Filipai 3:3 - The Keyagana NT and 25 OT books

³ Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Filipai 3:3 ပူးပေါင်းရင်းမြစ်များ

Samu 105:3

Aote agiʼalefeʼmo ala lapakitapimo alitetapa lapamogaga aiyo. Ala kava nefeʼmo kahauya nehaya vayaʼmogimo apamogaga aiyo.

Aiyeya 45:25

Muki Isaleli aginago vayaʼmogi Ala kava nepiʼmo maiʼnayanageno Gotiʼa hunoʼaeʼmo, Lapakaemo naulagaleʼmo fatago vayaʼmo maiʼnae, huno hapa paisigeʼapaeʼmo apamogaga aiteʼa ala nagiʼnimo namigae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 15:17

Mani aliʼyaʼmo neʼaluvaʼmofeʼmo Goti aliʼyaʼamo neʼaluva kavatefeʼmo Kalaisi Yesuʼa naha maeʼniya kavatetiʼmo afaʼa hao ke hegauve.

Lomu 7:6

Huʼnonaʼmonanafa hemenimo keʼaepa gemoʼa nofi aeno lateʼniya gelefeʼmo faliʼnonagenoʼaeʼmo Gotiʼa ago hatu maeno lateʼniye. Hemenimo Goti geʼamo akame nehutaeʼmo magoʼe huta atafa gemo avoʼmo kae maleʼniya keʼaepa gemoʼa ma kavaʼmo hiyo ina kavaʼmo osiyo huno huʼniya kateʼmo noʼunaʼmonanafa saufa kaʼmo Goti Aunemeʼamoʼmo valino nelateya katekeʼmo neʼune.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Lomu 9:6

Nagaemo huʼnaeʼmo, Gotiʼa Emalehamufeʼmo kotalake gemo ha paiʼniya gemo afole oʼaiʼniye, huʼna nosuve. Muki Isaleli nofi vayapatiʼmo afole aiʼnaya vayaʼmogimo mago lama ge Isaleli vayaʼmo oʼmaiʼnae.

2 Kolitiyani 11:18

Asole vayaʼmogimo amega apakufale kavafeʼmo apamogaga neʼaiyaʼmofeʼmo nagaiʼnieʼmo afaʼa namogaga aiguve.

Galesiya 5:25

Goti Aunemeʼamoʼmo afaʼa maisuna kavaʼmo alino lamiʼniyaʼmofeʼmo akame higetao.

Galesiya 6:16

Gotiʼa mani avoʼmo nekaova gemo akame nehisaya vayaʼmo agaiʼa vayaʼmo muki lama ge Isaleli vayaʼaifeʼmo hau huno apatenageʼa apaipamoʼmo falu hino.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Filipai 1:1

Nagaemo Poloʼnaʼe Timotiʼeʼmo Yesu Kalaisi aliʼyaʼamo neʼaluʼa vekalaʼmo maiʼnetaʼa Poloʼnamo muki Filipai taonifiʼmo maiʼnaya vayaʼmo Kalaisi Yesupiʼmo maiʼnaya vayaʼmogitapaeʼmo mani gemo avoʼmo nekaove. Nagaemo muki lapaote vayafenagi konagatimogiteʼmo yagaiʼa neʼapataya vayatama vayafenagi mono aliʼyaʼmo neʼaliya nikeni vayafenagi huʼna mani gemo avoʼmo nekaove.

Filipai 3:12

Atupaleʼmo uʼna avaʼyi osuʼnove. Uʼna haiʼna ohapaiʼnovanageʼna atafausuvafeʼmo vegala aeʼna nagu nagu huʼna uʼna atafausuvafeʼmo Kalaisi Yesuʼa hogoteno natafauʼniye.

Filipai 3:14

Gotiʼa anaga kotegamo uʼna haiʼna maisuvafeʼmo Kalaisi Yesutetiʼmo nagaefeʼmo keya aeʼnigeʼna atupaleʼmo uʼna avaʼyi huteʼna hetamaʼnimo alisuvafeʼmo nayamukiki huʼna nagu nagu huʼna neʼuve.

Kolosi 2:11

Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.

Yuti 1:20

Nahauʼniya vayaʼnimogitapae, huʼna, ani kavaʼmo huʼa maiʼnayaʼmonanafa lapakaemo Goti Aunemeʼaletiʼmo nunumuʼmo nehutapaeʼmo lapakesamo afita fatago nehaya kavatapileʼmo lapakaitapimo magoʼe hutapa alita lokiya vaita lapateme lapateme viyo.