Hatu maeno apate'niya gemae 7:11 - The Keyagana NT and 25 OT books

¹¹ Kini vekamoʼmo ani kavaʼmo agetenoʼaeʼmo muki afiteʼa ageʼnaya vayaʼaifenagi hosu apaune vayaʼmogi himamuʼapiletiʼmo apaune kavaʼmo nehaya vayaʼaifenagi huno ge huʼnigeʼa eʼa himamuʼapiletiʼmo ani hunaʼa agufa apaune kavaʼmo huʼnae.

Hatu maeno apate'niya gemae 7:11 ပူးပေါင်းရင်းမြစ်များ

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Hatu maeno apate'niya gemae 7:12

Mukiʼamogimo hayopa kayoʼapimo yaga auʼnagenoʼaeʼmo nagaloʼyave anagaʼmo aliʼa hamaleʼnayaʼmonanafa Eloni nagaloʼyavemoʼmo apakae nagaloʼyave anagaʼmo hapaeno neʼniye.

Hatu maeno apate'niya gemae 7:22

Isipi kote apaune vayaʼmogimo himamuʼapiletiʼmo ani agufa kavaʼmo huʼnagenoʼaeʼmo Feloʼa aipa agesamo alino akaniteno geʼanimo oʼafiʼniye. Hogoteno Ala kava neʼmoʼa ani kavafeʼmo ava gemo huʼniye.

Hatu maeno apate'niya gemae 8:18

Apaune vayaʼmogimo himamuʼapiletiʼmo nama anagaʼmo afole aisayafeʼmo amalageka huʼa huʼnayaʼmonanafa nama anagaʼmo afole oʼaiʼnae. Ani nama anagaʼmo vayaʼai apakufalenagi alu afu alu afu anagaʼmogi apakufalenagi huʼa maiʼnae.

Hatu maeno apate'niya gemae 8:3

Alopa aniʼmoʼmo asole eso anagaʼmo alino apatesigeʼa anipatiʼmo ataleʼa eʼa alopa nokafiʼmo uʼa haiʼa maige nehavana yapilagamo hipakafiʼmo uʼa haiʼa maige aliʼyakamo neʼaliya vayaʼmogi nopiʼmo uʼa haiʼa maige apakufaleʼmo uʼa haiʼa maige sitopufiʼmo uʼa haiʼa maige peleti mayamo nekaya yuvapafiʼmo uʼa haiʼa maige hugae.

Hatu maeno apate'niya gemae 8:7

Hosu apaune vayaʼai himamuʼapiletiʼmo ani huʼniya agufa kavaʼmo huʼnageʼa asole eso anagaʼmo Isipi koteʼmo afole aiʼnae.

Neniyo 2:2

Inagi agaemo apaune vayaʼaitegagi afole aisiya kavaʼmo agesayafeʼmo kanefi ageʼa aiyaka neʼaliya vayaʼaitegagi vayaʼai apaipafiʼmo neʼagaya vayaʼaitegagi huno ge huno atalegeno uʼniye. Apakaemo eʼa kini vekamo aulagaleʼmo he tiʼnae.

Neniyo 2:27

Neniyoʼa geʼaleʼmo aeno atagaina hunoʼaeʼmo, Afiteʼa ageʼnaya vayaʼmofi kanefiʼmo ageʼa aiyaka neʼaliya vayaʼmofi apaune vayaʼmofi afole aisiya kavafeʼmo ava gemo huʼa nehaya vayaʼmogimofi huʼa ageʼnana alagamunamo fala kiʼniya aepaʼamo afaʼa kaha opaigae.

Neniyo 4:6

Inagi nagaemo Mamiloni kotega muki afiteʼa ageʼnaya vayaʼmogimo eʼa alagamuna geʼnimo aepaʼamo naha paisayafeʼmo mago gemo huʼna atalogeno uʼniye.

