Hatu maeno apate'niya gemae 6:1 - The Keyagana NT and 25 OT books

¹ Ala kava neʼmoʼa Mosesefeʼmo ha painoʼaeʼmo, Nagaemo hemenimo kini vekalegamo hisuva kavaʼmo agegane. Himamuʼniletiʼmo hisugeno apatalesigeʼa afaʼa ugae. Himamuʼniletiʼmo hisugenoʼaeʼmo mani agaiʼa kotetiʼmo alino hapa faino apatalesigeʼa ugae, huno ha paiʼniye.

Hatu maeno apate'niya gemae 6:1 ပူးပေါင်းရင်းမြစ်များ

2 Kini 7:19

Ani neʼyagaiya vekamoʼmo Ilaisa geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afaʼa afole aisifiye, huno huʼnigeno Ilaisaʼmo ago ha painoʼaeʼmo, Alagi lama gemo huʼnaeʼmo, kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

2 Kini 7:2

Ani kini vekaleʼmo yagaino neʼateya vekamo kini vekaʼeʼmo magokepi eʼniya vekamoʼmo ani gemo afitenoʼaeʼmo ina gemo huno Goti vekaʼamo geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afole aisifiye, huno huʼnigeno Ilaisaʼmo ha painoʼaeʼmo, Alagi lama gemo nehuve. Kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

2 Sitoli 20:17

Apakegayaʼmonanafa lapakaitapimo kamemo osutapa afaʼa maigae. Kamemo hisaya kumateʼmo utapa avaʼyi hutetapaeʼmo he tita lamitapa aulu hetapa ageta maiyo. Ala kava neʼmoʼa lapa maesigetapa agegayana lapakufamo alino katino lapatesigetapa agegae. Lapakaemo Yulusalemu vayaʼmogitapaʼe muki haopalega maiʼnaya Yuta vayaʼmogitapaʼeʼmo lapaipamoʼmo kana huʼninagetapa koli osiyo. Egamo lapakaemo kamemo hisayafeʼmo vigenoʼao Ala kava neʼmoʼa lapakaeʼeʼmo magokepi lokaeno vino, huno hapa paiʼniye.

Samu 12:5

Ala kava neʼmoʼa hunoʼaeʼmo, apakaemo kagemi yaʼapimo ohaneʼniya vayaʼmo aliʼa afepi neʼapatae. Kafu huteʼa alagepa huʼa noʼmaiya vayaʼmogimo ha ha nehayaʼmofeʼmo he tiʼna hapa maegauve. Afaʼa maisayafeʼmo hapauʼniyanageʼna hapa maeteʼna aliʼna alagepa huʼna apategauve, huno huʼniye.

Samu 12:6

Ala kava neʼmo geʼamo alagi lama geʼageʼmo haneʼniye. Vayaʼmogimo siluva yafaʼmo atafiʼmo seveni afinaʼmo kaete kaete huʼnagenoʼaeʼmo muki oʼaniʼya faiʼniya yaʼamo leno kalo paeno ataleʼnigeno siluva yafaʼageʼmo afole neʼaiya kava huno Goti geʼamo alagi lama geʼageʼmo haneʼniye.

Samu 136:12

Agaemo alopa lokiyaʼaletiʼmo apavalelino eʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Samu 89:13

Himamukaletiʼmo aliʼyaʼmo neʼaline. Kayaʼmo lokiya kayaʼmo haneʼniye. Lamaga kayatetiʼmo aeka apakaseʼnane.

Hatu maeno apate'niya gemae 11:1

Ala kava neʼmoʼa Mosesefeʼmo ha painoʼaeʼmo, Nagaemo halate magoʼe huʼna Feloʼe Isipi vayaʼeʼmo kayoʼmo apamitesugenoʼaeʼmo henagaʼamo afaʼa lapatalesigetapa ugae. Ani afinaʼmo alagi alino lapafaino lapatalesigetapa ugae.

Hatu maeno apate'niya gemae 12:31

Kini vekamo Feloʼa Moseseʼe Eloniʼefeʼmo ge huʼnigeʼana eʼnaʼageno hana painoʼaeʼmo, Lanakaeʼe muki Isaleli vayaʼeʼmo alagi ago viyo. Lapakaemo nagaefeʼmo ani kavaʼmo hugesune, hutapa huʼnaya kavaʼmo hutapa utapa Ala kava nefeʼmo mono hiyo.

Hatu maeno apate'niya gemae 12:33

Isipi vayaʼmogimo Isaleli vayaʼmo malage huʼa apataleʼa visayafeʼmo lokiya gemo huteʼa aliʼa hapa faiʼnae. Oʼvisayaʼmoʼmo lagaemo mukiʼamo ago faligune, huʼa huʼnae.

Hatu maeno apate'niya gemae 12:39

Apakaemo Isipi kotegatiʼmo aliniʼa eʼnaya falaovaletiʼmo aeno apafu noleya peleti mayamo kaeʼa neʼnae. Apakaemo aeno apafu lesiya yaʼmo falaovafiʼmo oʼateʼnae. Isipi vayaʼmogimo malage huʼa Isaleli vayaʼmo aliʼa hapafaiʼa apataleʼnayaʼmofeʼmo neʼyaʼapimo aliʼa alo hisaya kanaʼapimo ohaneʼniye.

