Filipai 1:8 - The Keyagana NT and 25 OT books

⁸ Yesu Kalaisiʼa lapakaefeʼmo hauʼniya kava huʼna lapakaefeʼmo lusi kava huno neʼnahaiye, huʼna nehugenoʼaeʼmo Gotiʼa afiteno naha maeno, lama gemo hiye, huno nehiye.

Filipai 1:8 ပူးပေါင်းရင်းမြစ်များ

Aiyeya 63:15

Ala kava nene, huʼa, kagaemo kaote kokamo ha le konali kokuʼnapiʼmo maiʼneka afepilagamo aulu lahaeka lago. Kagaemo na agufa kavaʼmo higekaeʼmo kayamukiki nehana kavakagi lokiyakagi kahau kayamopafiʼmo kahauʼniya kavakagi kahau huka nelatana kavakagi huka alika lave noline. Kaipamo alika akani maleʼnapiye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 9:1

Hemenimo nagaemo mago gemo hisuvafeʼmo huve. Nagaemo Kalaisipiʼmo maiʼneʼnaeʼmo lama gemo nehuve. Aote Aunemeʼamoʼmo nagupi mafaʼneleʼmo yagaino neʼategenoʼaeʼmo lama gemo nehane, huno naha nepaiye.

2 Kolitiyani 13:9

Ani kavatefeʼmo lapakaemo alagepa kavaʼmo nehutapaeʼmo lapayamufa hutapa maiʼnagetaeʼmo lapakaeteʼmo layamufa nosunaʼmonanafa lamogaga neʼaune. Alagepa kavaʼmo hutapa lokaetapa maisayafeʼmo lahauʼniye.

2 Kolitiyani 6:12

Laipamo atafauta oʼateta lapamiʼnonaʼmonanafa lapaipamo olamitapa atafautapa ateʼnae.

2 Kolitiyani 7:15

Taitasiʼa koli hutetapa atete nehutapaeʼmo lapayaʼmo amitetapa geʼamo afiʼnaya kavafeʼmo agesamo afino ho hutenoʼaeʼmo lapakaefeʼmo magoʼe huno hau ayamopafiʼmo hauʼniye.

Galesiya 1:20

Goti aulagaleʼmo maiʼneʼnaeʼmo aigofe gemo nosufa alagi lama gemo huʼna avoʼmo nekaove.

Galesiya 3:26

Muki vayaʼamogitapamo Kalaisi Yesufekeʼmo lapakesamo afita fatago huʼnaya kavatetiʼmo Goti mafaʼneʼamo maiʼnae.

Galesiya 4:19

Nahauʼniya mafaʼneʼnimogitapae, huʼna, aʼnemogimo mafaʼnemo aliʼa atesayafeʼmo apakafu nekiya kava huʼna lapakaemo Goti mafaʼnemo hamalesayafeʼmo nagafu kiʼniyanageʼna Kalaisikana hutapa maisayafeʼmo halate magoʼe huno nagafu nekiye.

Filipai 2:1

Lapakaemo Kalaisipiʼmo maiʼnagenoʼaeʼmo lapaipamo alino lokiya vaino nelapatefiye. Agaemo lagaefeʼmo hau ayamopafiʼmo hauʼniye, hutapa lapakesamo neʼafigenoʼaeʼmo lapaipamo alino he tino nelapatefiye. Lapakaemo Goti Aunemeʼamo magokepi alitetapa agaeʼeʼmo afalu afalugana huta lokaeta neʼmaifiye. Magokepi yuna lapaipa kalitapa konagatapieʼmo lapau lapayamopafiʼmo nelapaifiye.

Filipai 4:1

Nahau nayamopafiʼmo nahauʼniya konagaʼnimogitapae, huʼna, lapakaefeʼmo lusi kava huno neʼnahaiye. Lapakaefeʼmo namogaga neʼauvanageno Gotiʼa lapakaetetiʼmo ala nagiʼnimo namigiye. Inagi Ala kava nepiʼmo lokiya vaitapa he tita maiyo.

Kolosi 2:1

Nagaemo lapakaeʼe Leyotisiya taonifiʼmo maiʼnaya vayaʼe oʼnageʼnaya vayaʼefeʼmo naipafiʼmo nahausoli huʼneʼna nayamukiki huʼna aliʼyaʼmo neʼaluva aliʼyafeʼmo nava gemo afisayafeʼmo nahauʼniye.

Kolosi 3:12

Gotiʼa lapakaefeʼmo hau ayamopafiʼmo hauʼnigeno ago lekana paino lapateteno lapavaleno lapaote lapateʼniyaʼmofeʼmo lapau huta apatege alitapa lapao yaʼmo huge ina agufa vayaʼmo maiʼnone, hutapa lapakesamo afige yagu yaga kavaʼmo hutapa apatege lapakaetegamo hosu kavaʼmo nehisagetapaeʼmo afaʼa maiʼnetapa falu fala lapaipamo kalita apatege hiyo.

1 Tesaloniyani 2:5

Lapakaemo ago afiʼnayana aigofe gemo hutapa lahao ke hesayafeʼmo huta lapao ke oseʼnone. Mago vayaʼmogi hapaʼye nehiya kavaʼapileʼmo geʼapiletiʼmo huʼa aeʼa ati nekaya agufa gemo osuʼnone. Gotiʼa ago lageʼniyanageno laha maesiya faigoko gemo afaʼa hugiye.

1 Tesaloniyani 2:8

Lapakaefeʼmo lahauʼniyaʼmofeʼmo Gotitegati alagepa faigoko geʼageʼmo lapamisunafeʼmo osuʼnopa lagufaʼaʼeʼmo lapamisunafeʼmo huʼnone.

2 Timoti 1:4

Kaunumo nelamiya kavafeʼmo nagesamo afiteʼnaeʼmo kagesugenoʼaeʼmo naipafiʼmo namogaga aisiya yaʼmo havai tesiyafeʼmo nahauʼniye.

Failimoni 1:12

Nagaemo kagaetegamo visiyafeʼmo aliʼna atesugeno aeno atagineno egaiye. Naipafiʼmo nahauʼniyanagi afaʼa alika falu fala huka ato.

Failimoni 1:20

Konagaʼnimogae, huʼna, Ala kava neʼmo agiʼalefeʼmo namogaga aisuvafeʼmo ani kavaʼmo huka naha mao. Kalaisipiʼmo maiʼnetaʼaeʼmo naipamo alika falu huka nato.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.