Filipai 2:5 - The Keyagana NT and 25 OT books

⁵ Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.

Filipai 2:5 ပူးပေါင်းရင်းမြစ်များ

Matiyu 11:29

Nagaemo yuna naipa vekamo maiʼneʼna yagu yaga kavaʼmo nehuvaʼmofeʼmo aliʼyaʼnimo alitetapa aliʼna lapaya malesuva gemo afige afige hutapa maiyo, lapaipamoʼmo kanale hisigeno lapakupi mafaʼnemo maino haga legaiye.

Luki 22:27

Hiʼyalamuteʼmo maiʼneno neʼyaʼmo neʼniya vekamo hogote vekamo maiʼniyaʼmonanafa nagaemo neʼyaʼmo alino nelapamiya vekagana huʼna maiʼnove.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 20:35

Ani kava nehuʼnaeʼmo apayamufa ohaneʼniya vayaʼmo hapa maegaune, huʼna aliʼna lapave liʼnove. Ala kava neʼmo Yesuʼa hunoʼaeʼmo, Fiku hapa maeʼa neʼapamiya vayaʼmogimo apamiʼnageʼa neʼaliya vayaʼmo aeʼa apakaseʼa aulena vayaʼmo maiʼnae, huno huʼniya geʼaeʼmo alagepa hutapa lapakesa afitapa ho hiyo, huno hapa paiʼniye.

Lomu 14:15

Lapakaemo neʼyaʼmo neʼnaya kavatetiʼmo konagatapimogimo alita hosu hutapa neʼapatesayana lahapau lapayamopafiʼmo nolahapaiye. Fikumo yanagetapa neʼyaʼmo neʼnaya kavatetiʼmo Kalaisiʼa falino apateʼniya konagatapimogi alita hosu hutapa apategae.

Lomu 15:3

Kalaisiʼa agaiʼa hauʼniya kavaʼmo akame osuno ataleʼniya kavafeʼmo Goti mukufi gemoʼmo hunoʼaeʼmo, Huʼa faipa huʼa kateʼnaya gemo nagaeteʼmo asagauno aiʼniye, huno huʼniye.

Lomu 15:5

Gotiʼa oʼataleta atafauta alagi huta maiʼnisunagenoʼaeʼmo laipamoʼmo falu hisiya kavaʼmo aepa vekamoʼmo lapaipafiʼmo aliʼyaʼmo alisigetapa Kalaisi Yesuʼa huʼniya geleʼe kavateʼefeʼmo alagepa hutapa lapakesamo afitetapa magokepi lokaeta maiyo.

1 Kolitiyani 10:33

Nehuva kavaʼmo nagetetapa ani kavaʼmo hiyo. Muki vayaʼmo hapa maesuvafeʼmo muki kavaʼamo nehuve. Alagepa huʼna maisuvafeʼmo nagesamo noʼafufa Gotiʼa apakufamo alino katino apatesigeʼa alagepa huʼa maisayafekeʼmo nagesamo neʼafuve.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

Filipai 1:1

Nagaemo Poloʼnaʼe Timotiʼeʼmo Yesu Kalaisi aliʼyaʼamo neʼaluʼa vekalaʼmo maiʼnetaʼa Poloʼnamo muki Filipai taonifiʼmo maiʼnaya vayaʼmo Kalaisi Yesupiʼmo maiʼnaya vayaʼmogitapaeʼmo mani gemo avoʼmo nekaove. Nagaemo muki lapaote vayafenagi konagatimogiteʼmo yagaiʼa neʼapataya vayatama vayafenagi mono aliʼyaʼmo neʼaliya nikeni vayafenagi huʼna mani gemo avoʼmo nekaove.

1 Pita 2:21

Gotiʼa ani kavaʼmo hisayafeʼmo lapakaefeʼmo keya aeno ge huʼniye. Kalaisiʼa mani agufa kavaʼmo huʼniyaʼmofeʼmae. Kalaisiʼa lagaetefeʼmo hanageke yaʼmo aliʼniyanageta akame hisuna kavaʼmo ago hu maleʼniyaʼmofeʼmo akame hisuna kavaʼmo huʼniye.

1 Pita 4:1

Kalaisiʼa lagaetefeʼmo kana yaʼmo aliteno agufafatiʼmo lusi kava huno agafu kiʼniye. Lapakaemo ani agufa kava hutapa kana yaʼmo alisayafeʼmo lapakesamo afiʼnetapaeʼmo kame hiyo. Apakufafiʼmo kana yaʼmo aliʼnaya vayaʼmogi hosu kavaʼapimo ataleʼnayaʼmofeʼmo ani kavafeʼmo lapakesamo afitetapaeʼmo kame hiyo.

1 Yoni 2:6

Agaepiʼmo alagi maiʼnone, huʼa nehisaya vayaʼmogimo Yesuʼa huʼniya kavaʼmo akame huʼa hugae.