Filipai 2:14 - The Keyagana NT and 25 OT books

¹⁴ Muki kavaʼmo nehutapaeʼmo hosu lapaugosamo kaliʼnetapa hagalu hagalu hutapa ge oʼvaiyo.

Filipai 2:14 ပူးပေါင်းရင်းမြစ်များ

Samu 106:25

Apakaemo seli noʼapifiʼmo maiʼneʼapaeʼmo Goti geʼamo akame osuʼa ge nege nege huʼa maiʼnae.

Mai'naya kavane 13:10

Apakiʼapileʼmo aliʼa asaga huʼa neʼataya kavapatiʼmo ge nehapaya kavaʼmo afole neʼaiyaʼmonanafa aliʼa api aiʼa apatesayafeʼmo nehaya gemo neʼafiya vayaʼmogi afiteʼa ageʼnaya vayaʼmo maiʼnae.

Napa 14:27

Muki Isaleli vayaʼmogi nagaefeʼmo ge nahauʼnae. Na magi afinaʼmo magoʼe huʼna apakeʼna apataleme apataleme visugeʼa afaʼa maigae. Isaleli vayaʼmogimo nagaefeʼmo ge nahauʼnaya gemo afiʼnove.

Matiyu 20:11

Moniʼapimo aliteʼapaeʼmo nofi hoyamo afoʼamofeʼmo hagalu hagalu huʼa ge hauʼapaeʼmo,

Maki 14:5

Ani uvelimo maketi huʼnonesinana tali hataleti kinamo aliteta kagemi yaʼapimo ohaneʼnisiya vayaʼaina aliniteta apamunesine, huʼa huteʼa ge hauʼnae.

Maki 9:14

Apakaemo geʼamo neʼafiya vayaʼaitegamo eʼa apakeʼnayana asole vayaʼmogimo faiʼa vego huʼa apateʼnageʼa keʼaepa gemo avoʼmo kaeʼa aliʼa apaya neʼmalaya vayaʼeʼmo ke vaiʼnageʼa apakeʼa maiʼnae.

Luki 5:30

Falasi vayaʼe Falasi vayapati vayaʼmogimo keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apaketeʼapaeʼmo geʼamo neʼafiya vayaʼaifeʼmo hagalu hagalu huʼa gemo huʼapaeʼmo, na kava higetapaeʼmo takesi moni neʼaliya vayaʼe hosu vayaʼeʼmo magokepi lokaeta maiʼnetapa neʼyaʼe aniʼeʼmo neʼnae, huʼa ge huʼa apafi geʼnagenoʼaeʼmo

Apa 15:2

Hapa nepaigeʼana Poloʼe Manamasiʼeʼmo afiteʼanaeʼmo, haʼao, huʼana, lapakaemo hosu gemo nehae, huʼana hapa paiteʼana lusi kava huʼana ge hapauʼnaʼae. Apakaemo Poloʼagi Manamasiʼagi mago Atiyoki kotega vayapatinagi huʼa lekana paiteʼa aliʼa apaya maleʼnaya gemo aliʼa alagepa huʼa atesayafeʼmo huʼapaeʼmo, Apa vayaʼaitegaʼe yagaiʼa neʼapataya vayatama vayaʼaitegaʼeʼmo utapa hapa paiyo, huʼa hapa paiteʼa aliʼa apateʼnageʼa Yulusalemu kotegamo uʼnae.

Apa 15:39

lusi kava huʼana ge vaiteʼana aliʼana fako huʼana Manamasiʼa Makiʼmo avalelino sipifiʼmo uno haino Saipalasi ani agoʼnanenafiʼmo uno maiʼniye.

Apa 15:7

Lusi kava huʼa ge huge afige huʼa maiʼneʼapaeʼmo Pitaʼa he tino, konagaʼnimogitapae, huno, Akeyaʼvilagamo Gotiʼa alagepa faigoko geʼamo alu nofi vayaʼaifeʼmo aeʼna hakalo huʼna hapa paisugeʼa afiteʼapaeʼmo apakesamo afiʼa fatago hisayafeʼmo lapakaepatiʼmo nagaemo lekana paino nateʼniye.

