Filipai 3:8 - The Keyagana NT and 25 OT books

⁸ Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

Filipai 3:8 ပူးပေါင်းရင်းမြစ်များ

Samu 126:6

Mago vekamoʼmo alopa monileʼyaʼmo aeno agaseʼniya avina yaʼmo hakalesiyafeʼmo alinino uʼnigenoʼaeʼmo aunumo uno nelamisiyaʼmoʼmo neʼyaʼamo alitenoʼaeʼmo amogaga aime aime egaiye.

Samu 73:25

Kokuʼnapiʼmo mago naha maesiya vekamo oʼmaiʼniyaʼmonanafa kagaekeʼmo maiʼnane. Ma mopafi vekaeʼmo nahaʼye hisiya vekamo mago oʼmaiʼniyaʼmonanafa kagaekeʼmo maiʼnane.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Malakai 2:3

Afiyo, huʼna, Nagaemo lapakinago vayaʼaifeʼmo hosu kavaʼmo huʼnae, huʼna huteʼnaeʼmo ofalini afumo aifaʼamo aliʼna lapaugosafiʼmo faleʼna lapategauve. Apakaemo lapavaleliʼuʼa ofalini afumo aipaʼamo alinitutapa yaga autapa neʼatalaya yategamo yaga auʼa lapatalegae. Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo,

Napa 14:30

Nagaemo uta lapamisuva mopaleʼmo maigae, huʼna polomasi gemo lama gemo nagoʼyamo ataleʼna hu maleʼnovaʼmonanafa lapakaemo muki vayaʼamo afaʼa oʼugae. Kelepiʼmo Yefune mafaʼneʼe Yasuvaʼmo Nani mafaʼneʼekeʼmo afaʼa ugaʼae.

Luki 1:43

Ina agufa a kanomo maiʼnovana haiya kavaʼmo higekaeʼmo Ala kava neʼnimo itaʼamoga nagaetegamo eʼnane.

Luki 11:20

Nagaemo Gotiʼa ati yagaina ayatetiʼmo hosu apaune vayaʼmo aliʼna hapafaiʼna neʼapatalesuvana Gotiʼa yagaino neʼapateya kavaʼmo ago eno lapaopaleʼmo afole aiʼniye.

Yoni 14:20

Ani afinaʼmo afole aisigetapaeʼmo agetapaeʼmo Afoʼamopiʼmo maiʼnigeta agaepiʼmo maiʼnonageno lagaepiʼmo maiʼniye, hutapa nagegae.

Yoni 14:7

Nageta alagepa hutapa nageʼnaesinana ani kava hutapa Afoʼnimoʼmo ageta alagepa hutapa nageʼnaesine. Ageʼnayaʼmofeʼmo hemenimo mani afinatetiʼmo aepa faitapa Afoʼnimoʼmo agetapa alagepa hugae, huno hapa paiʼnigeno

Yoni 16:3

Muki yaʼmo Afoʼamoʼmo ageʼa alagepa osuʼnaya kava huʼa nagaemo nageʼa alagepa osuʼnayaʼmofeʼmo ani agufa kavaʼmo lapakaetegamo hugae.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 20:13

Anakaemo huʼanaeʼmo, Ane, huʼana, na kava higekaeʼmo aviʼyaʼmo nehane, huʼana ge huʼana afi geʼnaʼageno Ala kava vekaʼnimo alini uʼa haiyaʼaleʼmo maleʼnafi huʼna oʼagove, huno hana paiteno

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Lomu 8:18

Nagesa afifi nehuʼnaeʼmo, hemenimo kana yaʼmo neʼaliya yaʼmo aise yanageno ha le konali yaʼamo lamisiya yaʼmo alopa yaʼmo haneʼniye.

1 Kolitiyani 2:2

Hogoteʼna naipafiʼmo, apakaeʼeʼmo uʼna magokepi lokaeʼna maiʼneʼnaeʼmo muki kavafeʼmo nage kaniʼna ataleʼneʼna Yesu Kalaisifekeʼmo nagesamo afiʼneʼna Yesu Kalaisiʼmo malipu yosaleʼmo nili aiteʼa aliʼa he tiʼa ateʼnaya kavafekeʼmo nagesamo afiʼneʼna aeʼna hakalo huguve, huʼna lokiya vaiʼna nagesamo afiʼnove.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Galesiya 1:16

Agaemo Mafaʼneʼaeʼmo ava gemo malaga nofi vayaʼaifeʼmo aeʼna hakalo huʼna hapa paisuvafeʼmo Gotiʼa hauʼniya afinaʼmo Mafaʼneʼamo naipafiʼmo alino nave liʼnigeʼna ageteʼnaeʼmo uʼna mago vayaʼeʼmo ge huge afige huʼna oʼmaiʼnove.