Hatu maeno apate'niya gemae 13:14

Inagi henagaʼamo mafaʼnetapimogimo mani kavaʼmo aepaʼamo na agufa kavaʼmo nehae, huʼa ge huʼa lapafi gesagetapaeʼmo, Ala kava neʼmoʼa Isipi kotega kalavusi aliʼyaʼmo lahaise vose huta neʼalunageno himamu lokiyaʼaletiʼmo hatu maeno lavalelino eʼniye.

Hatu maeno apate'niya gemae 13:16

Ala kava neʼmoʼa Isipi kotetiʼmo himamu lokiyaʼaletiʼmo lavalelino eʼniyaʼmofeʼmo lapayateʼmo alagena yakana huno hanege lahapanileʼmo alagena yakana huno hanege hugiye, huno hapa paiʼniye.

Hatu maeno apate'niya gemae 13:3

Moseseʼa Isaleli vayaʼaifeʼmo hapa painoʼaeʼmo, Lapakaemo Isipi kotegamo lahapaise vose hutapa kalavusi aliʼyaʼmo neʼaligenoʼaeʼmo Ala kava neʼmoʼa himamu lokiyaʼaletiʼmo hatu maeno lapavalelino eʼniya afinafeʼmo lapake okanisigetapa lapakesamo afisayafeʼmo aeno apafu noleya peleti mayamo oʼnegae.

Hatu maeno apate'niya gemae 13:9

Ala kava neʼmoʼa Isipi kotegatiʼmo himamu lokiyaʼaletiʼmo lapavalelino eʼniyaʼmofeʼmo ani hopa afina kavaʼmo nehutapaeʼmo Gotitefeʼmo mono hisaya kavaʼmoʼa lapayateʼmo alagena yakana huno hanege lahapanileʼmo alagena yakana huno hanege huʼnisigetapaeʼmo lapakesamo afigae.

Hatu maeno apate'niya gemae 14:13

Moseseʼa Isaleli vayaʼaifeʼmo, koli osiyo, huno hapa paiʼniye. Afaʼa he titapa maiyo. Ala kava neʼmoʼa lapa maeno lapakufamo alino katino lapatesiya kavaʼmo agegae. Hemenimo apakeʼnaya Isipi vayaʼmo halate henagaʼamo alagi magoʼe hutapa oʼapakegae.

Hatu maeno apate'niya gemae 15:6

O Ala kava nene, huʼna, lamaga kayatetiʼmo lokiya kavaʼmo huteka ala kagikamo aliʼnane. O Ala kava nene, huʼna, lamaga kayatetiʼmo kame vayaʼmo apamagika aika katali katalu huʼnane.

Hatu maeno apate'niya gemae 7:4

Gekamo oʼafisigeʼnaeʼmo naune kavaʼmo huguvaʼmonanafa nagaemo Isipi vayaʼmogi kavaʼapimo aliʼna fako huteʼnaeʼmo alopa kayoʼmo apamiteʼna himamuʼniletiʼmo muki Isaleli nofi vayaʼmo apavaleliʼna uguve.

Hatu maeno apate'niya gemae 7:5

Nagaemo Isipi vayaʼaina alopa kayoʼmo apamiteʼnaeʼmo apakae folagapatiʼmo Isaleli vayaʼmo apavaleliʼna visugeʼapaeʼmo Isipi vayaʼmogimo nagaefeʼmo Ala kava neʼmo maiʼniye, huʼa nagegae, huno ha paiʼniye.

Aiyeya 63:12

Gotiʼa Mosese lamaga ayatetiʼmo apavalelino uʼniye. Gotiʼa hanege hanege huno hano osuno hanesiya agiʼamo alisiyafeʼmo ha le konali ayatetiʼmo solovala aniʼmo folagapatiʼmo alino akaka vaeʼniye.

Napa 11:23

Ala kava neʼmoʼa Mosesefeʼmo ha painoʼaeʼmo, Nagaemo lokiyaʼnimo hano huʼnifiye. Hemenimo kaha paiʼnova kavaʼmo afole aisifi oʼaisifigeka agegane.

Napa 23:23

Kame vayaʼapimogimo Isaleli vayaʼaitegamo analisamo hapaege sakuma kavaʼmo huge hisayana ani kavaʼmoʼa alino hosu huno oʼapategaiye. Oʼapategaiyaʼmofeʼmo hemenimo alu nofi vayaʼmogimo Isaleli vayaʼaifeʼmo ina ge hugae. Apakeyo, huʼa, Gotiʼa lusi kavaʼmo huno Isaleli vayaʼaina hapa maeʼniye, huʼa hugae.

Apa 13:17

Isaleli vayaʼai Gotiʼapimoʼmo laginago vayaʼmo lekana paino apateteno Isipi kotega nata neʼuʼa maiʼnaya afinaʼmo asole vayaʼmo alino afole aino apateʼniye. Gotiʼa himamu lokiyaʼaletiʼmo Isipi kotegatiʼmo apavalelino eʼniye.