Hatu maeno apate'niya gemae 5:6 - The Keyagana NT and 25 OT books

⁶ Inagi ani afinaʼmo Feloʼa aliʼyaʼamo neʼaliya Isipi vayaʼe Isaleli vayapatiʼmo yagaiʼa neʼapataya vayaʼefeʼmo hapa painoʼaeʼmo,

Hatu maeno apate'niya gemae 5:6 ပူးပေါင်းရင်းမြစ်များ

Hatu maeno apate'niya gemae 1:11

Ani gemo huno hapa paiʼniyaʼmofeʼmo Isaleli vayaʼmogimo apaiyafiʼmo maisayafeʼmo mago yagaiʼa apatesaya vayaʼmo lekana paiʼa apateʼnageʼa lokiya vaiʼa yagaiʼa apateʼnageʼa lusi hapaise vose aliʼyaʼmo aliʼnae. Ani agufa lokiya kana aliʼyaʼmo aliteʼa lole taonilaʼmo Pitomi taoniʼe Lamasesi taoniʼeʼmo kiʼnae. Ani lole taonilapiʼmo kini vekamo neʼyaʼagi alu ya alu yaʼagi huʼa maleʼnae.

Hatu maeno apate'niya gemae 3:7

Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Hatu maeno apate'niya gemae 5:10

Inagi Felo aliʼyaʼaleʼmo yagaiʼnaya vayaʼe Isaleli vayapatiʼmo vayaʼaleʼmo yagaiʼa apateʼnaya vayaʼeʼmo uʼa Isaleli vayaʼaifeʼmo, Feloʼa, kahaumo magoʼe hutapa alinitetapa oʼapamiyo, huno huʼniye, huʼa hapa paiʼnae.

Hatu maeno apate'niya gemae 5:19

Isaleli vayapatiʼmo yagaiʼa neʼapataya vayaʼmogimo kini vekamoʼmo aiseʼamo alo osisaya agufa gemo huʼnigeʼa afiteʼapaeʼmo, hemenimo magoʼe huta alopa kana yaʼmo lagaeteʼmo afole aiʼniye, huʼa huʼnae.

Hatu maeno apate'niya gemae 5:7

Lapakaemo vaiʼniya kahauletiʼmo noʼmo kisaya yafaʼmo alo hisayafeʼmo magoʼe hutapa alinitutapa oʼapamiyo. Apakaiʼapigeʼmo uʼa kahaumo aliniʼa egae.

Mai'naya kavane 12:10

Fatago vayaʼmogi afuʼapimofi hosiʼapimofi pulumakaʼapimofi huʼa alagepa huʼa maisayafeʼmo apakesamo neʼafiyaʼmonanafa hosu vayaʼmogimo afuʼapimofi hosiʼapimofi pulumakaʼapimofi huʼa neʼyaʼapimo ohanege alagepa huʼa oʼmaige apakafu kige hisayafeʼmo apakesamo noʼafiye.

Napa 11:16

Inagi Ala kava neʼmoʼa Mosesefeʼmo hunoʼaeʼmo, kagaemo sevetiʼa vayatama vayaʼmo apavalelika seli mono noteʼmo nagaetegamo eno. Kagaemo ago apakeʼnanageʼa yagaiʼa neʼapataya vayatama vayaʼmo apavalelika seli noʼnileʼmo egeʼa kagaeʼeʼmo magokepi he tiʼa maigae.

Yasuva 24:1

Yasuvaʼmo muki Isaleli nofi vayaʼmo Sikemi taonifiʼmo alino anupa huno apateʼnenoʼaeʼmo vayatama vayaʼaifenagi yagaiʼa apateʼnaya vayaʼaifenagi agoti gemo neʼafiya vayaʼaifenagi aliʼyaʼmo neʼaliya vayaʼaiteʼmo yagaiʼa neʼapataya kava vayaʼaifenagi huno ge huʼnigeʼa eʼa Goti aulagaleʼmo he tiʼnae.

Yasuva 24:4

Nagaemo Aisakiʼmo lole mafaʼnelaʼmo Yekopuʼe Isoʼeʼmo amiʼnove. Nagaemo Siya ave koʼmo Isoʼmo agaiʼa mopamo amiʼnovaʼmonanafa Yekopuʼmo mafaʼne anagaʼaʼeʼmo Isipi kotegamo uʼa maiʼnae.

Yasuva 8:33

Inagi muki Isaleli vayanagi alu kotega vayanagi apakae folagapiʼmo maiʼneʼa aliʼa apateʼnaya vayanagi yagaiʼa neʼapataya vayanagi avoʼmo nekaya vayanagi agoti gemo neʼafiya vayanagi huʼa aliʼa anupa huʼa maiʼnae. Ala kava neʼmo kotalake kesimo folagapiʼmo haneʼniye. Apakaemo Livai nofi vayaʼmo mono huʼa neʼapataya vayaʼmogimo ani kesimo kofiliʼa neʼvaya vayaʼai apaulagaleʼmo he tiʼa maiʼnae. Muki vayaʼmo aliʼa fako huʼa lole vayaʼmo maiteʼa mago vayaʼmo kotalake kesimo hoga haopalega he tiʼa maiʼnageno apakamelega Gelisimo avemo haneʼnigeʼa alu vayaʼmo kotalake kesimo lamaga haopalega he tiʼa maiʼnageno apakamelegamo Emo avemo haneʼniye. Moseseʼa Ala kava neʼmo aliʼyaʼamo neʼaliya vekamoʼmo muki Isaleli vayaʼmo huʼa auleʼa apatesayafeʼmo ani kavatefeʼmo hiyo, huno hapa paiʼniye.