Filipai 3:5 - The Keyagana NT and 25 OT books

⁵ Naha maegaiye, huʼna nagesamo afuvesina agufa kavaʼmo haneʼniyana itaʼnimoʼmo alino nateʼnigeno magoke salemo utegeʼapaeʼmo nagufamo lagauʼnae. Nagaemo Isaleli vekamo maiʼneʼna Menisameni nofi vayapati vekamo maiʼnove. Muki naginago vayaʼmo Himulu vayaʼageʼmo maiʼnae. Hogoteʼna Falasi mono vekamo maiʼneʼna Yu vayaʼai keʼaepa gemo akame huʼnove.

Filipai 3:5 ပူးပေါင်းရင်းမြစ်များ

Aepa Gemae 14:13

Mago vekamo faino kasalo paetaleno eʼniya vekamoʼmo eno Himulu vekamo Emalemifeʼmo ha paiʼniye. Emalemiʼa maiʼniya alopa yosa aepafiʼmo Emo nofi vekamo Mamali yosamo aepafiʼmo maiʼniye. Lole konagalaʼmo Esikoliʼe Aneʼeʼmo Emalemiʼeʼmo aliʼana anao ya huteʼa maiʼnae.

Aepa Gemae 17:12

Muki ve mafaʼnetapimo eitiʼa afinaʼmo maiʼnisaya mafaʼne anagaʼmogi apakufamo lagauge notapifiʼmo aliʼyatapi neʼaliya vayaʼmogi aliʼa apatesaya mafaʼneʼai apakufamo lagauge alu nofi vayapatiʼmo miya faiʼnisaya vayaʼmogi mafaʼneʼai apakufamo lagauge hiyo.

Aepa Gemae 40:15

Hogoteʼapa vayaʼmogimo Himulu vayaʼai mopaletiʼmo kumaya navaleliʼa mani koteʼmo eʼnae. Mani koteʼmo eʼna maiʼnova afinatetiʼmo kalavusi huʼa natesaya agufa hosu kavaʼmo alagi osuʼnove, huno ha paiʼniye.

Aepa Gemae 41:12

Mago Himulu neya vekamo laʼagaeʼeʼmo magokepi lokaeno maiʼniye. Agaemo ami vayakaleʼmo yagaino neʼapateya vekamo aliʼyaʼamo neʼaliye. Laʼagaemo ani neya vekaeʼmo alagamuna ageʼnoʼa kavafeʼmo ha paiʼnoʼagenoʼaeʼmo alagamunamo aepaʼamo laʼaha paiʼniye.

Yona 1:9

Afi geʼnagenoʼaeʼmo, Himulu nofi vekamo maiʼnove. Ala kava neʼmo kokuʼnapi neʼmaiya Gotiʼmo solovalate aniʼe mopaʼeʼmo alo huʼniya Gotitefeʼmo mono nehuva vekamo maiʼnove, huno hapa paiʼniye.

Luki 1:59

Magoke salemo utegeno Yu vayaʼmogi nehaya kavaʼmo huʼa ani mafaʼnemo agufamo lagausayafeʼmo eʼapaeʼmo, afoʼamo agileʼmo ategaune, huʼa huʼnagenoʼaeʼmo

Luki 2:21

Magoke salemo utegeʼa Yu vayaʼmogi nehaya agufa kavaʼmo huʼa Yesu agufamo lagauʼa ataleteʼapaeʼmo agiʼamo Yesuʼae huʼa ateʼnae. Maliyaʼmo aipaguʼeʼmo oʼmaiʼnigenoʼaeʼmo enisole vekamoʼmo ani agimo ateʼniye.

Luki 5:38

Saufa aniʼmo saufa afu agufa kepikeʼmo lakisayaʼmoʼmo aniʼe keʼeʼmo afaʼa hanegaiye.

Apa 22:3

Poloʼa hunoʼaeʼmo, Yu vekamo maiʼneʼna Silisiya kotega taonimo agiʼamo Tasasi taonifiʼmo itaʼnimoʼmo alino natetegeʼnaeʼmo eʼna mani Yulusalemu taonifiʼmo ko siteʼna maiʼnove. Maiʼnogeno Gameliyeloʼa muki laginago vayaʼai keʼaepa gemo alino naya maleʼnigeʼna alagepa huʼna afiʼnove. Lapakaemo hemenimo nehaya agufa kavaʼmo huʼna Goti kateʼmo nayamukiki huʼna uʼnove.

Apa 23:6

Poloʼa apakeyana Satiyusi vayaʼe Falasi vayaʼeʼmo eʼa maiʼnageno apaketenoʼaeʼmo kanisole vayaʼaifeʼmo, Konagaʼnimogitapae, huno, Falasi vekamo maiʼneʼna Falasi vayaʼai mafaʼnemo maiʼnove. Nagaemo agava neʼmaiya vekaeʼmo nagesamo afiʼna fatago huge faliʼnaya vayaʼmo he tigae, huʼna nagesamo afiʼna fatago huge nehuʼnaeʼmo namogaga aiʼna agava maiʼnova kavatefeʼmo agoti huʼa neʼnatae, huno hapa paiʼniye.

Apa 6:1

Yesu geʼamo neʼafiya vayaʼmo magoʼe huʼa asole vayaʼmo afole aiʼnageʼapaeʼmo Galiki apakemo neʼaiya Yu vayaʼmogimo Himulu apakemo neʼaiya Yu vayaʼaifeʼmo huʼapaeʼmo, Kogu aʼnetimo muki afinaʼae afinaʼaeʼmo aliʼa fako huʼa neʼapamiya monifatiʼmo noʼapamiye, huʼa ge hapauʼnae.

Lomu 11:1

Ani gemo huʼniyaʼmofeʼmo nagaemo huʼnaeʼmo, Gotiʼa vayaʼamo alagi alino hapa faino apataleʼnifiye. Haʼao, alagi atalegeno hano hino. Ani geeʼmo huʼnaeʼmo, nagaemo Emalehamu aginagoʼamo maiʼneʼna Menisameni nofi vayapatiʼmo Isaleli vekamo maiʼnove.

2 Kolitiyani 11:22

Apakaemo Himulu nofi vayaʼmo maiʼnafiye. He, nagaeʼeʼmo Himulu nofi vekamo maiʼnove. Isaleli vayaʼmo maiʼnafiye. He, nagaeʼeʼmo Isaleli vekamo maiʼnove. Apakaemo Emalehamu aginago vayaʼmo maiʼnafiye. He, nagaeʼeʼmo Emalehamu aginago vekamo maiʼnove.

1 Samiyo 4:6

Filisatini vayaʼmogimo ani ge huʼa keya aeʼa ge huʼnaya gemo afiteʼa huʼapaeʼmo, Na kavaʼmo higeʼapaeʼmo Himulu vayaʼmogi ani agufa gemo huʼa lusi kava huʼa ge nehae, huʼa huʼnageʼa mago vayaʼmogi huʼapaeʼmo, Ala kava neʼmo kesiʼamo seli noʼapileʼmo eʼniye, huʼa hapa paiʼnae.