Filipai 4:1 - The Keyagana NT and 25 OT books

¹ Nahau nayamopafiʼmo nahauʼniya konagaʼnimogitapae, huʼna, lapakaefeʼmo lusi kava huno neʼnahaiye. Lapakaefeʼmo namogaga neʼauvanageno Gotiʼa lapakaetetiʼmo ala nagiʼnimo namigiye. Inagi Ala kava nepiʼmo lokiya vaitapa he tita maiyo.

Filipai 4:1 ပူးပေါင်းရင်းမြစ်များ

Samu 125:1

Ala kava nefekeʼmo aliʼa amufa neʼamiya vayaʼmogimo Saiyoni avegana huʼa maiʼnae. Saiyoni avemoʼmo kanage osuno lokiya vaino nehaneya kava huʼa maiʼnae.

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Matiyu 10:22

Muki vayaʼmogimo nagiʼnilefeʼmo apaini huʼa lapategayaʼmonanafa oʼataleta atafautapa alagi hutapa maime maime uta atupa afinaʼmo afole aisagenoʼaeʼmo Gotiʼa lapakufamo alino katino lapategaiye.

Yoni 8:31

Inagi Yesuʼa Yu vayaʼmogi agaefeʼmo apakesamo afiʼa fatago nehaya Yu vayaʼaifeʼmo hunoʼaeʼmo, geʼnifiʼmo maime maime neʼvisayana lama ge vayaʼmo geʼnimo neʼafiya vayaʼmo maiʼnae.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

2 Kolitiyani 1:14

Magoʼamogitapamo lagetetapaeʼmo lagaefeʼmo lapamogaga neʼaiye. Ani kava huta Ala kava netimo Yesuʼa eminesiya afinaʼmo lapakaefeʼmo lamogaga aisuna kava hutapa lagaefeʼmo lapamogaga aigae.

Galesiya 5:1

Kalaisiʼa afa vayaʼmo maisunafeʼmo hatu maeno lateʼnigeta afa vayaʼmo maiʼnonaʼmofeʼmo ani kava huta lokiya vaita afa vayakeʼmo maigetao. Keʼaepa gemo afeʼalumelagamo aliʼa lapatesayafeʼmo nehayanagi halate kana huʼniya aliʼyaʼmo alitetapa kalavusifiʼmo oʼmaiyo.

Filipai 1:27

Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.

Filipai 1:8

Yesu Kalaisiʼa lapakaefeʼmo hauʼniya kava huʼna lapakaefeʼmo lusi kava huno neʼnahaiye, huʼna nehugenoʼaeʼmo Gotiʼa afiteno naha maeno, lama gemo hiye, huno nehiye.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 3:13

Ala kava neʼmoʼa ani kavatetiʼmo lapa maeno lokiya vaino lapatenagetapa Ala kava netimo Yesu Kalaisiʼe muki vayaʼamogiʼeʼmo eminesiya afinaʼmo Afotimo Goti aulagaleʼmo hosu kavatapimo ohanesigetapa alagi alagepa hutapa maigae.

2 Tesaloniyani 2:15

Konagatimogitapae, huta, ani kavaʼmo huʼniyaʼmofeʼmo aeta hakalo huta lapa paiʼnona geleʼe avoʼmo kaeʼnona geleʼeʼmo oʼataletapa atafauta alagi hutapa maiyo.

2 Timoti 2:1

Apakaemo nataleʼnayaʼmofeʼmo kagaemo mafaʼneʼnimogamo Kalaisi Yesuʼa fikumo kaha maeno kamiʼniya kavatetiʼmo lokiya vaika maiyo.

Himulu 10:23

Ani kavaʼmo huguve, huno laha paiʼniya vekamoʼmo geʼamo amagino ataleteno alu gemo osugiyaʼmofeʼmo agava maiʼneta lavayagunagu nehuna kavatefeʼmo lole lagesamo oʼafita atafauta alagi huʼneta aeta hakalo higetao.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

2 Pita 3:17

Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.