Filipai 4:19 - The Keyagana NT and 25 OT books

¹⁹ Gotiʼnimoʼa Kalaisi Yesutetiʼmo asole yaʼmo maleʼniya yapatiʼmo lapakaemo muki kafu huʼnisaya yaʼmo fikumo lapamigiye.

Filipai 4:19 ပူးပေါင်းရင်းမြစ်များ

Aepa Gemae 48:15

Yekopuʼa Yosefefeʼmo alino auleno atetenoʼaeʼmo ani ge huʼniye. Lotoʼnimo Emalehamuʼe afoʼnimo Aisakiʼeʼmo Goti aulagaleʼmo maiʼnaʼae. Ani Gotiʼa muki afinaʼmo maime maime eʼnova afinaʼmo neʼyaʼmo namilineno hemeniʼeʼmo neʼnamiye.

2 Sitoli 18:13

Huno ha paiʼniyaʼmonanafa Mikaiyaʼmo apa vekaeʼmo hunoʼaeʼmo, Ala kava neʼmo maiʼniya kava huʼna alagi lama gemo huguve. Gotiʼnimoʼmo na agufa gemo naha paisifigeʼna alagi ani gegeʼmo aeʼna hakalo huguve, huno huʼniye.

Samu 104:24

O Ala kava nene, huʼna, asole aliʼyaʼmo alu aliʼya alu aliʼyaʼmo aliʼnane. Kagaemo afiteka ageʼnana kavakamo alopa kavaʼmo haneʼnigeka muki yaʼmo alo huʼnane. Kagaemo alo huʼnana yaʼmoʼmo ma mopafiʼmo alagi havaiteʼniye.

Samu 130:7

Isaleli vayaʼmogitapae, huʼna, Ala kava nefeʼmo lapakesamo afitetapa lapa maesiyafeʼmo lapavayagunagu hutapa maiyo. Ala kava neʼmoʼa vayaʼaeʼmo hau huno neʼapateyanageno olapatalegaiye. Agaemo muki alu hosu kava alu hosu kavapatiʼmo miya faino hatu maeno neʼapateyaʼmofeʼmo ani kavafeʼmo lapakesamo afiteta lapavayagunagu hutapa maiyo.

Samu 36:8

Lusi neʼyaʼmo lamiʼnanageta neʼnonagenoʼaeʼmo lamu nepae. Lamiʼnanagetaeʼmo lamogaga aisunafeʼmo alopa anipatiʼmo aniʼmo neʼnone.

Samu 84:11

Ala kava netimo yegetiʼe halegutiʼeʼmo maiʼniye. Agaemo ala apakiʼapimo apamiteno alagepa yaʼmo fiku hapa maeno apamigiye. Agaemo api kavaʼmo nehaya vayaʼaifeʼmo alagepa yaʼmo magokeʼageʼmo lapamiguve huno osugifa muki alagepa yaʼamo afaʼa apamigiye.

Neniyo 6:22

Gotiʼnimoʼa enisole vekaʼamo alino ateʼnigeno emineno laiyoni anagaʼmogi apavayaleʼmo alino akanigeʼa nahaeʼa oʼneʼnae. Agaemo nageʼniyana aulagaleʼmo mago hosu kavaʼmo osuge kagaetegaʼeʼmo mago hosu kavaʼmo osuge huʼnovaʼmofeʼmae.

Maika 7:7

Hugayaʼmofeʼmo nagaemo Ala kava neʼmoʼa naha maesiyafeʼmo aulu heʼna agegauve. Nagufamo alino katino neʼnateya Gotiʼa naha maesiyafeʼmo agava maiguve. Nagaemo Gotiʼnimofeʼmo keya aeʼna ge hisugeno afigiye.

Malakai 3:10

Lapakaemo noʼnifiʼmo neʼyaʼmo hanesiyafeʼmo muki ofalini hisaya yaʼmo alinitetapa mono nopiʼmo maleyo. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Geʼnimo akame nehutapaeʼmo lama gemo huʼnofi, hutapa amalageka hutapa ageyo. Geʼnimo akame hisayana kokuʼnapi yasi kaʼmo yaki maleʼnisugeno ko aigekana huno aliʼna auleʼna lapatesuva yaʼmo lapakaeteʼmo eminesigetapa maleta havai tegayaʼmofeʼmo magoʼe hutapa malesaya yaʼmo ohanegaiye.

