Hatu maeno apate'niya gemae 6:13 - The Keyagana NT and 25 OT books

¹³ Ala kava neʼmoʼa Moseseʼe Eloniʼefeʼmo hana painoʼaeʼmo, Isaleli vayaʼe Isipi koteʼmo yagaiʼniya kini vekaʼefeʼmo ina ge hutana hapa paiʼao. Isipi kotetiʼmo apavalelitaʼa visuʼafeʼmo Gotiʼa lekana paino laʼateʼniye, hutana hapa paiʼao, huno hana paiʼniye.

Hatu maeno apate'niya gemae 6:13 ပူးပေါင်းရင်းမြစ်များ

Samu 91:11

Ala kava neʼmoʼa enisole vayaʼaeʼmo, yagaitapa ateyo, huno hapa paisigeʼa muki afinaʼmo kategamo umenitata hisana afinaʼmo yagaiʼa kategayaʼmofeʼmo hosu kavaʼmo kagaeteʼmo alagi afole oʼaigiye.

Hatu maeno apate'niya gemae 6:12

Moseseʼa hunoʼaeʼmo, Isaleli vayaʼmogimo geʼnimo oʼafiʼnayanageno haiya kava huno Feloʼmo geʼnimo afigiye. Navayamoʼmo kana huʼniye, huno huʼnigenoʼaeʼmo

Hatu maeno apate'niya gemae 6:14

Moseseʼe Eloniʼeʼmo nofi vayaʼanimogi apakiʼapimo haneʼniye.

Matiyu 4:6

Goti mafaʼneʼamo maiʼnisanaʼmoʼmo aeka lako aika asagauka aiyo. Mukufiʼmo avoʼmo kae maleʼniya gemoʼmo hunoʼaeʼmo, Gotiʼa enisole vayaʼaeʼmo, yagaitapa ateyo, huno hapa paiteno alino apatesigeʼa emi eʼa katafausageno yafateʼmo kaiyafiʼmo okahaegaiye, huno huʼniyaʼmofeʼmae, huno ha paiʼniye.

1 Timoti 1:18

Mafaʼneʼnimo Timotiyo, huʼna, Hogoteʼa mago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi kagaefeʼmo ge huʼnae. Geʼapilefeʼmo huʼnaeʼmo, Geʼapiletiʼmo lokiya vaika alagepa kamemo huka apato.

1 Timoti 5:21

Nagaemo Goti aulagalenagi Ala kava netimo Yesu Kalaisi aulagalenagi Gotiʼa lekana paino apateʼniya enisole vayaʼai apaulagalenagi huʼna kaha paiʼnaeʼmo, mani kavaʼmo huka alika fako huka apatesanafeʼmo hukaeʼmo fiku alika fako huka oʼapateka hogoteka ani gemo aepaʼamo afitekaeʼmo mago vayaʼaitegaʼe alu vayaʼaitegaʼeʼmo lole agufa kavaʼmo osuka magoke aiyaya kavakeʼmo huka alika fako huka apato, huʼna kaha nepauve.

1 Timoti 6:13

Nagaemo afaʼa neʼmaiya yaʼmo neʼapamiya Goti aulagaleʼe Kalaisi Yesuʼa Ponitiyasi Pailati aulagaleʼmo alagepa gemo huteno faliʼniya vekamo aulagaleʼeʼmo maiʼneʼnaeʼmo kaha nepauve.

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

2 Timoti 2:4

Ati vayaʼmogimo kamemo hisayafeʼmo ma mopafi yaʼmoʼa apatafauno apatesiya agufa aliʼyaʼmo noʼaliye. Ati aliʼyateʼmo apavaleno apateʼniya vekamoʼmo amuse huno apatesiyafeʼmae.

2 Timoti 4:1

Ala kava netimo Yesu Kalaisiʼa muki vayaʼai apaulagaleʼmo afole aiteno agoti huno apatetenoʼaeʼmo vayaʼamogitaleʼmo yagaino lategaiye. Nagaemo agae aulagaleʼe Goti aulagaleʼeʼmo huʼnaeʼmo,