Filipai 1:20 - The Keyagana NT and 25 OT books

²⁰ Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Filipai 1:20 ပူးပေါင်းရင်းမြစ်များ

Samu 119:116

Alagepa huʼna afaʼa maisuvafeʼmo kaha maegauve, huka huʼnana gekalefeʼmo nayateʼmo aliyo. Afole aisiya kavafeʼmo navayagunagu nehuvaʼmofeʼmo fiku yanageno navagage hugiye.

Samu 119:80

Nagaemo avoʼmo kae maleʼnaya keʼaepa gekaleʼmo aiʼna hapaisuva naipa nagesamo namigeʼnao navagage osisiyafeʼmo akame hino.

Samu 25:2

O Gotiʼnimogae, huʼna, aliʼna amufa kamiʼnovaʼmofeʼmo fiku yanageʼa kame vayaʼnimogimo aeʼa nagasesageno navagage hugiyanagi oʼnatalo.

Samu 62:5

Nagaemo Gotiʼa naha maegaiye, huʼna nagesamo afiʼna fatago nehuvaʼmofeʼmo nagupi mafaʼneyo, huʼna, ge osuka Gotifekeʼmo agava maiyo.

Mai'naya kavane 10:28

Fatago vayaʼmogimo afole aisiya kavafeʼmo apavayagunagu nehayanageno afole aigiyaʼmonanafa hosu vayaʼmogi afole aisiya kavafeʼmo apavayagunagu nehaya kavaʼmo hano hugiye.

Mai'naya kavane 23:18

Ma mopafiʼmo alagepa huʼa neʼmaiya kavaʼmo alagi hano hugiyaʼmonanafa afole aigiye, huka kavayagunagu nehana kavaʼmo alagi afole aigiye.

Aiyeya 45:17

Afigayaʼmonanafa Ala kava neʼmoʼa Isaleli vayaʼmogi apakufamo alino katino apatesigeʼa alagepa huʼa maige maige huʼa maigae. Lapakaemo hosu lapakitapimo alige lapavagage huge hutapa oʼmaigafa muki afinaʼaeʼmo alagepa hutapa maige maige hutapa maigae.

Aiyeya 50:7

Ala kava neʼmo Gotiʼa maigiyaʼmofeʼmo aeʼa oʼnagasesageno ala nagiʼnimo afaʼa hanegaiye. Hanegaiyaʼmofeʼmo naipamo aliʼna lokiya vaiʼna ateʼnove. Ago afiʼnovana navagage osugiye.

Aiyeya 54:4

Kagaemo magoʼe huno kavagage osugiyaʼmofeʼmo koli osuvo. Apakaemo vayaʼmogimo kagaefeʼmo magoʼe huʼa huʼa faipa osuge kavagage yaʼmo okamige hugae. Haʼao, kagaemo a mafaʼnemo maiʼnekaeʼmo Isipi kotegamo kalavusi aliʼyaʼmo aliʼnana kavagage kavafeʼmo alagi kagekanika ataleteka maigane. Ina kava huka a kanomo anauʼamoʼmo ataleno uʼniya akanogana huka maige kogu akanogana huka kagaikageʼmo maige huʼnana afinafeʼmo kagekanisigeno magoʼe huno kavagage osugiye.

Yoni 21:19

Yesuʼmo Pitaʼa haiya agufa kavaʼmo huno falisifigeno Gotiʼa agiʼaleʼmo alino asaga huno atesiya kavafeʼmo alino ave lisiyafeʼmo ani gemo huʼniye. Ani gemo hutenoʼaeʼmo Pitafeʼmo hunoʼaeʼmo, nakame huvo, huno ha paiʼniye.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 21:13

Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Lomu 6:13

Lapakaemo lapakufafi alu ya alu yatapimoʼa hosu kavaʼmo hisayafeʼmo hosu kavaʼmo ayapiʼmo lapakufafi haneʼniya alu ya alu yatapimo oʼamiyo. Lapakaemo faliʼnayatetiʼmo ago he titapa afaʼa maiʼnayaʼmofeʼmo lapakufafi haneʼniya alu ya alu yatapiletiʼmo alagepa kavaʼmo hisayafeʼmo lapakufaʼaʼe muki lapakufafiʼmo haneʼniya yatapiʼeʼmo Gotikeʼmo amiyo.

Lomu 6:19

Alagepa hutapa oʼafisaya agufa vayaʼmo maiʼnayaʼmofeʼmo ma mopafi kavafeʼmo aeʼna kalafefa gemo nehuve. Lapakaemo hogotetapa lapakufafi haneʼniya alu ya alu yaʼatapimo hosu kavaʼmo ayapiʼmo maletetapa kalavusi aliʼyaʼamo neʼaliya vayaʼmo maiʼnetapaeʼmo hosu kavaʼmo huge Goti geʼamo amagitapa atalege hutapa maiʼnaya kava hutapa hemenimo lapakufafi haneʼniya alu ya alu yaʼatapimo alita Goti ayapiʼmo maletetapa fatago kavaʼmo hutapa kalavusi aliʼyaʼamo neʼaliya vayaʼmo maigenoʼao lapaote kavatapimo afole aino.

Lomu 8:19

Ani yatefeʼmo ma mopaʼe muki ma mopafi haneʼniya yaʼeʼmo Goti mafaʼneʼamoʼmo afole yateʼmo alino afole aino apatesiyafeʼmo agava maiʼnae.

