Filipai 1:21 - The Keyagana NT and 25 OT books

²¹ Afaʼa maisuvana Kalaisitefeʼmo afaʼa maiguve. Falisuvana akamelegatiʼmo magoʼe yaʼnimo aliguve.

Filipai 1:21 ပူးပေါင်းရင်းမြစ်များ

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

1 Kolitiyani 3:22

Poloʼagi Apolosiʼagi Pitaʼagi ma mopagi ofaliʼa afaʼa neʼmaiya kavanagi nefaliya kavanagi hemeni afinanagi afole aisiya afinanagi muki yanagi huno lapakaitapi vayaʼe yaʼeʼmo haneʼniye.

2 Kolitiyani 5:1

Ago afiʼnonana ma mopafi seli notimo atalagausiyaʼmoʼmo oʼatalagauno afaʼa hanege hanege huno hanesiya notimo kokuʼnapiʼmo haneʼniyaʼmofeʼmo laipamoʼmo kana osuʼniye. Vayaʼmogimo notimo apayatetiʼmo okiʼnayaʼmonanafa Gotiʼa ki maleʼniye.

2 Kolitiyani 5:6

Lamiʼniyaʼmofeʼmo koli osuta lokiya vaita maiʼnone. Ago afiʼnonana lagufafiʼmo maiʼnetaeʼmo Ala kava neʼeʼmo oʼmaiʼnone.

2 Kolitiyani 5:8

Lagufaʼamo ataleta uta haita Ala kava neʼeʼmo maisunafeʼmo koli osuta he, kanalene, huta nehune.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Galesiya 6:14

Nehayaʼmonanafa nagaemo mago kavatefeʼmo nagiʼnileʼmo aliʼna asaga huʼna nateteʼna namogaga aisufiye. Haʼao, alagi atalegeno hano hino. Nagaemo Ala kava netimo Yesu Kalaisiʼa malipu yosaleʼmo faliʼniya kavafekeʼmo naipafatiʼmo namogaga aiʼninageʼna hapa paisuva gegeʼmo haneʼniye. Gotiʼa malipu yosaleʼmo faliʼniya kavatetiʼmo atafa naipamo ago amagino ataleʼnigeʼna ma mopafi yaʼe amega apakufale kavaʼefeʼmo huʼnaeʼmo, ina agufa kavaʼmo malipu yosaleʼmo faligekana huno haneʼniye, huʼna nagesamo neʼafugeʼapaeʼmo ma mopafi vayaʼmogimo nagaefeʼmo huʼapaeʼmo, ina agufa vekamo malipu yosaleʼmo nili aiteʼa aliʼa he tiʼa ateʼnaya agufa vekagana huno maiʼniye, huʼa nehae.

Filipai 1:20

Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Filipai 1:22

Ma mopafiʼmo maisuvana magoʼe huʼna aliʼyaʼmo alisugeno magoʼe alagamo aegaiye. Na agufa kavafeʼmo nahauʼnifi huʼna oʼafiʼnove.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

Filipai 2:21

Muki vayaʼmogi Kalaisi Yesu aliʼyafeʼmo apakesamo oʼafiʼa apakaiʼapi aliʼyafekeʼmo apakesamo neʼafiye.

Kolosi 3:4

Kalaisiʼa afaʼa neʼmauna yaʼmo afoʼamoʼmo vekamo afole aisigetapaeʼmo ha le konali yaʼamo agaeʼeʼmo alisageʼa lapakegae.

Leveleseni 14:13

Inagi afiʼnovana mago vekamoʼmo kokuʼnapatiʼmo ge hunoʼaeʼmo, Avoʼmo kao. Ani afinatetiʼmo Ala kava nepiʼmo maiʼneʼa falisaya vayaʼmogimo Goti aulena vayaʼamo maiʼnae, huno huʼnigeno Goti Aunemeʼamoʼmo hunoʼaeʼmo, he, faliteʼapaeʼmo alagepa kavaʼmo huʼnaya anonaʼapimo aliniʼa ugayaʼmofeʼmo lokiya aliʼyaʼapimo ataleʼa maiʼa haga legae, huno huʼniye.