Filipai 1:27 - The Keyagana NT and 25 OT books

²⁷ Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.

Filipai 1:27 ပူးပေါင်းရင်းမြစ်များ

Samu 122:3

Yulusalemu taonimo kiʼnageno magokepiʼmo alagepa huno lokaeno haneʼniye.

Samu 133:1

Apakeyo, huʼna, Goti konaga vayaʼamogimo magoke apaipa apakesamo aliteʼa alagepa huʼa magokepi lokaeʼa maisaya kavaʼapimoʼmo alagepa kavaʼmo amuse hisaya kavaʼmo haneʼniye.

Mai'naya kavane 22:23

Ala kava neʼmoʼa hapa maeno muki kagemi yaʼapimo neʼaliya vayaʼaitegaʼeʼmo ani kavaʼmo hugiye.

Matiyu 12:25

Yesuʼa Falasi vayaʼmogi apaipafiʼmo apakesamo afiʼnaya kavaʼmo apaketenoʼaeʼmo, magoke koteʼmo neʼmaisaya vayaʼmogimo aliʼa fako huʼa apateteʼa kame hisayana apakaiʼapimo hapaeʼa hano huʼa apatalegae. Ani kava huʼa magoke afamo anagaʼmogimo aliʼa fako huʼa apateteʼa kame hisayana alagi alagepa huʼa oʼmaigae.

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Apa 24:24

Mago afinaʼmo utegeʼana Filikisiʼe aʼamo Yu vayapati a kanomo agiʼamo Nulusilaʼeʼmo eʼnaʼae. Filikisiʼa Polofeʼmo ge huʼnigeno eno Yesu Kalaisifeʼmo agesa afino fatago hisiya agufa gemo ha paiʼniye.

Apa 4:32

Muki apakesamo afiʼa fatago nehaya vayaʼmogimo magoke apaipa apakesamo aliʼneʼapaeʼmo mago vekamoʼmo aliʼniya yafeʼmo, nagaiʼni yane, huno osuʼnifa mukiʼamogimo muki aliʼnaya yafeʼmo, lagaiti yane, huʼa huʼnae.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 10:8

Ani kava hiyo, huno nosifa na agufa kavakeʼmo hiyo, huno nehiye. Ani gelefeʼmo, Goti geʼamo lapaopaleʼmo haneʼneno lapavayafiʼe lapaipafiʼeʼmo haneʼniye, huno hapa paiʼniye. Lagaemo ani gelefeʼmo apakesamo afiʼa fatago hisayafeʼmo aeta hakalo huta hapa nepaune.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 15:29

Ago afiʼnovana uʼna avaʼyi huteʼna Kalaisifeʼmo alagepa faigoko geʼaletiʼmo magoʼe huʼna aliʼna auleʼna lapategauve.

1 Kolitiyani 1:10

Konagaʼnimogitapae, huʼna, Ala kava netimo Yesu Kalaisi agiʼaletiʼmo ge huʼnaeʼmo, Alita fako hutapa alu vaya alu vayaʼmo oʼmaitapa magoke vayaʼmo maiʼnetapa magoke agufa geʼageʼmo hutapa maiyo. Alagepa hutapa magokepi lokaeta maitetapa magoke lapaipa lapakesamo alita maiyo.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

2 Kolitiyani 9:13

Lapakaemo hapa maetapa apamitetapaeʼmo, Kalaisifeʼmo alagepa faigoko geʼaeʼmo lagesamo afita fatago nehune, hutapa alita apave lisageʼa ageteʼapaeʼmo, he lama gemo nehae, huteʼa, Kolitiyani vayaʼmogimo Goti geʼamo akame huteʼa lagaeʼe muki vayaʼeʼmo magoke agufa apaipa apakesafatiʼmo afalu afalugana kavaʼmo nehae, huʼa huteʼa Goti agiʼaleʼmo aliʼa asaga huʼa ategae.

Galesiya 1:7

Alu alagepa gemo ohaneʼniyaʼmonanafa mago vayaʼmogimo alagepa faigoko gemo aliʼa aiʼa ataginovano gemo huteʼa lapakesamo nefaigetapaeʼmo lapausoli nehae.

Efasasi 1:13

Ani kava hutapa lapakaeʼeʼmo alagi mani lama gemoʼmo lapau neʼvaiya kavatefeʼmo alagepa faigoko geʼamo afitetapaeʼmo alita amufa amiʼnae. Lapakaemo Kalaisifeʼmo lapakesamo afita fatago huʼnagenoʼaeʼmo Gotiʼa polomasi gemo hunoʼaeʼmo, Nauneʼnameʼmo apamiguve, huno hu maleʼniya Aunemeʼamo lapamitenoʼaeʼmo lapaipafiʼmo alagena yaʼamo ago hu maletenoʼaeʼmo, vayaʼnimo maiʼnae, huno lapa paiʼniye.

Efasasi 1:15

Huʼniyaʼmofeʼmo lapakaemo Ala kava neʼmo Yesufeʼmo lapakesamo afita fatago hutetapa Goti apaote vayaʼaeʼmo lapau lapayamopafiʼmo nelapaiya kavafeʼmo lapava gemo afiteʼnaeʼmo

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Filipai 2:12

Gotiʼa agaiʼamo hauʼniyanageno amogaga aisiyafeʼmo lapaipafiʼmo aliʼyaʼmo neʼaliye. Lapakaemo alagepa kavafeʼmo lapaipa kalige huge hisayafeʼmo lapaipafiʼmo himamuʼaletiʼmo aliʼyaʼmo neʼaliyaʼmofeʼmo koli hutetapa atete nehutapaeʼmo aliʼyaʼmo aliyo. Nahauʼniya vayaʼnimogitapae, huʼna, Gotiʼa ani aliʼyaʼmo neʼaliyaʼmofeʼmo lapakufamo alita katita lapatetapa hano hiyo. Nagaemo lapakaeʼeʼmo magokepiʼmo lokaeʼna maiʼnova afinaʼmo lapakaemo akame huʼnaya agufa kavaʼmo hutapa hemenimo lapakaeʼeʼmo oʼmaiʼnovanagi magoʼe hutapa akame hiyo.