Matiyu 6:32

Malaga vayaʼmogimo mani yafeʼmo hapaʼye nehigeʼapaeʼmo kahauya huʼa maiʼnae. Kokuʼnapi afotapimoʼmo ofalita afaʼa maisayafeʼmo neʼyatapiʼe kukenatapiʼeʼmo alisaya yatapimo haneʼniye, huno ago ageʼniye.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Yoni 20:27

Tomasifeʼmo hunoʼaeʼmo, ati yagaina kayaʼmo nayatalapiʼmo vaika ago. Kayaʼmo alika ataleʼneka ati yagaina kayatetiʼmo hayoletiʼmo nahaopafiʼmo aeʼnaya kapiʼmo vaiyo. Vaiteka kagesamo afika fatago nosana kavakamo ataleka kagesa afika fatago huvo, huno ha paiʼnigeno

Lomu 1:8

Muki ma mopafi vayaʼmogimo lapakesamo afita fatago nehaya kavafeʼmo lapava gemo nehayaʼmofeʼmo hogoteʼna ani kavatefeʼmo Gotifeʼmo Yesu Kalaisitetiʼmo hao ke nehove.

Lomu 11:33

Vae, huʼna, solovala aniʼmo lusi vasilonamo haneʼniya kavakana huno agesamo neʼafiya kavaʼe afiteno aliʼyaʼmo neʼaliya kavaʼeʼmo vasilonagana huno haneʼniye. Lagaemo kahauya hugunaʼmonanafa alagi agae aipa agesamo oʼagegaune. Ina laʼmo aliʼyaʼmo neʼaliya kavaʼmo aepaʼamo agegaiye.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

Lomu 8:18

Nagesa afifi nehuʼnaeʼmo, hemenimo kana yaʼmo neʼaliya yaʼmo aise yanageno ha le konali yaʼamo lamisiya yaʼmo alopa yaʼmo haneʼniye.

Lomu 9:23

Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.

2 Kolitiyani 12:21

Fiku yanageʼna halate lapakaetegamo visugenoʼaeʼmo Gotiʼnimoʼmo lapaulagaleʼmo navagage yaʼmo namigiye. Hogotetapa asole vayaʼmogitapamo kavatapileʼmo oʼyagaitapa oʼaniʼya kavaʼmo huge kumai kavaʼmo huge afela afugana hutapa hosu lapaʼye huge hutapa maiʼnisaya vayaʼmogitapamo halate lapaipamo alita afe oleʼnisayana yulagefaʼmo aiguve.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 2:7

Gotiʼa lusi kava huno fikumo laha maeno lamiʼniya kavaʼamo kagemi yaʼagana huno haneʼnigeno Kalaisi Yesutetiʼmo agaiʼa aipamo alino ao yaʼmo hu maleʼniya kavaʼmo alino apave lisigeʼapaeʼmo afole aisiya afinaʼmo ageʼa maigae.

Efasasi 3:16

Nunumuʼmo nehuʼnaeʼmo, lusi kava huka ha le konali vekamo maiʼnanaʼmofeʼmo ha le konali kagemi yakalefeʼmo himamukaletiʼe Kaunekametetiʼeʼmo apakupi mafaʼnemo lokiya vaika apato. Kalaisiʼa agaefeʼmo apakesamo afiʼa fatago nehaya kavatetiʼmo apaipafiʼmo alagi maiyo. Kalaisiʼa apaipafiʼmo maiʼnisigeʼapaeʼmo hapau apayamopafiʼmo hapauʼnisigeʼa hapafuʼyamo aegekana huʼa maiʼneʼa noʼmo faiʼa neʼataya yateʼmo alagi atafauʼa alagi huʼa maiyo.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

1 Tesaloniyani 2:12

Gotiʼa yagaino neʼapateya koteʼmo uta haitapa maiʼnetapaeʼmo ha le konali yaʼamo alisayafeʼmo keya aeno ge huʼniya agufa kavaʼmo hutapa maiye.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

Failimoni 1:4

Konagatimoga Failimoniyo, huʼna, muki afinaʼmo kagaefeʼmo nunumuʼmo huʼna nekateʼnaeʼmo Gotiʼnimofekeʼmo hao ke heʼna nekatove.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.