼmogimo koli hisayafeʼmo yagaiʼa noʼapatafa hosu kavaʼmo nehaya vayaʼmogimo koli hisayafeʼmo yagaiʼa neʼapatae. Gamani vayaʼaifeʼmo koli osisayafeʼmo lahapauʼnifiye. Lahapauʼnisiyaʼmoʼmo alagepa kavaʼmo higeʼapao alagepa kavaʼmo nehae, huʼa hiyo.

Lomu 14:18

Vayaʼmogimo ani kavaʼmo nehuʼa Kalaisi aliʼyaʼamo neʼalisayana Gotiʼa amuse huno neʼapategeʼa muki vayaʼmogiʼeʼmo amuse huʼa neʼapatae.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 13:7

Lapakaemo hosu kavaʼmo osisayafeʼmo Gotifeʼmo nunumuʼmo huta nelapatone. Lapakaemo lagetetapaeʼmo, Poloʼeʼmo alagepa aliʼyaʼmo neʼaliye, hutapa lagesayafeʼmo nunumuʼmo osuta alagepa kavaʼmo hisayafeʼmo nunumuʼmo huta nelapatone. Lapakaemo alagepa kavaʼmo hisagetaeʼmo lapaulagaleʼmo uʼa haiʼa metaleʼnaya vayakana huta maiʼnisunana kanalene.

2 Kolitiyani 6:8

Mago vayaʼmogi lagitileʼmo aliʼa afepi nelatae. Mago vayaʼamogi huʼa faipa huʼa nelatageʼa mago vayaʼamogi ala lagitimo nelamiye. Mago vayaʼmogi huʼapaeʼmo, apakesamo nefaiya vayaʼmo maiʼnae, huʼa nehayaʼmonanafa lama ge vayaʼmo maiʼnone.

2 Kolitiyani 8:18

Mago avagi hisiya vekamo konagatimoʼeʼmo alita anateʼnonageʼana uʼnaʼae. Ani konagatimoʼa alagepa faigoko gemo aeno hakalo huno hapa nepaiya kavatetiʼmo muki siosiʼale siosiʼaleʼmo maiʼnaya vayaʼmogimo ala agiʼamo amiʼnae.

2 Kolitiyani 8:21

Ala kava neʼmo aulagalegeʼmo alagepa kavaʼmo osugunaʼmonanafa muki vayaʼai apaulagaleʼeʼmo alagepa kavaʼmo hugesune.

Galesiya 5:22

Mani hosu kavaʼmo haneʼniyaʼmonanafa Goti Aunemeʼamoʼmo apaipafiʼmo alagagana huno alagepa kavaʼmo alino afole aino neʼate. Ani alagepa kavaʼmo haneʼniyana hapau apayamopafiʼmo hapauge apamogaga aige magoke apaipa apakesamo alige hosu kavaʼmo halate aeʼa atagaina huʼa osuʼa afaʼa maige yuna apaipa kaliteʼa hapa maege muki afinaʼmo oʼataleʼa alagepa kavaʼmo huge

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

Efasasi 6:14

Lama ge kavaʼmo mapalugana huno haneʼniyanagi he titapa maiʼnetapaeʼmo lama ge kavaʼmo hutapa aeyo. Goti geʼamo akame nehaya kavaʼmo aeni siotigana huno haneʼniyanagi Goti geʼamo akame nehutapaeʼmo alitapa vaiyo.

Filipai 3:1

Konagaʼnimogitapae, huʼna, geʼnimo huʼna hano hugefeʼmo huvanagi henaga geʼnimo afiyo. Ala kava nefeʼmo lapamogaga aiyo. Lapa paiʼnova gemo halate lapa paisuvafeʼmo alagaʼmo oʼnahaeʼniyanageʼna lapa maesugetapa alagepa hutapa maisayafeʼmo lapa nepauve.

Kolosi 4:5

Lapakaemo malaga vayaʼaifeʼmo alagepa huta lapakesamo afitetapa alagepa kavaʼmo hiyo. Lapakaemo alagepa kavaʼmo hisaya afinaʼmo ago hano hugiyanagi alagepa kavaʼmo hutapa alagepa aliʼyaʼmo aliyo.

1 Tesaloniyani 4:12

Malaga vayaʼaitegamo alagepa kavaʼmo hutetapa kafu osisayafeʼmo aliʼyaʼmo aliyo.

1 Timoti 2:2

Gamani vayaʼe muki yagaiʼa neʼapataya vayaʼefeʼmo nunumuʼmo huta apategetao alagepa huta magokepi lokaeta maiʼneta Gotifeʼmo mono nehuta muki vayaʼaitegamo fatago kavaʼmo hugunanagi.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

1 Timoti 3:4

Agaemo afamo anagaʼaleʼmo alagepa huno yagaino apateteno mafaʼneʼamo muki kavatefeʼmo alagepa kavatetiʼmo alino aiyafiʼmo apatesiya kavaʼmo haneʼniye.

