Hatu maeno apate'niya gemae 9:10 - The Keyagana NT and 25 OT books

¹⁰ Anakaemo sitopufatiʼmo laʼnefamo aliteʼana uʼana kini vekamo aulagaleʼmo he tiʼana maiʼneʼanaeʼmo Moseseʼa ani laʼnefamo alino yaga auno ataleʼnigenoʼaeʼmo kokuʼnapilagamo uno haiʼniye. Apausageʼmo vayaʼai apakufalenagi muki alu afu alu afu anagaʼmogi apakufalenagi huno apamaeteno aino apalo atino alopa apamuʼmo apaleʼniye.

Hatu maeno apate'niya gemae 9:10 ပူးပေါင်းရင်းမြစ်များ

Hatu maeno apate'niya gemae 9:11

Hosu apaune vayaʼai apakufaleʼeʼmo apausageʼmo apamaeʼniyaʼmofeʼmo eʼa Mosese aulagaleʼmo he tiʼa oʼmaiʼnae. Hosu apaune vayaʼai apakufalenagi muki Isipi vayaʼai apakufalenagi huno apausageʼmo apamaeʼniye

Hatu maeno apate'niya gemae 9:8

Inagi Ala kava neʼmoʼa Moseseʼe Eloniʼefeʼmo hana painoʼaeʼmo, lanakaemo sitopufatiʼmo laʼnefamo katetana lanayapi alinitana kini vekalegamo viʼao. Utanaeʼmo kini vekamo aulagaleʼmo Mosesegamo ani laʼnefamo alika kokuʼnapilagamo yaga autalegeno uno haino.

Hatu maeno apate'niya gemae 9:9

Haitenoʼaeʼmo ani laʼnefamoʼmo mumusopamo alino hamaletenoʼaeʼmo muki Isipi mopaleʼmo maiʼnaya vayaʼmogi apakufaleʼe muki alu afu alu afu anagaʼmogi apakufaleʼeʼmo asagauno aiteno apausageʼmo apamaeteno aino apalo atino alopa apamuʼmo apalegaiye, huno hana paiʼniye.