Failimoni 1:10 - The Keyagana NT and 25 OT books

¹⁰ Goti geʼaletiʼmo aliʼna ateʼnova mafaʼneʼnimo Onesimasifeʼmo ge huʼna neʼatove.

Failimoni 1:10 ပူးပေါင်းရင်းမြစ်များ

Maki 9:17

asole vayapatiʼmo magoke vekamoʼmo Yesu geʼaleʼmo aeno atagaina huno ha painoʼaeʼmo, Tisao, huno, hosu aune vekamoʼmo ve mafaʼneʼnimo avayamo alino akani maleʼnigeʼnaeʼmo kagaetegamo avaleliʼna neʼove.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

1 Kolitiyani 4:14

Lapavagage hisiyafeʼmo mani avoʼmo nokaovaʼmonanafa nahau nayamopafiʼmo nahauʼniya mafaʼneʼnimo maiʼnayaʼmofeʼmo alagepa hutapa afisayafeʼmo ehetapiye, huʼna mani avoʼmo nekaove.

1 Kolitiyani 4:15

Teni tauseniʼa tisa vayaʼmogi Kalaisipiʼmo yagaiʼa nelapataya tisa vayaʼmo maiʼnisayaʼmoʼmo afotapimoʼmo magokeʼageʼmo maiʼniye. Nagaemo Kalaisifeʼmo alagepa faigoko geʼaletiʼmo mafaʼneʼnimo aliʼna lapateteʼna Kalaisi Yesupiʼmo afotapimoʼnamo maiʼnove.

Galesiya 4:19

Nahauʼniya mafaʼneʼnimogitapae, huʼna, aʼnemogimo mafaʼnemo aliʼa atesayafeʼmo apakafu nekiya kava huʼna lapakaemo Goti mafaʼnemo hamalesayafeʼmo nagafu kiʼniyanageʼna Kalaisikana hutapa maisayafeʼmo halate magoʼe huno nagafu nekiye.

Kolosi 4:9

Avagi huno visiya vekamo Onesimasifeʼmo lahau layamopafiʼmo lahauʼniya konagatimoʼmo aliʼyaʼamo oʼataleno muki afinaʼmo alagepa aliʼyaʼmo neʼaliya vekamo lapakaepati vekamo maiʼniye. Anakaemo uʼanaeʼmo manileʼmo muki afole aiʼniya kavafeʼmo ava gemo huʼana lapa paigaʼae.

1 Timoti 1:2

Kagesamo afika fatago nehana mafaʼneʼnimo lama ge Goti mafaʼneʼamo Timotigaeʼmo mani avoʼmo nekaove. Afotimo Gotiʼe Ala kava neʼmo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

Taitasi 1:4

Lama ge mafaʼneʼnimo Taitasigaeʼmo mani avoʼmo nekaove. Lagesamo afita fatago huʼnona kava huka kagesamo afika fatago huʼnane. Afotimo Gotiʼe lagufamo alino katino lateʼniya vekamo Yesu Kalaisiʼeʼmo fikumo kaha maeʼana kamiteʼana hanau huʼana katesaʼageno kaipamoʼmo falu hino.

Failimoni 1:11

Hogoteno alagepa huno kaha oʼmaeʼniyaʼmonanafa hemenimo nagaeʼe kagaeʼeʼmo alagepa huno laʼaha maesiya agufa vekamoʼmo maiʼniye.

Failimoni 1:13

Alagepa faigoko gelefeʼmo kalavusifiʼmo maiʼnogenoʼaeʼmo kagae kaimuʼyaleʼmo eno nagaeʼeʼmo magokepi lokaeno maiʼneno naha maesiyafeʼmo nahauʼniye.

3 Yoni 1:4

Mafaʼne anagaʼnimogi lama gemo alagepa huʼa akame nehae, huʼa apava gemo huʼa naha paiʼnageʼna afiteʼnaeʼmo namogaga neʼauva kavaʼnimoʼmo alu yafeʼmo namogaga neʼauva kavaʼmo alagi aeno agaseʼniye.