Filipai 1:25 - The Keyagana NT and 25 OT books

²⁵ He, magoʼe hutapa Kalaisifeʼmo lapakesamo afita fatago nehutapaeʼmo lapamogaga aisaya kavaʼmoʼa ko sisiyafeʼmo uʼna lapakaeʼeʼmo lokaeʼna maiguve, huʼna ago afiʼnove.

Filipai 1:25 ပူးပေါင်းရင်းမြစ်များ

Samu 60:6

Gotiʼa aote geʼaletiʼmo hunoʼaeʼmo, Nagaemo kamemo ago huʼna aeʼna apaka seteʼna namogaga aiteʼna Sekemi mopaʼe Sukoti kagoʼmu koʼeʼmo vayaʼnimo aliʼna fako huʼna apamiguve.

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 20:25

Nagaemo lapakaetegamo umenitata huʼna Goti kegiʼyafiʼmo neʼmaiya vayaʼaiteʼmo yagaino neʼapateya kavafeʼmo aeʼna hakalo huʼna lapa paiʼnove. Hemenimo ago afiʼnovana halate magoʼe hutapa naugosamo oʼnagegae.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 15:18

Kalaisiʼa lokiya vaino nateʼnigeʼna alu nofi vayaʼmogi Goti geʼamo afiteʼa akame hisayafeʼmo ge huge lokiya kavaʼmo huge nehuʼnaeʼmo aiʼna apavayu huliʼna neʼova kavafekeʼmo ava gemo huʼna lapa paiguve.

Lomu 15:29

Ago afiʼnovana uʼna avaʼyi huteʼna Kalaisifeʼmo alagepa faigoko geʼaletiʼmo magoʼe huʼna aliʼna auleʼna lapategauve.

Lomu 5:2

Agaetetiʼmo lagesamo afita fatago huʼnona kavatetiʼmo eta haiteta Gotiʼa fikumo laha maeno nelamiya kavaʼafiʼmo maiʼnetaeʼmo, Goti ha le konali hetamatimo aligune, huteta lavayagunagu huta agava neʼmaune.

2 Kolitiyani 1:24

Lagaemo lapakesamo afita fatago hisaya kavatetiʼmo ala lagi vayatapimo maisunafeʼmo osuʼnonaʼmonanafa lapamogaga aisayafeʼmo lapa neʼmaone. Lapakesamo afita fatago nehutapaeʼmo atafautapa alagi huʼnetapa he titapa maiʼnae.

Filipai 1:24

Faliteʼna uʼna Kalaisiʼeʼmo maisuva kavaʼmoʼa nagaiʼnilefeʼmo aeno agaseno hogote alagepa kavaʼmo haneʼniyaʼmonanafa lapakaetefeʼmo ma mopafi maiʼneʼnaeʼmo lapa maesuva kavaʼmoʼa ago aeno agaseʼniye.

Filipai 2:24

Ala kava nefeʼmo aliʼna amufa neʼamuvanageno aise afinaʼmo utesigeʼna nagaiʼnimo lapakaetegamo visuvafeʼmo nagesamo afiteʼna agava neʼmauve.

Failimoni 1:22

Kagaemo nunumuʼmo nehananageno Gotiʼa afitenoʼaeʼmo kagaetegamo halate alino natesigeʼna visuvafeʼmo agava maiʼnove. Magoʼe kavafeʼmo huʼnaeʼmo, visuva afinaʼmo kagae nopiʼmo uʼna havaesuvafeʼmo mago aeka anagi maleʼnisana yapiʼmo nato.

1 Pita 1:8

Yesu Kalaisiʼmo lapaulagafatiʼmo oʼageʼnayaʼmonanafa agaefeʼmo lapau lapayamopafiʼmo nelapaiye. Hemenimo oʼageʼnayaʼmonanafa agaefeʼmo lapakesamo afita fatago hutetapa lusi kava hutapa lapamogaga neʼaiye. Lapaipafiʼmo lapamogaga neʼaiyaʼmonanafa lapavayafatiʼmo ge hisayafeʼmo lapavayamoʼmo kana nehiye. Lapamogaga neʼaiya kavaʼmoʼa muki ma mopafi yafeʼmo apamogaga neʼaiya kavaʼmo aeno agaseʼniye.