Hatu maeno apate'niya gemae 8:1 - The Keyagana NT and 25 OT books

¹ Seveniʼa afinaʼmo ago utegenoʼaeʼmo Ala kava neʼmoʼa Mosesefeʼmo ina ge huno ha paiʼniye. Kagaemo kini vekamo Felotegamo uka ani gemo huka ha paiyo. Ala kava neʼmoʼa, Vayaʼnimo afaʼa apatalegeʼa uʼa nagaetefeʼmo mono hiyo, huno huʼniye.

Hatu maeno apate'niya gemae 8:1 ပူးပေါင်းရင်းမြစ်များ

Samu 105:30

Lokuloku anagaʼmo aiʼa atagu faeʼa muki ani mopaleʼmo maiteʼa kini vayaʼmo nehavaya nopiʼmo uʼa haiʼa maiʼnae.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Hatu maeno apate'niya gemae 3:18

Ani ge huka hapa paisanaʼmoʼmo gekamo afaʼa afigae. Kagaeʼe Isaleli vayatama vayaʼeʼmo Isipi kini vekalegamo utapa ha paitapaeʼmo, Ala kava neʼmo Himulu vayaʼmogita Gotitimoʼmo lagaemo alino anupa huno lateʼniye. Kahaoke honanagi, afaʼa latalegeta loleʼe magoʼe felugamo uta kaʼme kotegamo Ala kava neʼmo Gotitimoʼmo ofalini amigune, hutapa ha paiyo.

Hatu maeno apate'niya gemae 4:23

Maiʼnayaʼmofeʼmo afaʼa apatalegeʼa uʼa nagaetefeʼmo mono hiyo. Kagaemo apatalesanageʼa oʼvisayaʼmoʼmo nagaemo yege mafaʼnekamo amagisugeno faligiye, huno naha paiʼniye, huka ha paiyo, huno ha paiʼniye.

Hatu maeno apate'niya gemae 5:1

Henagaʼamo Moseseʼe Eloniʼeʼmo Isipi kini vekalegamo uʼanaeʼmo, Ala kava neʼmo Isaleli vayaʼmogi Gotiʼapimoʼmo kagaefeʼmo hunoʼaeʼmo, Vayaʼnimo apatalegeʼa kaʼme kotegamo uʼa nagiʼnilefeʼmo alopa yagita huteʼa nagaetefeʼmo mono hiyo, huno huʼniye, huʼana ha paiʼnaʼae.

Hatu maeno apate'niya gemae 5:3

Himulu nofi vayaʼmogi Gotiʼapimoʼmo laʼagaetegamo afole aiʼniye. Kahaoke hovanagi, afaʼa latalegeta kaʼme kotegamo loleʼe magoʼe afinaʼmo uta Ala kava neʼmo Gotitimoʼmo afumo amagita ofalinimo amino. Fiku yanageno alopa kaitaʼmo lamige ati vayaʼmo alino apatesigeʼa eʼa naipeletiʼmo laige hugae, huʼana ha paiʼnaʼae.

Hatu maeno apate'niya gemae 7:16

Kagaemo kini vekaeʼmo ha paikaeʼmo, Ala kava neʼmo Himulu vayaʼmogita Gotitimoʼmo alino natetenoʼaeʼmo kagaefeʼmo ina ge huka ha paiyo, huno naha paiʼniye. Vayaʼnimo apatalegeʼa kaʼme kotegamo uʼa nagaetefeʼmo mono hiyo, huka ha paiyo, huno naha paiʼniya gemo ago eʼna kaha paiʼnovaʼmonanafa ani kaha paiʼnova afinatetiʼmo eno hemeniʼeʼmo geʼnimo noʼafine.

Hatu maeno apate'niya gemae 7:25

Ala kava neʼmoʼa alopa aniteʼmo amagiʼnigenoʼaeʼmo seveniʼa afinaʼmo kola aniʼmo haneʼniye.

Hatu maeno apate'niya gemae 8:2

Kagaemo apatalesanageʼa oʼvisayaʼmoʼmo muki Isipi koteʼmo asole eso anagaʼmo aiʼa atagu faesaya kayoʼmo lapamiguve.

Hatu maeno apate'niya gemae 8:20

Ala kava neʼmoʼa Mosesefeʼmo ha painoʼaeʼmo, Gotilamisiyapiʼmo he tika uka Feloʼmo anitegamo ugefeʼmo neʼesigetana fotu hutetanaeʼmo, Ala kava neʼmoʼa kagaefeʼmo ha paikaeʼmo, vayaʼnimo apatalegeʼa uʼa nagaetefeʼmo mono hiyo, huno naha paiʼniye, huka ha paiyo.

Hatu maeno apate'niya gemae 9:1

Ala kava neʼmoʼa Mosesefeʼmo uka kini vekaeʼmo ina ge huka ha paiyo, huno ha paiʼniye. Ala kava neʼmo Himulu vayaʼai Gotiʼapimoʼa hunoʼaeʼmo, Vayaʼnimo afaʼa apatalegeʼa uʼa nagaetefeʼmo mono hiyo, huno ha paiʼniye.

Yasuva 8:18

Inagi Ala kava neʼmoʼa Yasuvafeʼmo ha painoʼaeʼmo, Kagaemo hayokamo alika asagauka Ai taonifiʼmo akoʼya huka ategeʼnao, nagaemo hemenimo ani taonimo aliʼna kayapiʼmo kamiguve, huno ha paiʼnigeno Yasuvaʼa ayapiʼmo aliʼniya kevemo alino asagauno taonifiʼmo akoʼya huno ateʼniye.