Filipai 3:20 - The Keyagana NT and 25 OT books20 lagaemo kokuʼnapi vayaʼmo maiʼneta kokuʼnapatiʼmo eminesiya vekamoʼa lagufamo alino katino nelateya vekamo Ala kava neʼmo Yesu Kalaisifekeʼmo lavayagunagu huta agava neʼmaune. အခန်းကိုကြည့်ပါ။ |
Yesuʼa ani gemo afitenoʼaeʼmo, muki geʼamo akame huteka haika hapaisanafeʼmo uka kagemi yakamo alinikuka maketi hugeʼa miya faiʼa hano hutesageka kagemi yaʼapimo ohaneʼnisiya vayaʼaina fako huka apamigenoʼa alopa kagemi yakamo kokuʼnapiʼmo haneno. Apamiteka eka nakame huvo, huno ha paiʼniyaʼmonanafa
Alagepa huʼa ageʼneʼa aliʼa fako nehuʼapaeʼmo hogote alagepa kavaʼmo ageteʼa akame hugae. Kalaisiʼa eminesiya afinaʼmo afole aisigenoʼaeʼmo oʼaniʼya kavaʼmo apaipafiʼmo ohanesigeka vaiʼmo oʼapamigane. Alagepa kavaʼmo Yesu Kalaisitetiʼmo apaipafiʼmo havai tenageno alagamo aenageʼa vayaʼmogi hale konali kavakamo ageteʼa kagikaleʼmo aliʼa asaga hiyo, huʼna nunumuʼmo huʼna nelapatove.
Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.
Ala kava neʼmo kokuʼnapatiʼmo emineʼneʼenoʼaeʼmo alopa gefatiʼmo keya aeno ge nehisigenoʼaeʼmo enisole vayaʼaiteʼmo yagaino neʼapateya enisole vekamoʼa ge nehisigenoʼaeʼmo Goti pikulimo nehisigeno agaiʼamo eminegaiye. Emineʼneʼesigeʼapaeʼmo Kalaisipiʼmo maiʼneʼa faliʼnisaya vayaʼmo hogoteʼa he tigae.
Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.