Filipai 2:24

Ala kava nefeʼmo aliʼna amufa neʼamuvanageno aise afinaʼmo utesigeʼna nagaiʼnimo lapakaetegamo visuvafeʼmo nagesamo afiteʼna agava neʼmauve.

Filipai 3:18

Mani hemenimo hisuva gemo muki afinaʼmo lapa paiʼnovanageʼna hemenimo halate magoʼe huʼna lapa paiʼnaeʼmo, Asole vayaʼmo Kalaisi kame vayaʼamo maiʼneʼa malipu yosaleʼmo faliʼniya kavafeʼmo ava gemo aeʼa ati nekae, huʼna huteʼna naunumo uno nelamigeʼna lapa nepauve.

Filipai 3:20

lagaemo kokuʼnapi vayaʼmo maiʼneta kokuʼnapatiʼmo eminesiya vekamoʼa lagufamo alino katino nelateya vekamo Ala kava neʼmo Yesu Kalaisifekeʼmo lavayagunagu huta agava neʼmaune.

Filipai 4:1

Nahau nayamopafiʼmo nahauʼniya konagaʼnimogitapae, huʼna, lapakaefeʼmo lusi kava huno neʼnahaiye. Lapakaefeʼmo namogaga neʼauvanageno Gotiʼa lapakaetetiʼmo ala nagiʼnimo namigiye. Inagi Ala kava nepiʼmo lokiya vaitapa he tita maiyo.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

1 Tesaloniyani 3:6

Huʼnovaʼmonanafa Timotiʼa lapakaetegatiʼmo halate lagaetegamo enoʼaeʼmo alagepa lapava gemo huno laha painoʼaeʼmo, alagepa huʼa apakesamo afiʼa fatago nehuʼapaeʼmo hapau apayamopafiʼmo nehapaiye. Lagaemo apakesunafeʼmo nehuna kava huʼa lagaefeʼmo alagepa huʼa apakesamo afiteʼa lagesayafeʼmo nehae, huno laha paiʼniye.

1 Tesaloniyani 4:1

Inagi konagatimogitapae, huta, lagaemo Gotiʼa hauʼniya kavaʼmo hutapa maisayafeʼmo alita lapaya maleʼnone. Ani kava hutapa maiʼnae. Hemenimo Ala kava neʼmo Yesutetiʼmo lokiya gefatiʼmo lapao ke hetaeʼmo, magoʼe hutapa alagepa kavaʼmo hutapa maiyo.

1 Timoti 1:11

Mani gemo alagepa faigoko gemo haneʼniyana aliʼa auleʼa neʼataya Goti geʼamo ha le konali faigoko geʼamo haneʼniye. Gotiʼa mani geleʼmo yagaiʼna atesuvafeʼmo namiʼnigeʼna alinineʼna aeʼna hakalo huʼna hapa nepauve.

1 Timoti 1:19

Kamemo nehukaeʼmo kagesamo afika fatago huteka kagupi mafaʼnemo geʼamo afiyo. Mago vayaʼai apakupi mafaʼnemoʼmo, hosu kavaʼmo nehae, huno nehigeʼapaeʼmo noʼafigenoʼaeʼmo apakesamo afiʼa fatago huʼnaya kavaʼapimo alagi alino atagaeno neʼatale.

2 Timoti 4:7

Kanale kamemo Goti vayaʼamogimo nehaya agufa kamemo ago huʼnove. Nagu nagu huʼna uʼna atupaleʼmo he tiʼnove. Apakesamo afiʼa fatago nehaya geleʼmo yagaiʼna ateʼnogeno afaʼa alagepa huno haneʼniye.

Failimoni 1:5

Kagaemo muki apaote vayaʼaifeʼmo kahau kayamopafiʼmo kahauʼnigekaeʼmo Ala kava neʼmo Yesufekeʼmo kagesamo afika fatago huʼnana kavafeʼmo kava gemo huʼnageʼna afiteʼnaeʼmo Gotifekeʼmo hao ke heʼna nekatove.

Yemisi 3:18

Aliʼa nanu aeʼa neʼapataya vayaʼmogimo magoke apaipa aliʼa neʼmaiya afinaʼmo vase vase huʼa avina yaʼmo nehakalagenoʼaeʼmo fatago kavaʼmoʼmo alagaʼmo aegekana huno afole neʼaiye.

2 Pita 3:11

Muki yaʼamo alagi hano hugiyaʼmofeʼmo hemenimo lapakaemo haiya agufa kavaʼmo hutapa maisaya kavaʼmo haneʼniye. Lapaote kavaʼmo nehutapaeʼmo Gotifekeʼmo mono hiyo.

2 Pita 3:14

Nahauʼniya vayaʼnimogitapae, huʼna, afole aigiyaʼmofeʼmo agaemo kahauya huno lapakesiyana agava maiʼnetapaeʼmo hosu kavatapimo ohanesigetapa vaiʼmo oʼalita agaeʼeʼmo alagepa hutapa magokepi lokaeta maisayafeʼmo lapayamukiki hiyo.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.