Filipai 2:8 - The Keyagana NT and 25 OT books

⁸ Vayaʼmogi huʼapaeʼmo, ma mopafi vekageʼmo maiʼniye, huʼa ageʼnae. Agaiʼa agiʼaleʼmo alino afepi atetenoʼaeʼmo Goti geʼamo akame huteno faligane, huno huʼniya geleʼefeʼmo akame huteno uno haino hapaiʼniye. He, malipu yosaleʼmo falisiya kavateʼefeʼmo alagi akame huʼniye.

Filipai 2:8 ပူးပေါင်းရင်းမြစ်များ

Samu 22:16

Afela kalamogi afumo hapaesayafeʼmo faiʼa vego huʼa neʼapataya kava huʼa hosu vayaʼmogimo faiʼa vego huʼa neʼnatae. Nayapiʼmo nili aige naiyafiʼmo nili aige huʼnae.

Mai'naya kavane 15:33

Ala kava nefeʼmo koli nehaya kavaʼmoʼa afiʼa aeto hisaya kavaʼmo alino apaya neʼmale. Apakiʼapileʼmo aliʼa afepi neʼataya kavatetiʼmo akamelegaʼamo ala apakiʼapimo aligae.

Matiyu 17:2

Apaulagaleʼmo aeto agufa agufamo alino hamaleʼniye. Augosafatiʼmo yegegana huno leʼnigeno kukenaʼalegatiʼmo ha le yakana huno yaveyaveʼage huʼniye.

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Matiyu 26:42

Halate napa tu afinaʼmo apataleno uno, Afoʼnimogae, huno, mani kapumo afaʼa alika oʼatalesanaʼmoʼmo kanalenagi kahauʼnisiya kavaʼmo akame huvo, huno nunumuʼmo huʼniye.

Luki 9:29

Nunumuʼmo nehigenoʼaeʼmo aeto agufa augosamo alino ha maleʼnigeno kukenaʼalegatiʼmo alave alaveʼageʼmo huteno yaveyaveʼagekeʼmo huʼniye.

Yoni 10:18

Mago vekamoʼmo afaʼa maisuva yaʼnimo nayapatiʼmo naha faleno oʼatalegaiyaʼmonanafa nagaiʼnimo nagesa afiteʼna atalegauve. Afaʼa maisuva yaʼnimo ataleteʼna halate alisuvafeʼmo himamuʼnimo ago aliʼnove. Afoʼnimoʼa ani kavaʼmo huvo huno naha paiʼniyaʼmofeʼmae, huno hapa paiʼniye.

Yoni 14:31

Ma mopafi vayaʼmogi muki yaʼmo Afoʼamofeʼmo nagaemo nahau nayamopafiʼmo nahauʼniya kavaʼmo agesayafeʼmo muki yaʼmo Afoʼamoʼmo, ina kava huvo, huno naha paiʼniya kavaʼmo akame huʼna nehuve. Mani nopatiʼmo ataleta he tita vigetao.

Yoni 15:10

Geʼaepa geʼnimo akame hisayana nahau nayamopafiʼmo nahauʼniya kavapiʼmo aita hapaitapa maigae. Ani kava huʼna Afoʼnimo keʼaepa geʼamo akame nehuʼnaeʼmo Afoʼnimoʼmo hau ayamopafiʼmo hauʼniya kavapiʼmo alagi maiʼnove.

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Apa 8:33

Agiʼaleʼmo aliʼa afepi ateteʼa alagepa huʼa aliʼa fako huʼa agoti huʼa oʼateʼnae. Apakaemo huʼapaeʼmo, Ma mopafiʼmo afaʼa oʼmaigiye. Falitesigeʼapaeʼmo agae vayapatiʼmo magoʼe huʼa afole oʼaigae, huʼa huteʼa amagiʼnageno faliʼniye, huno huʼniye.

Lomu 5:19

Magoke vekamoʼmo Goti geʼamo amagino ataleʼniya kavatetiʼmo Gotiʼa asole vayaʼaifeʼmo hunoʼaeʼmo, hosu vayaʼmo maiʼnae, huno huʼniya kava huno magoke vekamoʼmo geʼamo akame huʼniya kavatetiʼmo asole vayaʼaifeʼmo hunoʼaeʼmo, naulagaleʼmo fatago vayaʼmo maiʼnae, huno hugiye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Galesiya 3:13

Kalaisiʼa lagaetefeʼmo lifana vekamo hamaleʼniyaʼmofeʼmo Gotiʼa lifana huno ateʼnigeno Kalaisiʼa keʼaepa gemoʼmo lifana huno lateʼniya kavapatiʼmo miya faino hatu maeno lateʼniye. Goti mukufiʼmo avoʼmo kae maleʼniya gemoʼmo ani kavatefeʼmo hunoʼaeʼmo, Gotiʼa hosu kavaʼapilefeʼmo yosaleʼmo apaneʼmu aeʼa asai maleʼnaya vayaʼmo lifana huno neʼapate, huno huʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 12:4

Hosu kavafeʼmo kame nehageʼapaeʼmo kamitimo olapamagiʼnayaʼmofeʼmo oʼataleta kamemo hutapa ateyo.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.