Filipai 2:21 - The Keyagana NT and 25 OT books

²¹ Muki vayaʼmogi Kalaisi Yesu aliʼyafeʼmo apakesamo oʼafiʼa apakaiʼapi aliʼyafekeʼmo apakesamo neʼafiye.

Filipai 2:21 ပူးပေါင်းရင်းမြစ်များ

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Malakai 1:10

Nagae hiʼyalamuteʼmo afa ofalinimo okaesiyafeʼmo lapakaepatiʼmo ina laʼmo mono nopiʼmo kita kigiye. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Lapao ke nosove, huʼna nehuve. Lapakae lapayapatiʼmo ofalini namisageʼnaeʼmo oʼaliguve.

Matiyu 16:24

Huno ha paiteno Yesuʼa geʼamo neʼafiya vayaʼaifeʼmo hapa painoʼaeʼmo, mago vekamoʼmo nakame hisiyafeʼmo hauʼnisiyana agaiʼamo hauʼnisiya kavaʼmo ataleno agaiʼa malipu yosaʼamo alino kofilino nakame hino.

Luki 14:26

Nagaetegamo esiya vekamoʼmo afoʼamofenagi itaʼamofenagi aʼaenagi mafaʼneʼaenagi konagaʼamogifenagi asaʼamogifenagi agaiʼamo alagepa huno maisiya kavafenagi huno aini osuʼnisiyaʼmoʼmo geʼnimo neʼafiya vekamo afaʼa oʼmaigiye.

Apa 13:13

Poloʼe avagi huʼnaʼa vekalaʼeʼmo Pefosi kotegatiʼmo ataleʼa sipifiʼmo uʼa Pega taonifiʼmo Pamifiliya kotegamo uʼa avaʼyi huteʼa Yoni Makiʼa anataleno atagi neno Yulusalemu taonifiʼmo uʼniye.

Apa 15:38

Huno huʼniyana Poloʼa hunoʼaeʼmo, Haʼao, aliʼyatiʼamo alitaʼa hano osuʼnoʼageno Pamifiliya taonifatiʼmo ago laʼataleno aino atagi neno uʼniya vekae, huno huʼnigeʼana

1 Kolitiyani 10:24

Mukiʼamogitapamo lapakaitapigeʼmo alagepa huta maisayafekeʼmo lapaʼye nehisigetapa kahauya osutapa muki vayaʼamo alagepa huʼa maisayafeʼmo lapaʼye nehinagetapa kahauya hiyo.

1 Kolitiyani 10:33

Nehuva kavaʼmo nagetetapa ani kavaʼmo hiyo. Muki vayaʼmo hapa maesuvafeʼmo muki kavaʼamo nehuve. Alagepa huʼna maisuvafeʼmo nagesamo noʼafufa Gotiʼa apakufamo alino katino apatesigeʼa alagepa huʼa maisayafekeʼmo nagesamo neʼafuve.

1 Kolitiyani 13:5

Hapau apayamopafiʼmo nehapaiya vayaʼmogimo vayaʼaitegamo himuʼnamu kavaʼmo osuge apakaiʼapigeʼmo alagepa huʼa maisayafeʼmo hapaʼye nehigeʼa kahauya osuge malage huno apaipamo olege huʼa neʼmaiye. Vayaʼmogimo apakaetegamo mago hosu kavaʼmo huʼnageʼapaeʼmo hosu kavaʼapimo lekana paiʼa apaipafiʼmo noʼmalae.

2 Kolitiyani 1:5

Kalaisiʼa lusi kana yaʼmo aliʼniya kava huta lusi kana yaʼmo hetamatimo neʼalune. Lusi kava huta kana yaʼmo neʼaluna kavaʼmo huno Gotiʼa Kalaisitetiʼmo magoʼe huno laha maeno alino lokiya vaino nelate.

Filipai 2:4

Lapamete lapamete hutapa lapakaitapi yafekeʼmo lapakesamo oʼafitapa muki vayaʼai yaʼefeʼmo lapakesamo afitetapa hapa maeyo.

2 Timoti 1:15

Ago afiʼnanana muki Esiya kotega vayanagi Esiya vekalaʼmo Fiselasiʼagi Hemosenisiʼagi huʼa ago nataleʼnae.

2 Timoti 3:2

Vayaʼmogimo apakaiʼapiyekeʼmo hapauge monieʼmo hapaʼye huge apakaiʼapiyekeʼmo ge huʼa apakiʼapileʼmo aliʼa asaga huge ala vayaʼmo maiʼnone, huʼa apakesamo afige huʼa faipa huʼa apatege itaʼapi afoʼapimogi geʼapimo oʼafige hapao ke osege apaote kavaʼmo osuge hugae.

2 Timoti 4:10

Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.

2 Timoti 4:16

Lomu gamani vayaʼmogimo hogote afinaʼmo agotimo huʼa nateʼnageʼnaeʼmo naha maesiya gemo huʼnogenoʼaeʼmo mago vekamoʼmo eno naha oʼmaeʼnifa muki vayaʼamo ago nataleʼa uʼnae. Inagi Gotiʼa hosu kavaʼapimo anonaʼapilefeʼmo oʼapamisiyafeʼmo nahauʼniye.