Hatu maeno apate'niya gemae 5:15 - The Keyagana NT and 25 OT books

¹⁵ Isaleli vayapatiʼmo yagaiʼa apateʼnaya vayaʼmogimo kini vekalegamo uʼapaeʼmo, Na kava higekaeʼmo lagaetegamo ani agufa kavaʼmo nehane.

Hatu maeno apate'niya gemae 5:15 ပူးပေါင်းရင်းမြစ်များ

Hatu maeno apate'niya gemae 1:11

Ani gemo huno hapa paiʼniyaʼmofeʼmo Isaleli vayaʼmogimo apaiyafiʼmo maisayafeʼmo mago yagaiʼa apatesaya vayaʼmo lekana paiʼa apateʼnageʼa lokiya vaiʼa yagaiʼa apateʼnageʼa lusi hapaise vose aliʼyaʼmo aliʼnae. Ani agufa lokiya kana aliʼyaʼmo aliteʼa lole taonilaʼmo Pitomi taoniʼe Lamasesi taoniʼeʼmo kiʼnae. Ani lole taonilapiʼmo kini vekamo neʼyaʼagi alu ya alu yaʼagi huʼa maleʼnae.

Hatu maeno apate'niya gemae 5:14

Felo aliʼyateʼmo Isaleli vayapatiʼmo lekana paiʼa apateʼnageʼa yagaiʼa neʼapataya vayaʼaitegamo uʼapaeʼmo, na kava higetapaeʼmo lapakaemo hogoteta alo nehaya kava hutapa alo osuʼnae, huʼa huteʼa apamagiʼnae.

Hatu maeno apate'niya gemae 5:16

Apakaemo kahaumo aliniʼeʼa olamiʼnayaʼmonanafa noʼmo kisaya yafaʼmo malage hutapa alo hiyo, huʼa huteʼa aliʼyakamo neʼaluna vayaʼmo lamagiʼnae. Lagaemo vaiʼmo alisuna kavaʼmo osuʼnifa vayakamogigeʼmo vaiʼmo alisaya kavaʼmo huʼniye, huʼa ha paiʼnagenoʼaeʼmo