Failimoni 1:7 - The Keyagana NT and 25 OT books

⁷ Kagaemo apaote vayaʼai apaipamo alika falu huka apatetekaeʼmo kahau kayamopafiʼmo kahauʼnigekaeʼmo alika lokiya vaika nelatanagetaeʼmo lusi kava huta lamogaga neʼaune.

Failimoni 1:7 ပူးပေါင်းရင်းမြစ်များ

1 Kolitiyani 16:18

Naipamo aliʼa falu huʼa nateʼnaya kava huʼa lapaipamo aliʼa falu huʼa lapateʼnae. Ani agufa vayaʼaifeʼmo, alagepa vayaʼmo maiʼnae, hutapa hutetapa geʼapimo afiyo.

2 Kolitiyani 7:13

Ani kavatefeʼmo laipamoʼmo falu hutapa lateʼnageta Taitasiʼa amogaga aiʼniya kavafeʼmo lusi kava huta lamogaga aiʼnone. Lapakaemo aipamo alita falu huʼnayaʼmofeʼmo amogaga aiʼniye.

2 Kolitiyani 7:4

Lapakaemo alagepa kavaʼmo hugae, huʼna lokiya nagesamo afiteʼnaeʼmo huʼna ha leʼna lapa nepauve. Lusi kava huʼna namogaga aiʼna nelapateʼnaeʼmo lapava gemo huʼna hapa nepauve. Naipamoʼmo falu huʼniya kavaʼnimoʼmo havai teʼniye. Alopa hanageke yaʼmo aliʼnetaeʼmo nagaemo lusi kava huʼna namogaga neʼauve.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

1 Tesaloniyani 2:19

Ala kava netimo Yesu Kalaisiʼa eminesiya afinafeʼmo agava maiʼneta lavayagunagu huge lamogaga aige miyatimo alisunafeʼmo lamogaga aige nehuna kavaʼmo aepa vayaʼmo ina lagiye. Lapakaitapigemae.

1 Tesaloniyani 3:9

Goti aulagaleʼmo lamogaga aige aige huta maiʼnetaeʼmo lapakaetefeʼmo lamogaga neʼauna kavatefeʼmo alagepa huta Gotifeʼmo afaʼa hao ke oseta uta haita ohapaigune.

2 Timoti 1:16

Ala kava neʼmoʼa Onesifolasiʼe afamo anagaʼaʼeʼmo hau huno apateno. Onesifolasiʼa kalavusifiʼmo maiʼnova kavafeʼmo avagage osuʼnigeno Lomu taonifiʼmo eno avaʼyi huteno lusi kava huno kahauya huno nagetenoʼaeʼmo muki afinaʼmo naha maete naha maete huʼnigenoʼaeʼmo naipamoʼmo falu huʼniye.

Failimoni 1:20

Konagaʼnimogae, huʼna, Ala kava neʼmo agiʼalefeʼmo namogaga aisuvafeʼmo ani kavaʼmo huka naha mao. Kalaisipiʼmo maiʼnetaʼaeʼmo naipamo alika falu huka nato.

2 Yoni 1:4

Mago mafaʼne anagakamogimo muki yaʼmo Afoʼamoʼa akame hiyo, huno laha paiʼniya keʼaepa geʼamo lama geʼamo akame nehageʼna apaketeʼnaeʼmo lusi kava huʼna namogaga aiʼnove.