Filipai 3:15 - The Keyagana NT and 25 OT books

¹⁵ Neʼuvaʼmofeʼmo alopa vayaʼmo uta haita hapaiʼnona vayaʼmogitamo ani kavaʼmo huta maigetao. Mago vayaʼamogitapamo alu lapakesamo neʼafisayaʼmoʼmo Gotiʼa mani kavaʼmo afaʼa alino lapave ligiye.

Filipai 3:15 ပူးပေါင်းရင်းမြစ်များ

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Luki 11:13

Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Lomu 15:1

Lokiya vaita lagesamo afita fatago nehuna vayaʼmogitamo lagaitiekeʼmo lagesamo afiteta lahauʼnisiya kavaʼmo osuta lokiya oʼvaiʼnaya vayaʼmogimo afiʼa ha leʼa noʼafiya kavatefeʼmo vase vase huta hapa maesuna kavaʼmo haneʼniye.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

1 Kolitiyani 2:6

Ani agufa gemo nehayaʼmonanafa alopa vayaʼaifeʼmo afiteta ageʼnona geletiʼmo hapa nepaune. Ma mopafi vayaʼmogi afiteʼa ageʼnaya agufa geletiʼmo hapa opaige ma mopafiʼmo maiʼneʼa yagaiʼa neʼapataya vayaʼmogi afiteʼa ageʼnaya agufa geletiʼmo hapa opaige nehune. Henagaʼamo apakaemo ina agufa vayaʼmo maigae.

Galesiya 5:10

Ala kava nepiʼmo maiʼnonaʼmofeʼmo alu lapakesamo oʼafigae, huʼna lole nagesamo oʼafiʼna magoke nagesamo neʼafuvaʼmonanafa ina laʼmo lapakesamo neʼafiya yaʼmo alino hosu huno nelapateya vekamo maiʼnisifigeno Gotiʼa anonaʼalefeʼmo amagigiye.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Kolosi 1:28

Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 4:9

Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.

2 Timoti 3:17

Gotiʼa ani geletiʼmo vayaʼamo alo huno neʼapateyanageʼa uʼa haiʼa hapaiteʼa muki alagepa kavaʼmo afaʼa hugae.

Himulu 5:14

Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.

1 Yoni 2:5

Ohaneʼniyaʼmonanafa muki vayaʼmogi Goti geʼamo akame nehaya vayaʼmogimo Gotifeʼmo hapau apayamopafiʼmo nehapaiya kavaʼapimoʼmo uno haino hapaiʼniye. Ani kavatetiʼmo ago ageʼnonana agaepiʼmo maiʼnone.