Filipai 3:11 - The Keyagana NT and 25 OT books

¹¹ Atupaleʼmo uʼna avaʼyi huteʼna muki faliʼnaya vayapatiʼmo alagepa huʼna he tisuvafeʼmo amalageka huʼna nayamukiki nehuve.

Filipai 3:11 ပူးပေါင်းရင်းမြစ်များ

Samu 49:7

konagaʼapimo falisaya kavategatiʼmo afaʼa miya faiʼa oʼapategae. Konagaʼapimogimo alagepa huʼa afaʼa maisayafeʼmo Gotiʼa monimo amiteʼa miya faiʼa oʼapategae.

Luki 14:14

Anonakalefeʼmo afaʼa okamigayaʼmofeʼmo Gotiʼa alino auleno kategaiye. Gotiʼa fatago vayaʼmo kanolufatiʼmo he tisaya afinaʼmo anonakalefeʼmo kamigiyaʼmofeʼmae, huno hapa paiʼniye.

Yoni 11:24

ago afiʼnovana ma mopamo hano hisiya afinaʼmo halate he tigiye, huʼna ago afiʼnove, huno ha paiʼnigenoʼaeʼmo,

Apa 23:6

Poloʼa apakeyana Satiyusi vayaʼe Falasi vayaʼeʼmo eʼa maiʼnageno apaketenoʼaeʼmo kanisole vayaʼaifeʼmo, Konagaʼnimogitapae, huno, Falasi vekamo maiʼneʼna Falasi vayaʼai mafaʼnemo maiʼnove. Nagaemo agava neʼmaiya vekaeʼmo nagesamo afiʼna fatago huge faliʼnaya vayaʼmo he tigae, huʼna nagesamo afiʼna fatago huge nehuʼnaeʼmo namogaga aiʼna agava maiʼnova kavatefeʼmo agoti huʼa neʼnatae, huno hapa paiʼniye.

Apa 26:7

Felugaʼe haniʼilagaʼeʼmo tuolofuʼa nofi vayatimogi Gotifeʼmo mono huge apakesamo afiʼa fatago huge huteʼa ani gelefeʼmo apavayagunagu huʼa agava neʼmaiye. Ala kini vekamo Agalipao, huno, Navayagunagu huʼna agava neʼmauva kavatefeʼmo agoti huʼa neʼnatae.

Apa 27:12

Lusi kava huno yasimo neʼaliya afinaʼmo afole aiʼniyaʼmofeʼmo sipimo maleʼnaya yategamo alino hosuʼniye. Asole vayaʼmo sipifiʼmo maiʼnaya vayaʼmogi huʼapaeʼmo, yasimo neʼaliya afinaʼmogeta manileʼmo ataleta lakaetuta Finikisi taonifiʼmo uta avaʼyi hisunafeʼmo amalageka huta agegesune, huʼa huʼnae. Finikisi taonimoʼmo alopa agiʼamo Kiliti kotegamo yasi neʼaliya afinaʼmo sipimo aliniʼa oʼuʼa afaʼa neʼmaiya kotegamo haneʼniye.

1 Kolitiyani 15:23

Hogoteno he tiʼniyanageʼa kanaʼapilefeʼmo he tigae. Kalaisiʼa hoyafatiʼmo hogoteno leʼniya neʼyakana huno he tiʼniyanageʼa eminesiya afinaʼmo vayaʼamo he tigae.

1 Kolitiyani 9:22

Maiʼneʼna apavaleliʼna esuvafeʼmo alagepa huʼa oʼafiʼnaya Goti mafaʼneʼaitegamo uʼna aliʼyaʼmo neʼaliʼnaeʼmo apakaekana huʼna maiʼnove. Alu kava alu kavatetiʼmo magoʼe vayaʼmo apavaleliʼna esuvafeʼmo alu kava alu kavaʼmo nehaya vayaʼaitegamo uʼna aliʼyaʼmo neʼaliʼnaeʼmo alu kava alu kavaʼmo nehuve.

1 Kolitiyani 9:27

Haʼao, nagufamo amagiʼna aliʼna kanale huʼna ateteʼna yagaiʼna neʼatove. Fiku yanageʼna vayaʼaifeʼmo alagepa faigoko gemo aeʼna hakalo huʼna hapa paiʼnovanageno alino fako huno natalesigeʼna hetamaʼnimo oʼaliguve.

2 Kolitiyani 11:3

Nehuvaʼmonanafa nagaloʼyavemoʼa Ivifeʼmo aigofe geletiʼmo agesamo faiʼniya kava huʼa mago vayaʼmogimo lapaipa lapakesamo aliʼa hosu huʼa lapatesagetapa Kalaisifeʼmo lapaipafiʼmo lapakesamo oʼafitapa atalesaya kavafeʼmo koli nehuve.

1 Tesaloniyani 3:5

Ani kavafeʼmo nahausoli huʼnigeʼnaeʼmo, magoʼe huʼna afaʼa oʼmaiguve, huʼna huteʼna Timotifeʼmo, apakesamo afiʼa fatago nehafigi uka apako, huʼna ha paiʼnove. Sataniʼmo apamalageka huteno aliʼyatimo alino hano huno ataleʼnisifi, huʼna huteʼna lusi kava huʼna koli huteʼna aliʼna ateʼnogeno uʼniye.

2 Tesaloniyani 2:3

Mago vayaʼmogi alu ge alu geletiʼmo humi lapategayanagi oʼafiyo. Ala kava neʼmo afinaʼmo fikumo afole oʼaigiyaʼmonanafa hogoteʼa muki asole vayaʼmogimo Goti kaʼmo alagi atalesagenoʼaeʼmo hosu vekamo Gotiʼa ata kopiʼmo uno lamigiye, huno huʼniya vekamo afole aitesigenoʼaeʼmo ani afinaʼmo afole aigiye.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

Himulu 11:35

Gotiʼa apakesamo afiʼa fatago huʼnaya kavatetiʼmo mafaʼneʼapimo faliʼnayatetiʼmo halate alino he tino apateʼnigeʼa itaʼapimogimo halate apavaleʼnae. Huʼnayaʼmonanafa magoʼamo apakafu kiʼnigeʼa faliʼnae. Kame vayaʼapimogimo huʼapaeʼmo, lapakaemo atalesayana afaʼa hatu maeta lapategaune, huʼa hapa paiʼnageʼapaeʼmo kanolufatiʼmo he tiʼapaeʼmo maige maige huʼa maisaya kavafeʼmo apakesamo afiteʼapaeʼmo, oʼatalegaune, huʼa huʼnae.

Leveleseni 20:5

mago alu vayaʼmo faliʼnaya vayaʼmo ani afinaʼmo he otiʼnayanageʼa vani tauseniʼa kafugamo hano hutesigeʼapaeʼmo he tigae.