2 Yuvotigaʼe Sitakigaʼefeʼmo lanahao ke nehovanagi, lanakaemo Ala kava nepiʼmo maiʼnetanaeʼmo magoke lanaipa lanakesamo alitana maiʼao.
Yosefeʼa nepuʼamogifeʼmo hapa painoʼaeʼmo, kategamo neʼutapaeʼmo lapakaitapimo ge oʼvaiyo, huno hapa paiteno alino apateʼnigeʼa uʼnae.
Hagemo kanale yaʼmo haneʼniyaʼmonanafa haga nehiya yaʼamo hano hisigeʼapaeʼmo haiya kava huʼa halate haga yaʼamo aliʼa hamaleʼa atesageno haga hugiye. Lapaipafiʼmo hagekana huno haneʼnisigetapa magoke lapaipa lapakesamo aliteta alagepa hutapa magokepi lokaeta maiyo, huno hapa paiʼniye.
Konagaʼnimogitapae, huʼna, Ala kava netimo Yesu Kalaisi agiʼaletiʼmo ge huʼnaeʼmo, Alita fako hutapa alu vaya alu vayaʼmo oʼmaitapa magoke vayaʼmo maiʼnetapa magoke agufa geʼageʼmo hutapa maiyo. Alagepa hutapa magokepi lokaeta maitetapa magoke lapaipa lapakesamo alita maiyo.
Alino apave ligiyaʼmonanafa alino lave liʼniya kavaʼmo akame huteta magoke laipa lagesamo aliteta magoke gemo akame higetao.
Goti aliʼyaʼmo neʼaliyaʼmofeʼmo alagepa vayaʼmo maiʼnae, hutetapa apakaefeʼmo lapau lapayamopafiʼmo lapaino. Magoke lapaipa lapakesamo alitetapa magokepi lokaetapa maiyo.
Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.