Efasasi 4:13

Ani kavaʼmo huta kosime kosime neʼutaeʼmo magokepi lokaeta maiʼneta magoke lagesamo afita fatago huge Goti Mafaʼneʼamo alagepa huta agege nehutaeʼmo alopa vayakana huta maiʼneta uta haita hapaigune. Kalaisiʼa alagi alopa vekagana huno maiʼniyanageta ani kavaʼmo huta kosime kosime uta Kalaisikana huta maigune.

Filipai 1:1

Nagaemo Poloʼnaʼe Timotiʼeʼmo Yesu Kalaisi aliʼyaʼamo neʼaluʼa vekalaʼmo maiʼnetaʼa Poloʼnamo muki Filipai taonifiʼmo maiʼnaya vayaʼmo Kalaisi Yesupiʼmo maiʼnaya vayaʼmogitapaeʼmo mani gemo avoʼmo nekaove. Nagaemo muki lapaote vayafenagi konagatimogiteʼmo yagaiʼa neʼapataya vayatama vayafenagi mono aliʼyaʼmo neʼaliya nikeni vayafenagi huʼna mani gemo avoʼmo nekaove.

Filipai 3:10

Nagaemo Kalaisina ageʼna alagepa huʼna agesuvafeʼmo neʼnahaiye. Faliʼniyatetiʼmo he tiʼniya himamuʼamoʼa naipafiʼmo aliʼyaʼmo alisigeʼna agegesuve. Kana yaʼmo aliʼniya kavatefeʼmo magoke agufa kava huʼna kana yaʼmo alisuvafeʼmo neʼnahaiye. Faliʼniyanageʼna atafa naipamo hano hisiyafeʼmo faliteʼna agaekana huʼna maigesuve.

Filipai 3:12

Atupaleʼmo uʼna avaʼyi osuʼnove. Uʼna haiʼna ohapaiʼnovanageʼna atafausuvafeʼmo vegala aeʼna nagu nagu huʼna uʼna atafausuvafeʼmo Kalaisi Yesuʼa hogoteno natafauʼniye.

Filipai 3:7

Hogoteʼna ani agufa kavaʼmo huʼna maiʼneʼnaeʼmo, naha maegaiye, huʼna nagesamo afiteʼna amuse huʼnovaʼmonanafa Kalaisiʼa atafausuvafeʼmo, naha oʼmaeno natafauno nategaiye, huʼna nagesamo afiteʼna ataleʼnove.

2 Timoti 4:6

Nofi alagafati aniʼmo lakiʼa Gotiʼmo ofalinimo neʼamiya kava huʼna kolaʼnimo aiʼna lakiʼna mopamo ataleʼna visuva kana yaʼnimo alagi ago hogo huʼniyaʼmofeʼmae.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

1 Pita 2:7

Lapakesamo afita fatago nehaya vayaʼmogitapamo, alopa monileʼyaʼmo aeno agaseʼniya vekae, hutapa nehayaʼmonanafa apakesamo afiʼa fatago nosaya vayaʼaifeʼmo Goti mukufi gemoʼmo hunoʼaeʼmo, Noʼmo nekiya vayaʼmogi huʼapaeʼmo, ina agufa yafaʼmo haneʼniye, huʼa huteʼa aliʼa yaga auʼa ataleʼnayaʼmonanafa hogote yafaʼmo noʼmo faino atesiya yafaʼmo alino hamaleno ateʼniye, huno huʼniye.

2 Pita 1:2

Lapakaemo Gotiʼe Ala kava netimo Yesuʼeʼmo lapakaemo anaketa aeto huʼnaya kavatetiʼmo fikumo lapa maeʼana lapamisaʼageno lapaipamoʼmo falu hino.

2 Pita 1:3

Gotiʼa yalagisa vekamoʼmo himamuʼaletiʼmo alagepa huta maiʼneta Gotifekeʼmo alagepa huta mono hisunafeʼmo muki yaʼamo fikumo laha maeno lamiʼniye. Lagaemo Gotiʼmo ageta alagepa huta ageʼnona kavatetiʼmo muki yaʼamo lamiʼnigeta aliʼnone. Ha le konali yaʼamo aliteta agaekana huta maisunafeʼmo lagaefeʼmo eyo, huno keya aeno ge huʼniye.

2 Pita 1:8

Mani kavaʼmo magoʼe magoʼe hutapa hisayana Ala kava netimo Yesu Kalaisiʼmo agetapa aeto huʼnaya kavatetiʼmo afaʼa oʼmaitapa alagamo aegae.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.