Hatu maeno apate'niya gemae 8:21 - The Keyagana NT and 25 OT books

²¹ Apatalesanageʼa oʼvisayaʼmoʼmo asole kosi anagaʼmo aliʼna apatesugeʼa haleliʼa uʼeʼa huʼa kagae kagufaleʼmo hakalege aliyakamo neʼaliya vayaʼmogi apakufaleʼmo hakalege muki vayakamogi apakufaleʼmo hakalege notapifiʼmo uʼa haiʼa havaitege hugae. Kosi anagaʼmogi Isipi vayaʼmogi noʼapifiʼmo haleliʼa uʼa haiʼa havai tege maiʼnaya mopaleʼmo havai tege hugae.

Hatu maeno apate'niya gemae 8:21 ပူးပေါင်းရင်းမြစ်များ

Samu 105:31

Ge huʼnigeʼapaeʼmo asole kosi anaganagi apayokapi nama anaganagi huʼa eʼa muki ani mopaleʼmo aiʼa atagu faeʼa maiʼnae.

Samu 78:45

Agaemo asole ulu anagaʼmo alino apateʼnigeʼa eʼa hapaege asole eso anagaʼmo alino apateʼnigeʼa eʼa muki mopaʼapileʼmo haneʼniya yaʼmo aliʼa hosu huʼa atege huʼnae.

Hatu maeno apate'niya gemae 10:6

Kagae nopiʼmo uʼa haiʼa havaitege aliʼyakamo neʼaliya vayaʼmogi nopiʼmo uʼa haiʼa havai tege muki vayakamo Isipi vayaʼmogi nopiʼmo uʼa haiʼa havai tege hugae. Ani kavaʼmo afotapimogimo oʼagege lototapimogimo oʼagege lapakaemo maime eʼnaya afinatetiʼmo eno hemenimo maiʼnaya afinaʼeʼmo oʼagege huʼnaya kavaʼmo afole aigiye, huno huʼniye, huno Moseseʼmo Felofeʼmo ha paiteno ataleno aino afe leno uʼniye.

Hatu maeno apate'niya gemae 8:20

Ala kava neʼmoʼa Mosesefeʼmo ha painoʼaeʼmo, Gotilamisiyapiʼmo he tika uka Feloʼmo anitegamo ugefeʼmo neʼesigetana fotu hutetanaeʼmo, Ala kava neʼmoʼa kagaefeʼmo ha paikaeʼmo, vayaʼnimo apatalegeʼa uʼa nagaetefeʼmo mono hiyo, huno naha paiʼniye, huka ha paiyo.

Hatu maeno apate'niya gemae 8:22

Havaitegayaʼmonanafa nagaemo vayaʼnimo Goseni koteʼmo maiʼnayanageʼna aliʼna aote malesugeno ani afinaʼmo apakae mopaleʼmo oʼmaigae. Kagaemo ani kavaʼmo agetekaeʼmo, Ala kava neʼmo agaiʼageʼmo lagae koʼmo folagapiʼmo maiʼniye, huka nagesanafeʼmo ani kavaʼmo huguve.

Hatu maeno apate'niya gemae 8:24

Ala kava neʼmoʼa ani kavaʼmo huguve, huno huʼniya kavaʼmo huʼnigenoʼaeʼmo asole kosi anagaʼmo kini vekamo nopiʼmo haleliʼa uʼa haige aliʼyaʼamo neʼaliya vayaʼai nopiʼmo uʼa haige huteʼa muki Isipi kotegamo alagi aliʼa hosu huʼa ateʼnae.