Filipai 2:27 - The Keyagana NT and 25 OT books

²⁷ He, ago falisiya agufa kaitaʼmo hauʼniyaʼmonanafa Gotiʼa hau huno ateʼniye. Agaefekeʼmo hau huno oʼateʼnifa nagaeʼeʼmo magoʼe huʼna kana yaʼmo oʼalisuvafeʼmo hau huno nateʼniye.

Filipai 2:27 ပူးပေါင်းရင်းမြစ်များ

Samu 34:19

Alagepa vayaʼmogimo lusi hanageke yaʼmo neʼaliyaʼmonanafa Ala kava neʼmoʼa muki hanageke yapatiʼmo apakufamo alino katino neʼapate.

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Hamakaki 3:2

O Ala kava nene, huʼna, lokiyakaletiʼmo huʼnana kavafeʼmo ava gemo afiteʼnaeʼmo nahau aiteʼna maiʼnove. Huʼnana kavakamo hemeniʼeʼmo halate huvo. Maiʼnona afinaʼmo afole yateʼmo alika afole aika ategeʼa ageyo. Kaipamo leka nelatanaʼmonanafa kaipamoʼmo afaʼa falu huʼninageka kaipamo falu huka lateteka kahau huka lato.

Apa 9:37

Pitaʼa Lita taonifiʼmo maiʼnigenoʼaeʼmo ani a kanomo kaita hauʼnigeno ago faliʼniye. Faliʼnigeʼa agufaʼamo sese hutaleʼa anaga aeno hanagi maleʼniya nopiʼmo maleʼnae.

1 Kolitiyani 10:13

Lapakaetegamo aeto aeto agufa lapamalagekaʼmo hisaya kavaʼmo muki vayaʼaitegamo apamalageka nehiya kavakeʼmo afole aiʼniye. Gotiʼa huguve, huno nehiya kavaʼmo alagi nehiya vekamo maiʼniyaʼmofeʼmo lapamalageka hisiya kavaʼmoʼa aeno lapakasesiya kaʼmo afaʼa valino oʼategaiye. Lapamalageka hisigetapaeʼmo asagauta oʼaitapa he titapa maisayafeʼmo faita kasalo paesaya kaʼmo afaʼa valino lapategaiye.

2 Kolitiyani 2:7

Fiku yanageno aipamoʼmo lusi kava huno kana hisigeno atalegaiyanagi hosu kavaʼamo alita ataletetapa alita lokiya vaita ateyo.

Filipai 2:28

Kaitaʼmo hauʼniyaʼmofeʼmo agetetapaeʼmo lapamogaga aisagenoʼaeʼmo naipamoʼmo falu hisiyafeʼmo nahauʼniyanageʼna aliʼna atesugeno lapakaetegamo ugiye.