Filipai 3:21 - The Keyagana NT and 25 OT books

²¹ Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

Filipai 3:21 ပူးပေါင်းရင်းမြစ်များ

Salomoni Yokemae 1:11

Lagaemo konali yakamo goli yafatetiʼmo alo huge siluva yafatetiʼmo alo huge huteta kamigune.

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Matiyu 17:2

Apaulagaleʼmo aeto agufa agufamo alino hamaleʼniye. Augosafatiʼmo yegegana huno leʼnigeno kukenaʼalegatiʼmo ha le yakana huno yaveyaveʼage huʼniye.

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Lomu 8:29

Ani kavatefeʼmo Gotiʼa hogoteno agesamo afitenoʼaeʼmo hau ayamopafiʼmo hauʼniya vayaʼaifeʼmo, mafaʼneʼnigana huʼa maigae, huteno lekana paino apateʼniye. Aganaʼamogimo asole vayaʼmo maisageno hogote yege mafaʼneʼamoʼmo nepuʼapimoʼmo maisiyafekeʼmo lekana paino apateʼniye.

Kolosi 3:4

Kalaisiʼa afaʼa neʼmauna yaʼmo afoʼamoʼmo vekamo afole aisigetapaeʼmo ha le konali yaʼamo agaeʼeʼmo alisageʼa lapakegae.

1 Yoni 3:2

Nahauʼniya vayaʼmogitapae, huʼna, hemenimo Goti mafaʼneʼamo maiʼnonanageta henagaʼamo haiya agufa vayaʼmo maisupi, huta oʼafiʼnonaʼmonanafa agaemo emineno afole aisigetaeʼmo agaekana huta maigune, huta afiʼnone. Haiya agufa vekamo maiʼnifi, huta ageta aeto hugunaʼmofeʼmo agaekana huta maigune.

Leveleseni 1:8

Ala kava neʼmoʼa hunoʼaeʼmo, Nagaemo aliʼna aepa fai maleteʼna aliʼna hano huʼna atesuva vekamo maiʼnove. Hogoteʼna maiʼneʼna hemeniʼeʼmo maiʼnovanageʼna henagaʼaʼeʼmo alagi maiguve. Nagaemo muki lokiyaʼniʼe vekamo maiʼnove, huno huʼniye.