Filipai 2:20 - The Keyagana NT and 25 OT books

²⁰ Nagaeʼeʼmo lokaeʼa aliʼyaʼmo neʼaliya vayapatiʼmo mago vekamoʼa Timotigana huno oʼmaiʼniye. Agaiʼageʼmo alagepa hutapa maisayafeʼmo aipa kaliteno alagi nehaiye.

Filipai 2:20 ပူးပေါင်းရင်းမြစ်များ

Samu 55:13

Haʼao, ani agufa vayaʼmogi nagaetegamo hosu kavaʼmo osuʼnayaʼmonanafa kagaikageʼmae. Hogoteka kagaemo navagi vekamo maige nao vekamo maige nafaluʼnimogamo maige huʼnane.

Mai'naya kavane 31:29

Asole aʼne anagaʼmogi alagepa kavaʼmo nehayaʼmonanafa kagaemo ago aeka apaka seʼnane, huno nehiye.

Yoni 10:13

Miyaʼmo alisiyafeʼmo aliʼyaʼmo neʼaliya vekamoʼa miyaʼmo alisiyafekeʼmo agesa afiteno sipisipi anagaʼaifeʼmo agesamo noʼafiyaʼmofeʼmo ataleno aune hetaleno uʼniye.

Yoni 12:6

Kagemi yaʼapimo ohaneʼnisiya vayaʼaifeʼmo agesa oʼafiʼniyaʼmonanafa moni kuteʼmo neʼyagaiya vekamo maiʼneno kupatiʼmo kumayaʼmo neʼaliya vekamo maiʼniyaʼmofeʼmo ani gemo huʼniye.

Lomu 15:5

Gotiʼa oʼataleta atafauta alagi huta maiʼnisunagenoʼaeʼmo laipamoʼmo falu hisiya kavaʼmo aepa vekamoʼmo lapaipafiʼmo aliʼyaʼmo alisigetapa Kalaisi Yesuʼa huʼniya geleʼe kavateʼefeʼmo alagepa hutapa lapakesamo afitetapa magokepi lokaeta maiyo.

1 Kolitiyani 16:10

Ala kava neʼmo aliʼyaʼamo neʼaluva kava huno Timotiʼa aliʼyaʼmo neʼaliyaʼmofeʼmo lapakaetegamo uno avaʼyi hisigetapaeʼmo koli hisiya agufa kavaʼmo osiyo.

Filipai 2:2

Magoke lapakesamo afiʼnetapa magoke agufa kavaʼmo huta lapau lapayamopafiʼmo lapaino. Magokepi alagepa huta lokaeta maiʼnetapa magoke lapaipa lapakesamo aligenoʼao naipafiʼmo namogaga aisuva kavaʼmo magoʼe huno havai teno.

Filipai 2:22

Nehayaʼmonanafa Gotiʼa Timotiʼmo amalageka hauʼnigeno alagepa vekamo afole aiʼnigetapaeʼmo lapakaemo ago ageʼnae. Mafaʼneʼapimogi afoʼapimogiʼeʼmo lokaeʼa aliʼyaʼmo neʼaliya agufa kava hutaʼa Timotiʼe nagaeʼeʼmo alagepa faigoko gelefeʼmo magokepi lokaetaʼa aliʼyaʼmo aliʼnoʼae.

Kolosi 4:11

Yesuʼa mago agiʼamo Yasitasiʼa ge lapamamaeʼniye. Mani loleʼe magoʼe vayaʼmo Yu nofi vayaʼmo maiʼneʼa Gotiʼa yagaino apatesiya kavaʼmo afole aisiyafeʼmo nagaeʼeʼmo lokaeʼa aliʼyaʼmo neʼaliye. Alagepa huʼa naha maeʼnageno naipamoʼmo falu huʼniye.

1 Timoti 1:2

Kagesamo afika fatago nehana mafaʼneʼnimo lama ge Goti mafaʼneʼamo Timotigaeʼmo mani avoʼmo nekaove. Afotimo Gotiʼe Ala kava neʼmo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

1 Timoti 4:6

Kagaemo konagatimogifeʼmo ani kavafeʼmo alika apaya malesanana Yesu Kalaisi alagepa aliʼyaʼamo neʼalina vekamo maigane. Lagesamo afita fatago nehuna gemo alagepa huka akame huʼnana gemo neʼyaʼmo negekana huka nesanagenoʼaeʼmo lokiya vaino kategaiye.

2 Timoti 1:5

Kagaefeʼmo nagesamo afiʼna ho huʼnaeʼmo, lama gemo huno agesamo afino fatago huʼniye, huʼna nehuve. Mani agufa lama ge kavaʼmo hogoteno alemokamoʼmo Lovisi aipafiʼmo haneʼnigeno itakamoʼmo Yunisi aipafiʼeʼmo haneʼniya kavaʼmo huno kagae kaipafiʼmo haneʼniye, huʼna ago ageʼnovaʼmofeʼmo lole nagesamo oʼafiʼnofa magoke nagesamo neʼafuve.

2 Timoti 3:10

Nehayaʼmonanafa kagaemo nehuva kavaʼnimo ago ageteka akame huʼnane. Ago ageʼnanana aliʼna apaya maleʼnogeka nagege muki afinaʼmo na agufa kavaʼmo nehufi huka nagege neʼaluva aliʼyaʼmoʼa na agufa neʼyaʼmo afole aisiyafeʼmo aliʼyaʼmo neʼalufi huka nagege Gotifeʼmo nagesamo afiʼna fatago nehugeka nagege gemo noʼafiya vayaʼaitegamo yagu yaga kavaʼmo huʼnogeka nagege Gotiʼe konagatimogiʼefeʼmo nahau nayamopafiʼmo nahauʼnigeka nagege kana yaʼmo aliʼneʼnaeʼmo oʼataleʼna atafauʼna alagi huʼna maiʼnogeka nagege huʼnane.

1 Samiyo 18:1

Neviniʼmo Solofeʼmo gemo ha paino hano hutegenoʼaeʼmo Yonataniʼmo Nevinifeʼmo aipamo amitenoʼaeʼmo agaemo agaiʼaeʼmo nehaiya agufa kavaʼmo huno lusi kava huno Nevinifeʼmo hauʼniye.

1 Samiyo 18:3

Yonataniʼmo agaiʼaeʼmo nehaiya agufa kavaʼmo huno Nevinifeʼmo hauʼniyaʼmofeʼmo agaeʼe Neviniʼeʼmo kotalakemo hu maleʼnaʼae.