Filipai 1:29 - The Keyagana NT and 25 OT books

²⁹ He, Gotiʼa Kalaisifekeʼmo lapakesamo afita fatago hisaya kavaʼageʼmo fikumo olapamiʼnifa agaetefeʼmo lapakafu kisiya kavaʼeʼmo lapamiʼniye.

Filipai 1:29 ပူးပေါင်းရင်းမြစ်များ

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 14:27

Eʼana Atiyoki taonifiʼmo avaʼyi huteʼana ge huʼnaʼageʼa siosi vayaʼmo eʼa aliʼa anupa huʼa maiʼnageʼanaeʼmo Gotiʼa anakaetetiʼmo muki kavaʼamo huʼniya kavafeʼmo ava gemo huʼana hapa paiʼanaeʼmo Gotiʼa mago saufa kaʼmo alu nofi vayaʼmogi apakesamo afiʼa fatago hisayafeʼmo kitamo ago yakino apateʼniye, huʼana hapa paiʼnaʼae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Lomu 5:3

Afole aisiya kavafekeʼmo lamogaga noʼaunaʼmonanafa hanageke yaʼeʼmo aliʼnetaeʼmo lamogaga neʼaune. Ani hanageke yatetiʼmo laha maesiyafeʼmo oʼataleta atafauta alagi huta maiʼnisunagenoʼaeʼmo lokiya vaino lategaiye, huta ago afiʼnonaʼmofeʼmo lamogaga neʼaune.

Efasasi 2:8

Gotiʼa fikumo lapa maeno lapamitenoʼaeʼmo lapakesamo afita fatago huʼnaya kavatetiʼmo lapakufamo alino katino lapateʼniye. Lapakaitapimo lapakesamo afita fatago osuʼnafa Gotiʼa fikumo lapa maeno lapamiʼnigetapa lapakesamo afita fatago huʼnae.

Kolosi 2:12

Ani kavaʼmo haneʼnigeʼa aniʼmo faleʼa nelapatagenoʼaeʼmo Gotiʼa lapakesamo afita fatago nehaya kavatetiʼmo Kalaisiʼeʼmo kanolufiʼmo kino lapateteno Kalaisiʼeʼmo magokepi alino he tino lapateʼniye. Gotiʼa Kalaisiʼmo alino he tino ateʼniya vekamo himamuʼaletiʼmo lapaipafiʼmo aliʼyaʼmo aliʼnigetapa lapakesamo afita fatago huʼnae.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

1 Pita 4:13

Kana yaʼmo aliʼniya kava huno kana yaʼmo neʼalitapa agaeʼeʼmo magoke agufa kana yaʼmo aliʼnayaʼmofeʼmo lapamogaga aiyo. Kalaisi ha le konali yaʼamo afole aisiya afinaʼmo lusi kava hutapa lapamogaga aigayaʼmofeʼmo magoʼe hutapa lapamogaga aiyo.