Hatu maeno apate'niya gemae 8:22 - The Keyagana NT and 25 OT books

²² Havaitegayaʼmonanafa nagaemo vayaʼnimo Goseni koteʼmo maiʼnayanageʼna aliʼna aote malesugeno ani afinaʼmo apakae mopaleʼmo oʼmaigae. Kagaemo ani kavaʼmo agetekaeʼmo, Ala kava neʼmo agaiʼageʼmo lagae koʼmo folagapiʼmo maiʼniye, huka nagesanafeʼmo ani kavaʼmo huguve.

Hatu maeno apate'niya gemae 8:22 ပူးပေါင်းရင်းမြစ်များ

Aepa Gemae 46:34

geʼaleʼmo aeta atagaina hutapa ha paitapaeʼmo, muki afotimogimo aliʼnaya agufa aliʼyaʼmo neya vayaʼmo maiʼnona afinatetiʼmo pulumakaleʼe sipisipileʼeʼmo neʼyagauna vayaʼmo maiʼnone, hutapa ha paiyo. Isipi vayaʼmogimo sipisipileʼmo neʼyagaiya vayaʼaifeʼmo alagi ohapauʼnigeʼa hosu aliʼyaʼmo neʼaliya vayane, huʼa apakesamo neʼafiyaʼmofeʼmo ani ge hutapa ha paisagenoʼaeʼmo Goseni kotegamo afaʼa utapa maigae, hutapa ha paigae, huno hapa paiʼniye.

Samu 110:2

Ala kava neʼmoʼa kayotetiʼmo yagaika apatesana himamukamo Saiyoni taonifatiʼmo alino atesigeno ugiye. Kame vayakamogi folagapiʼmo maiʼneka yagaika apato, huno kaha paiʼniye.

Hatu maeno apate'niya gemae 10:23

Muki Isipi vayaʼmogi apakaiʼapimo magoke vekamo alagi oʼagege he tiʼa oʼmaige huteʼa nopikeʼmo maiʼnae. Maiʼnayaʼmonanafa Isaleli vayaʼmo maiʼnaya haopaʼalegamo haniʼmo osuʼniye.

Hatu maeno apate'niya gemae 12:13

Ani kolatetiʼmo notapimo kipa yosaleʼmo falesageno lapakae alagena yaʼmo hanegaiye. Nagaemo Isipi vayaʼmo apamagisuva afinaʼmo kolaʼmo ageteʼnaeʼmo lapakaseʼna visugeno ani kaitaʼmo olahapaugiye.

Hatu maeno apate'niya gemae 19:5

Inagi lapakaemo kotalakeʼnimo atafautapa alagi huʼnetapa geʼnimo akame hisayana muki vayapatiʼmo nagaiʼnilefeʼmo lekana paiʼna lapateʼnova vayaʼnimo maigae. Muki ma mopafi haneʼniya yaʼmo nagaiʼni yaʼageʼmo haneʼniyaʼmofeʼmae.

Hatu maeno apate'niya gemae 20:11

Ala kava neʼmoʼa sigisiʼa afinaʼmo kokuʼnanagi mopagi solovala aninagi muki alu ya alu yaʼmo haneʼniya yanagi huno alo huno hano huteno seveni afinaʼmo maino haga leʼniyaʼmofeʼmo Ala kava neʼmoʼa Sapati afinaʼmo alagepa huno aoteʼmo haneno, huno hu maleʼniye.

Hatu maeno apate'niya gemae 7:17

Inagi Ala kava neʼmoʼa hunoʼaeʼmo, nagaemo hisuva kavatetiʼmo kagaemo nagekaeʼmo agaemo Ala kava neʼmo agaiʼageʼmo maiʼniye, huka nagegane. Afiyo, huʼna, Nagaemo aliʼnova hayopa kayotetiʼmo alopa aniteʼmo neʼamagisugenoʼaeʼmo kola aniʼmo alino hamalegaiye.

Hatu maeno apate'niya gemae 7:5

Nagaemo Isipi vayaʼaina alopa kayoʼmo apamiteʼnaeʼmo apakae folagapatiʼmo Isaleli vayaʼmo apavaleliʼna visugeʼapaeʼmo Isipi vayaʼmogimo nagaefeʼmo Ala kava neʼmo maiʼniye, huʼa nagegae, huno ha paiʼniye.

Hatu maeno apate'niya gemae 8:10

Kini vekamoʼmo hunoʼaeʼmo, Egamae, huno huʼnigenoʼaeʼmo, Huʼnana kavaʼmo afole aigiye. Alu gotigimo Ala kava neʼmo Gotitimokana huʼa oʼmaiʼnae, huka agegane.

Hatu maeno apate'niya gemae 8:21

Apatalesanageʼa oʼvisayaʼmoʼmo asole kosi anagaʼmo aliʼna apatesugeʼa haleliʼa uʼeʼa huʼa kagae kagufaleʼmo hakalege aliyakamo neʼaliya vayaʼmogi apakufaleʼmo hakalege muki vayakamogi apakufaleʼmo hakalege notapifiʼmo uʼa haiʼa havaitege hugae. Kosi anagaʼmogi Isipi vayaʼmogi noʼapifiʼmo haleliʼa uʼa haiʼa havai tege maiʼnaya mopaleʼmo havai tege hugae.

Hatu maeno apate'niya gemae 8:23

Nagaemo vayaʼnilegamo alu kavaʼmo huteʼna kagae vayaʼaitegamo alu kavaʼmo hisugeʼapaeʼmo alu vaya alu vayaʼmo maiʼnae, huʼa apakegae. Egamo ani alagena kavaʼmo afole aigiye, huno ha paiʼniye.

Hatu maeno apate'niya gemae 9:26

Muki Isipi kotegamo koʼmopamo emineʼniyaʼmonanafa Isaleli vayaʼmo Goseni haopalegamo maiʼnaya koteʼmo koʼmopamo emiʼnoʼmeʼniye.

Hatu maeno apate'niya gemae 9:29

Moseseʼa ha painoʼaeʼmo, Nagaemo mani taonifatiʼmo ataleʼna malagamo uʼna lamiʼnaeʼmo nayaʼmo aliʼna asagauliʼneʼna Ala kava nefeʼmo nunumuʼmo hisugeno kokuʼnapatiʼmo magoʼe huno hakalu osuge koʼmopamo emi noʼmege hisigekaeʼmo mani mopamo Ala kava neʼmo mopamae, huka kagesamo afigane.

Hatu maeno apate'niya gemae 9:4

Ala kava neʼmoʼa Isaleli vayaʼmogi magoke afuʼapimo ofalisayafeʼmo alu afu alu afu anagaʼapigi Isipi vayaʼmogi alu afu alu afu anagaʼapigi huno alino fako huno apategaiye, huno ha paiʼniye.

Hatu maeno apate'niya gemae 9:6

Inagi egamo Ala kava neʼmoʼa huguve, huno huʼniya kavaʼmo huʼnigeʼapaeʼmo muki Isipi vayaʼai alu afu alu afu anagaʼapimo faliʼnayaʼmonanafa Isaleli vayaʼai alu afu alu afu anagaʼapimo ofaliʼa afaʼa maiʼnae.

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.