Apa 6:1

Yesu geʼamo neʼafiya vayaʼmo magoʼe huʼa asole vayaʼmo afole aiʼnageʼapaeʼmo Galiki apakemo neʼaiya Yu vayaʼmogimo Himulu apakemo neʼaiya Yu vayaʼaifeʼmo huʼapaeʼmo, Kogu aʼnetimo muki afinaʼae afinaʼaeʼmo aliʼa fako huʼa neʼapamiya monifatiʼmo noʼapamiye, huʼa ge hapauʼnae.

Lomu 12:18

Muki vayaʼeʼmo magokepi alagepa hutapa lokaeta maisaya kaʼmo haneʼnisiyaʼmoʼmo lapakaemo afaʼa hisaya kavaʼmo hutapa magokepi lokaeta maiyo.

Lomu 14:1

Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

Lomu 16:17

Konagaʼnimogitapae, huʼna, aliʼna he tiʼna lapatesuvafeʼmo huvanagi mago vayaʼmogi lapakaemo afiʼnaya gelefeʼmo kame huʼa ateteʼa aliʼa fako huʼa lapatege hosu kavaʼmo hisayafeʼmo lapayateʼmo alige nehaya vayaʼaifeʼmo alagepa hutapa yagaita maiʼnetapaeʼmo maitapa halove huta maiyo.

1 Kolitiyani 10:10

Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.

2 Kolitiyani 12:20

Uʼna lapakesuvana oʼnahauʼnisiya kavaʼmo hutapa maiʼnisageʼna lapakesufi huteʼna koli nehuve. Oʼnahauʼnisiya kavaʼmo nehisayana nagaeʼeʼmo olapauʼnisiya kavaʼmo lapakaetegamo huguve. Fiku yanagetapa ge vaige lapaipa kafa hapaege falo gemo huge lapaote lapaote hutapa maige huta faipa hutapa apatege sumi sumi gemo huge lapakufamo avalelitapa haige lapano aege hutapa maiʼnae.

Galesiya 5:15

Huno huʼniyaʼmonanafa lapakaemo afela afugana hutapa hapaege kame hutapa apatege nehisayana ehetapiye, huʼna, lapakaitapiʼeʼmo fikumo alita hano hutapa lapatalegae.

Galesiya 5:26

Vayaʼmogi lagitileʼmo aliʼa asaga huʼa latesayafeʼmo lagesamo oʼafita konagatimogimo hosu apaipamo kalisiya agufa himuʼnamu kavaʼmo huta laipa kafamo ohapaegetao.

Filipai 2:3

Lapakaitapiekeʼmo lapakesamo afitapa lapakitapileʼmo alita asaga hisayafeʼmo mago kavaʼmo alagi osiyo. Lapakufamo alita afepi atetetapa konagatapieʼmo, alagepa vayaʼmogeʼa ago aeʼa lagaseʼa maiʼnae, hutapa lapakesamo afiyo.

1 Tesaloniyani 5:13

Goti aliʼyaʼmo neʼaliyaʼmofeʼmo alagepa vayaʼmo maiʼnae, hutetapa apakaefeʼmo lapau lapayamopafiʼmo lapaino. Magoke lapaipa lapakesamo alitetapa magokepi lokaetapa maiyo.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

Himulu 12:14

Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.

Yemisi 1:20

Na kava nehiyaʼmofeʼmae. Vayaʼmogi apaipamo neleya kavaʼmoʼa Goti fatago kavaʼamo alino afole aino noʼate.

Yemisi 3:14

Hugiyaʼmonanafa hosu lapaipa kafa hapaege hosu lapaipa kalita apatege ala lapaki alisayafeʼmo lapauge nehisiyana alagepa vayaʼmo maiʼnone, hutetapa lama geʼamo aetapa ati okaeyo.

Yemisi 5:9

Konagaʼnimogitapae, huʼna, konagatapieʼmo ge ohapaiyo fiku yanageno Gotiʼa hosu gemo nehae, huno hugiye. Afiyo, huʼna, alino fako huno apatesiya vekamo kipateʼmo he tino maiʼniye.

1 Pita 3:11

Hosu kavaʼmo maiʼa halove huʼa ataleʼa alagepa kavakeʼmo hiyo. Alagepa huʼa magokepi lokaeʼa maisaya kavafeʼmo kahauya huʼa ageʼa atafaiyo.

1 Pita 4:9

Nata vayaʼmo notapileʼmo esagetapaeʼmo ge ohapauge lapaipa kafa ohapaege hutetapa alagepa hutapa neʼyakeʼmo apamiteta yagaitapa apateyo.

Yuti 1:16

Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.