Filipai 1:22 - The Keyagana NT and 25 OT books

²² Ma mopafiʼmo maisuvana magoʼe huʼna aliʼyaʼmo alisugeno magoʼe alagamo aegaiye. Na agufa kavafeʼmo nahauʼnifi huʼna oʼafiʼnove.

Filipai 1:22 ပူးပေါင်းရင်းမြစ်များ

Aepa Gemae 21:26

Amimelekiʼa hunoʼaeʼmo, Nagaemo haiya vekamoʼmo ani kavaʼmo huʼnifi huʼna oʼafiʼnove. Hogoteka naha opaiʼnane. Hemenigeʼmo mani gemo neʼafuve, huno ha paiʼniye.

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Hatu maeno apate'niya gemae 32:1

Moseseʼa avefiʼmo uno haino yatala afinaʼmo maiʼniyaʼmofeʼmo Isaleli vayaʼmogimo uʼa Elonifeʼmo ha paiʼapaeʼmo, Moseseʼa Isipi kotegatiʼmo lavalelino eʼniya vekalegamo na agufa kavaʼmo afole aiʼnifi huta oʼageʼnonaʼmofeʼmo kagaemo mago gotigimo alo hisanageʼa uʼa hogoteteʼa lavaleliʼa ugae, huʼa ha paiʼnae.

Apa 3:17

Vayaʼnimogitapae, huʼna, Inagi nagaemo afiʼnovana lapakaeʼe ala vayatapimo neʼyagaiya vayatapiʼeʼmo Yesuʼmo agetapa aeto osutapa fikumo amagiʼnae.

Lomu 1:13

Konagaʼnimogitapae, huʼna, mago gemo afisayafeʼmo nahauʼniyanagi lapakaemo alagepa hutapa afiyo. Muki afinaʼmo huʼnaeʼmo, uguve, huʼna nehuvaʼmonanafa lapakaetegamo visuva kaʼmo ago akani maleʼniye. Nagaemo Yu nofi vayapati oʼmaiʼnaya vayaʼaitegamo uʼna Goti geʼamo hakaleʼnogeno alagamo aeʼniya kava huʼna lapakaetegaʼeʼmo uʼna Goti geʼamo hakalesugeno alagamo aesiyafeʼmo neʼnahaiye.

Lomu 11:2

Gotiʼa akeyaʼvilaga hunoʼaeʼmo, mafaʼneʼnimo maiʼnae, huno huʼniya vayaʼmo alino oʼapataleʼniye. Goti mukufi avoʼmo kae maleʼniya gemoʼa Ilaiyafeʼmo ava gemo huʼniya gemo lapakaemo afiʼnafiye. Ilaiyaʼa Gotifeʼmo,

2 Kolitiyani 10:3

Lagaemo ma mopafiʼmo maiʼnetaeʼmo lagufafiʼmo maiʼnonaʼmonanafa ma mopafi vayaʼmogi nehaya agufa kavaʼmo huta lagufaʼaletikeʼmo kamemo nosune.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

Filipai 1:24

Faliteʼna uʼna Kalaisiʼeʼmo maisuva kavaʼmoʼa nagaiʼnilefeʼmo aeno agaseno hogote alagepa kavaʼmo haneʼniyaʼmonanafa lapakaetefeʼmo ma mopafi maiʼneʼnaeʼmo lapa maesuva kavaʼmoʼa ago aeno agaseʼniye.

Kolosi 2:1

Nagaemo lapakaeʼe Leyotisiya taonifiʼmo maiʼnaya vayaʼe oʼnageʼnaya vayaʼefeʼmo naipafiʼmo nahausoli huʼneʼna nayamukiki huʼna aliʼyaʼmo neʼaluva aliʼyafeʼmo nava gemo afisayafeʼmo nahauʼniye.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.