1 Timoti 4:12

Kagaemo apakesamo afiʼa fatago nehaya vayaʼmogi kakame hisayafeʼmo alagepa gemo huge alagepa kavaʼmo huge kahau kayamopafiʼmo kahauge kayamukiki huge alagepa huka kagesamo afika fatago huge yaveyave kavaʼmo huge huka maigeʼapao afa neya vekamo maiʼniye, huʼa osiyo.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

1 Timoti 5:2

Itakamofeʼmo ha nepaina agufa gemo huka alopa aʼne anagaʼaifeʼmo hapa paiyo. Kasakamogifeʼmo hapa nepaina agufa gemo huka venemo aʼne anagaʼaifeʼmo alagepa kaipamo kaliʼneka hapa paiyo.

Taitasi 1:8

Oʼmaigayaʼmonanafa nata vayaʼaiteʼmo alagepa huʼa yagaiʼa apatege alagepa kavafeʼmo hapauge alagepa apaipa apakesaleʼmo yagaiʼa atege fatago kavaʼmo huge apaote kavaʼmo huge hapauʼniya kavateʼmo yagaiʼa atege huʼa maiʼnisaya vayaʼmogigeʼmo maigae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Taitasi 2:2

Kosuna vayaʼaifeʼmo hapa paigeʼapao hapauʼniya kavateʼmo alagepa huʼa yagaiʼa atege alagepa huʼa yagaiʼa neʼapataya yahauve vayakana huʼa maige apaipa apakesaleʼmo alagepa huʼa yagaiʼa atege aigofeʼmo osuʼa lokiya vaiʼa apakesamo afiʼa fatago huge hapau apayamopafiʼmo hapauge atafauʼa alagi huʼa maige hiyo.

Taitasi 2:7

Kagaemo muki kavaʼalefeʼmo vayaʼmogi kakame hisaya agufa alagepa kavaʼageʼmo huvo. Alika apaya neʼmalekaeʼmo okasalisiya geletiʼmo lokiya geletiʼmo Gotitefeʼmo aliʼyaʼmo alika apaya malo.

Taitasi 3:14

Vayatimogi muki afinaʼmo alagepa kavaʼmo nehuʼa mago yafeʼmo kafu nehaya vayaʼmo hapa maesayafeʼmo fiku yanageʼa kafu hugayanagi apakeyo.

Himulu 11:2

Akeyaʼvilaga vayaʼmogimo apakesamo afiʼa fatago huʼnaya kavatetiʼmo Gotiʼa hunoʼaeʼmo, naulagaleʼmo fatago vayaʼmo maiʼnae, huno hapa paiʼnigeʼa alagepa apakiʼapimo aliʼnae.

Himulu 13:18

Nunumuʼmo hutapa lateyo. Lagaemo muki kavatefeʼmo hutaeʼmo, lole lagesamo oʼafita alagepa kavaʼmo hugesune, huta magoke lagesamo afiʼnetaeʼmo, lagupi mafaʼnemoʼa hosu kavaʼmo nehae, huno laha nopaigeta alagepa huta neʼmaune.

Yemisi 1:27

Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.

Yemisi 3:17

Hugayaʼmonanafa siosi vayaʼmogi alagepa huʼa ageteʼa afiʼnaya kavaʼmo kokuʼnapatiʼmo aliʼnisayana hogoteʼa yaveyave apaipamo aliteʼa alagepa huʼa magokepi lokaeʼa maige yagu yaga kavaʼmo huge vayaʼai geʼapimo afiteʼa hapau huʼa apatege alu alagepa kava alu alagepa kavaʼmo huge nehae. Apakaemo muki vayaʼaitegamo magoke aiyaya kavaʼmo huteʼa aeʼa ati okaeʼa afole yateʼmo neʼmaiye.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:12

Lapakaemo ma mopafi vayaʼaitegamo alagepa kavaʼmo hiyo. Apakaemo lapakaefeʼmo huʼapaeʼmo, hosu kavaʼmo nehae, huteʼa huʼa faipa huʼa lapatesaya vayaʼmogimo alagepa kavatapimo agesagenoʼaeʼmo Gotiʼa apakaeteʼmo emineno yagaino apatesiya afinaʼmo agiʼaleʼmo aliʼa asaga hugae.

1 Pita 4:8

Hogote kavaʼmo hutapa konagatapieʼmo lusi kava huno lapau lapayamopafiʼmo lapaino. Konagatapieʼmo lapau lapayamopafiʼmo nelapaiya kavaʼmoʼa hosu kavaʼapimo aeno ati kaeno atalegaiyaʼmofeʼmae.

2 Pita 3:1

Nahauʼniya vayaʼnimogitapae, huʼna, ago afiʼnaya geeʼmo halate alagepa lapakesafatiʼmo magoʼe hutapa lapakesamo afisayafeʼmo aliʼna he tiʼna lapatesuvafeʼmo hogoteʼna avoʼmo kaeteʼnaeʼmo hemenimo halate henaga gemo avoʼmo nekaove.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.

Luti 3:11

Muki mani kote ve aʼnemogimo kagaemo kageʼnayana kanale a kanomo maiʼnane, huʼa ago kageʼnayaʼmofeʼmo koli osuvo. Naha paiʼnana gemo afiʼnovanageʼna kaha paigesuve.