Hatu maeno apate'niya gemae 40:9 - The Keyagana NT and 25 OT books

⁹ Uvelimo alinitetapa seli noteʼmo falege muki ani nopiʼmo haneʼniya yateʼmo falege hutetapa alita aoteʼmo maleyo.

Hatu maeno apate'niya gemae 40:9 ပူးပေါင်းရင်းမြစ်များ

Samu 45:7

Kagaemo alagepa kavafeʼmo lusi kava huno kahauʼnigeno hosu kavafeʼmo kaini huʼnane. Ani kavaʼmo nehanaʼmofeʼmo Gotiʼa Gotikamoʼmo uvelimo lakino katetenoʼaeʼmo lekana paino kateʼniyanageka alagepa huka kamogaga aika maisanafeʼmo magoʼe huno kamiʼnigeka kafalukamogimo aeka apakaseka alagepa huka maiʼnane, huno ha paiʼniye.

Hatu maeno apate'niya gemae 40:8

Seli kegiʼyamo hutapa vego huʼa maletetapa kegiʼyamo kipateʼmo kenaletiʼmo aeta asaitapa aeta akani maleyo.

Aiyeya 11:2

Ala kava neʼmo Aunemeʼamoʼmo agaeteʼmo emineno maigiye. Ageteno neʼafiya kavanagi afino aeto nehiya kavanagi alino apaya neʼmaleya kavanagi lokiyaʼagi afisiya kavanagi Ala kava nefeʼmo koli huteno akame nehiya kavanagi huno alino amisiya Aunemeʼamo agaeteʼmo maigiye.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Matiyu 3:16

Yoniʼa Yesuʼmo aniʼmo faleno atetegenoʼaeʼmo Yesuʼa anipatiʼmo haineneʼegenoʼaeʼmo kokuʼnaʼmo aino akaka vaeʼnigeno ageyana Goti Aunemeʼamo kaugoʼyave namagana huno agaeteʼmo emineʼnigeno ageʼniye.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

2 Kolitiyani 1:4

Lagaemo muki agufa hanageke yaʼmo neʼalisaya vayaʼmo hapa maeta alita lokiya vaita apatesunafeʼmo Gotiʼa laha maeno alino lokiya vaino nelate. Lagaemo muki hanageke yaʼmo neʼalunagenoʼaeʼmo laha maeno alino lokiya vaino nelateya kavatetiʼmo hapa maeta alita lokiya vaita apatesunafeʼmo laha maeno alino lokiya vaino nelate.

Himulu 9:21

Ani kava huno mono nehaya yateʼe seli mono noteʼeʼmo aino fuli fuli huʼniye.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.