Lomu 9:33

Goti mukufi gemoʼa hunoʼaeʼmo, Afiyo, huno, nagaemo Saiyoni taonifiʼmo noʼmo faiʼna atesuva yafaʼmo malegauve. Maleʼnisugeʼapaeʼmo apaiyamo faiʼa lo aeteʼa asagauʼa aigayaʼmonanafa ina lagimo agaefeʼmo apakesamo afiʼa fatago nehisafigeʼa apavagage osuge hapai vaiʼa oʼatege hugae, huno huʼniye.

1 Kolitiyani 15:31

Ala kava netimo Kalaisi Yesupiʼmo maiʼneʼnaeʼmo amuse huʼna nelapatove, huʼna nehuva gemo alagi lama gemo haneʼniye. Konagaʼnimogitapae, huʼna, ani kavaʼmo huʼna muki afinaʼae afinaʼaeʼmo namagisaya agufa kavategamo maiʼnove, huʼna alagi lama gemo nehuve.

1 Kolitiyani 7:34

Ani kava huʼa maiʼneʼapaeʼmo lole apakesamo neʼafiye. Veleʼmo oʼmaiʼnaya aʼmafaʼne anagaʼmogimo Ala kava neʼmo aliʼyaʼalefeʼmo apakesamo neʼafiye. Apakaemo apakufaʼe apauneʼapameʼeʼmo amiteʼa agaetefeʼmo eʼa apaote maisayafeʼmo hapauʼniyaʼmonanafa veleʼmo maiʼnaya aʼnemogimo ma mopafi kavafekeʼmo apakesamo afiteʼapaeʼmo anauʼapimogi amuse huʼa apatesayafeʼmo na kavaʼmo hugune, huʼa apakesamo neʼafiye.

2 Kolitiyani 10:8

Ala kava neʼmoʼa lamiʼniya himamutiletiʼmo alita hosu huta lapatesunafeʼmo olamiʼnifa alita lokiya vaita lapatesunafeʼmo lamiʼniye. Lamiʼniya himamu lokiyaʼalefeʼmo magoʼe huʼna lagitileʼmo aliʼna asaga huʼna atesuvafeʼmo navagage osugiye.

2 Kolitiyani 3:12

Lagaemo saufa kotalake geʼaletiʼmo alagepa kavaʼmo afole aigiye, huta huteta lavayagunagu nehuta agava neʼmaunaʼmofeʼmo mago gemo fala okita muki geʼamo aeta hakalo huta hapa nepaune.

2 Kolitiyani 4:10

Yesuʼa afaʼa maiʼniye, huta lagufaletiʼmo alita apave lisunafeʼmo Ala kava neʼmo Yesuʼa faliʼniya agufa kavaʼmo lagufaleʼmo alinita neʼune.

2 Kolitiyani 5:15

Faliʼnayaʼmonanafa afaʼa maiʼnaya vayaʼmo apakaiʼapi hapauʼniya kavaʼmo magoʼe huʼa osuʼa faliteno he tiʼniya vekalefeʼmo muki kavaʼmo hisayafeʼmo ani muki vayaʼaitefeʼmo falino apateʼniye.

2 Kolitiyani 7:14

Nagaemo Taitasifeʼmo lapakitapileʼmo aliʼna asaga huʼna lapateʼnova gelefeʼmo navagage nosiye. Lapa paiʼnona gemo lama gemo haneʼniya kava huno Taitasifeʼmo lapakitapileʼmo alita asaga huta lapateʼnona gemo afole yategamo afole aiʼnigeno lama gemo haneʼniye.

2 Kolitiyani 7:4

Lapakaemo alagepa kavaʼmo hugae, huʼna lokiya nagesamo afiteʼnaeʼmo huʼna ha leʼna lapa nepauve. Lusi kava huʼna namogaga aiʼna nelapateʼnaeʼmo lapava gemo huʼna hapa nepauve. Naipamoʼmo falu huʼniya kavaʼnimoʼmo havai teʼniye. Alopa hanageke yaʼmo aliʼnetaeʼmo nagaemo lusi kava huʼna namogaga neʼauve.

Filipai 1:14

Kalavusifiʼmo maiʼnogeʼapaeʼmo asole konagatimogi nageʼnayaʼmofeʼmo lokiya vaiʼa maiʼneʼapaeʼmo Ala kava nefeʼmo magoʼe huʼa apakesamo afiʼa fatago nehuʼapaeʼmo koli osuʼa he tiʼa Goti geʼamo aeʼa hakalo huʼa hapa nepaiye.

Filipai 2:17

Lapakesamo afita fatago huʼnetapaeʼmo alagepa kavaʼmo nehaya kavaʼmoʼa lapakaemo Gotiʼmo ofalini neʼamiya yakana huno haneʼniye. Namagisageʼna faliʼnaeʼmo kolaʼnimo lapakae ofalinileʼmo laki malesuvana namogaga aiteʼna lapakaeʼeʼmo magokepi lamogaga aigune.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

1 Pita 4:16

Aligayaʼmonanafa Kalisitini vayaʼmo maiʼnayaʼmofeʼmo kana yaʼmo alisayana lapavagage osutapa ani kavatefeʼmo Goti agiʼaleʼmo alita asaga hiyo.

1 Yoni 2:28

Aise mafaʼneʼnimogitapae, huʼna, Eminesigetaeʼmo lokiya vaita maiʼneta fala okisunageno aulagaleʼmo lavagage osisiyafeʼmo hemenimo agaepiʼmo alagi maigetao.