Neniyo 5:11

Mago vekamo kagaemo yagaiʼnana koteʼmo apaote gotigi apauneʼapameʼamo aipafi maiʼnaya vekamo maiʼniye. Lotokamoʼmo kini vekamo Nepukanesaʼmo maiʼniya afinaʼmo agaemo ani alagepa huno afiteno ageʼniya vekamo ageʼniyana agaemo ageʼniya kavaʼamoʼmo alagepa huʼnigeʼa gotigi ageʼnaya kavakana huno haneʼniye. Lotokamoʼmo Nepukanesaʼmo ani vekamoʼmo lekana paino ateʼnigeno apaune vayaʼaitenagi kanefiʼmo ageʼa aiyaka neʼaliya vayaʼaitenagi Kalatiya vayaʼaitenagi afole aisiya kavafeʼmo ava gemo nehaya vayaʼaitenagi huno yagaino apateʼniye.

Neniyo 5:7

Kini vekamoʼmo alopa gefatiʼmo kanefiʼmo ageʼa aiyaka neʼaliya vayanagi Kalatiya vayanagi afole aisiya kavafeʼmo ava gemo nehaya vayanagi huʼa apavaleliʼa esayafeʼmo keya aeno ge huʼniye. Kini vekamoʼmo ani afiteʼa ageʼnaya vayaʼaifeʼmo hapa painoʼaeʼmo, ina laʼmo mani gemo lekana paiteno aepaʼamo naha paisifi nagaemo kini vayaʼmogi neʼvaiya agufa haesa kukena yaʼmo vaiʼna ateteʼna goli seli nofiʼmo lugoʼafiʼmo huʼna atesugeno napa tali gamani vekamo yagaino apatesiya vekamo maigiye, huno huʼniye.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Galesiya 3:1

Galesiya vayaʼmogitapae, huʼna, alagi lusi kava hutapa negi neʼmalae. Ina laʼmo negi nofiʼmo aeno lapamiʼnigetapaeʼmo lama gemo akame nosae. Lagaemo Yesu Kalaisiʼa malipu yosaleʼmo faliʼniya kavafeʼmo ava gemo lapaulagafatiʼmo ageʼnegekana hutapa afisayafeʼmo lapakae folagapiʼmo maiʼneta aeta hakalo huta ago lapa paiʼnone.

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

2 Tesaloniyani 2:9

Afole aiteno Satani himamuʼaletiʼmo lokiya alagena aune kavaʼmo noʼagaya aigofe aune kavaʼmo hugiye.

2 Timoti 3:8

Akeyaʼvilagamo Yanisiʼe Yamalisiʼeʼmo Mosesefeʼmo kame huʼana ateʼnaʼa kava huʼa ani vayaʼmogi lama gelefeʼmo kamemo huʼa neʼatae. Apaipa apakesamo hosuʼniya yakana huno haneʼnigeʼapaeʼmo aigofe apakesamo afiʼa fatago nehaya vayaʼmo maiʼnae.

2 Timoti 3:9

Vayaʼmogi Yanisiʼe Yamalisiʼeʼmo hosu kavaʼanimo ageteʼapaeʼmo, negi kavaʼmo huʼnaʼae, huʼa huʼnaya kava huʼa hemenimo muki vayaʼmogimo ani vayaʼai hosu kavaʼapimo ago agegayaʼmofeʼmo magoʼe huʼa afaʼa humi oʼapategae.

Leveleseni 19:20

Agaemo afela afuʼe aigofe aune vekaʼeʼmo anatafauno kalavusi huno anateʼniye. Aigofe aune vekamoʼmo afela afumo agiʼalefeʼmo aeto agufa noʼagaya aune kavaʼmo huteno afela afumo alagena yaʼamo aliteʼa afela afumo auneʼalefeʼmo mono nehaya vayaʼaifeʼmo hogoteno humi apateʼniye. Lole vekalaʼmo ofaliʼana afaʼa maiʼnaʼagenoʼaeʼmo ata kotuʼmo sofa yafapiʼmo neleya ata kotupiʼmo alino yaga auno anataleʼnigeʼana maiʼnaʼae.

1 Samiyo 6:2

apakaemo mono huʼa neʼapataya vayaʼe afole aisiya kavaʼmo neʼagaya vayaʼefeʼmo keya aeʼa ge huʼnageʼa eʼnageʼa ge huʼa apafigeʼnae, Lagaemo Ala kava neʼmo kotalake kesiʼaleʼmo na agufa kavaʼmo hugune. Haiya kava huta alita atesunageno koʼalegamo ugiye, huʼa ge huʼa apafigeʼnae.