Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipai 2:9 - The Keyagana NT and 25 OT books

9 Ani kavaʼmo huʼniyaʼmofeʼmo Gotiʼa lusi kava huno alino asaga huno ateteno ala agiʼamo aeno agaseʼniya agiʼamo amiʼniye.

အခန်းကိုကြည့်ပါ။ ကော်ပီ




Filipai 2:9
46 ပူးပေါင်းရင်းမြစ်များ  

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.


Ala kava neʼmoʼa Ala kava neʼnieʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelaga apateno, huno ha paiʼniye.


Ala kava neʼmo lamaga kahaopaleʼmo maiʼniye. Agaemo aipamo leno apatesiya afinaʼmo kini vayaʼmo alagi kamitimo apamagigiye.


Yege mafaʼneʼnimo maiʼniye, huʼna hu malegauve. Agaemo muki ma mopafiʼmo maiʼnaya kini vayaʼmo ago aeno apakaseno hogote kini vekamo maigiye.


Gotiʼa, nagaefeʼmo hau ayamopafiʼmo hauʼniyaʼmofeʼmo agufamo aliʼna katiʼna ategauve, huno huʼniye. Nagiʼnimo afino alagepa huʼniyaʼmofeʼmo aliʼna asaga huʼna ategauve.


Ala kava neʼmoʼa ina gemo hunoʼaeʼmo, Ageyo, huno, aliʼyaʼnimo neʼaliya vekamoʼmo alagepa huno afiteno ageʼnenoʼaeʼmo aliʼyaʼamo neʼalisigeno alagi afole aigiye. Vayaʼmogimo ala agiʼamo amiteʼapaeʼmo aliʼa asaga huliʼa anagamo uʼa haisageno hogote vekamo maigiye.


Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.


Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.


Ani akeyaʼvilagamo neʼmaiya vekamoʼmo ani vekamo alino kini vekamo ateteno ha le konali yaʼe yagaino apatesiya himamuʼeʼmo amiʼniye. Muki vayanagi muki nofi vayaʼenagi muki alu apakemo alu apakemo neʼaiya vayanagi huʼa aiyafi maisageno yagaino apatesiyafeʼmo alino ateʼniye. Agaemo muki afinaʼmo yagaino apateno alagi yagaino apateno hano osugiye. Yagaino apatesiya kavaʼmo afaʼa aliʼa oʼatalegae.


Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.


Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.


Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.


Hemenimo ma mopafiʼmo magoʼe huʼna oʼmaiʼna ataleʼna kagaetegamo uʼna haiguvaʼmonanafa apakaemo ma mopafiʼmo maiʼnae. Afo, huʼna, kaote vekamo maiʼneka alagepa kavaʼageʼmo nehana vekae, huʼna, ani kavaʼmo hutaʼa magokeʼageʼmo maiʼnoʼa kava huʼa apavaleka namiʼnana vayaʼmo magokeʼageʼmo maiʼnayanageʼa ani kava huʼa maisayafeʼmo himamukaletiʼmo yagaika apato.


Nagaemo ma mopafiʼmo apakaeʼeʼmo magokepi lokaeʼna maiʼneʼnaeʼmo kagikaletiʼe himamukaletiʼeʼmo yagaiʼna apateʼnogeʼa afaʼa maiʼnayaʼmonanafa magoke vekaeʼmo kagae mukufi gemoʼmo hunoʼaeʼmo, afela hegaiye, huno huʼniya gemo afole aisiyafeʼmo alagi afela heʼniye.


O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.


Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.


Agesamo afino hu maletenoʼaeʼmo, hu maleʼnova afinaʼmo afole aisigeʼnaeʼmo muki kokuʼnapi vayaʼe ma mopafi vayaʼeʼmo aliʼna anupa huʼna apatesugeno Mafaʼneʼnimoʼmo yagaino apategaiye, huno huʼniye.


Siosi vayaʼmo Kalaisi agufaʼagana huʼa maiʼnagenoʼaeʼmo apakenopaʼagana huno maiʼneno yagaino neʼapate. Agaemo aepa faiʼniya vekamo maiʼniyanageno alagi hogote vekamo maisiyafeʼmo kanolufatiʼmo hogoteno he tiʼniye.


Na kava hisayafeʼmae. Gotiʼe Ala kava neʼmo Yesu Kalaisiʼeʼmo fikumo lapa maeʼana lapamiteʼana lapaipafiʼmo aliʼyaʼmo alisaʼageʼapaeʼmo vayaʼmogi ani kavaʼmo ageteʼapaeʼmo Ala kava netimo Yesu Kalaisi agiʼaleʼmo aliʼa asaga huʼa atesayafeʼmae. Ani kavaʼmo hisageʼa Kalaisitetiʼmo lapakitapileʼmo aliʼa asaga huʼa lapategae.


Ani kavaʼmo huno enisole vayaʼmo ago aeno apakaseno Gotiʼa ala agiʼamo amiʼniya agiʼamoʼmo apakiʼapimo ago aeno agaseʼniya kava huno aeno apakaseno maiʼniye.


Kagaemo alagepa kavafekeʼmo kahauʼnigekaeʼmo gemo amagiʼa neʼatalaya kavafeʼmo kaini huʼnanageno Gotikamoʼmo uvelimo lakino kateʼnigekaeʼmo lusi kava huka kamogaga aiteka kafalukamogimo ago aeka apakaseka maiʼnane, huno huʼniye.


Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.


Gotiʼa Yesuʼmo ha le konali yaʼaʼe ala agiʼaʼeʼmo amiʼniya vekamo ago ageʼnone. Gotiʼa, fikumo hapa maeʼna apamiguve, huno huteno Yesuʼmo muki vayaʼaitefeʼmo falisiyafeʼmo aise afinaʼmo enisole vayaʼai apaiyafiʼmo alino ateʼniye.


Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.


Gotiʼa afoʼamoʼmo ala agiʼaʼe ha le konali yaʼaʼeʼmo amiʼnigeta ageʼnone. Ha le konali kokuʼnapiʼmo maiʼniya vekamoʼmo ani yaʼmo alino amitenoʼaeʼmo, Mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Nagaemo lusi kava huʼna amuse huʼna neʼatove, huno huʼniye.


Apakaemo Goti agiʼalefeʼmo uʼnae. Malaga vayaʼmogi apayapatiʼmo mago yaʼmo oʼaliʼnae.


Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.


Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo


Kukena yaʼalenagi alutenagi huno agiʼamo avoʼmo kae maleʼniye. Kini vayaʼaiteʼmo yagaino neʼapateya kini vekamo maiʼneno ala kava vayaʼaite ala kava vekaʼapimae.


Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.


Apakaemo alopa gefatiʼmo huʼapaeʼmo, amagiʼnageno faliʼniya aikeli sipisipimoʼa alagi alisiya vekamo maiʼniyaʼmofeʼmo himamuʼamo alige muki alagepa kagemi yaʼamo alige afiteno ageʼniya kavaʼamo alige lokiyaʼamo alige ala agiʼamo alige ha le konali yaʼamo alige muki yaʼamo fikumo alige hisiya vekamo maiʼniye, huʼa huʼnae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