Hatu maeno apate'niya gemae 40:20 - The Keyagana NT and 25 OT books

²⁰ Inagi apakaemo Gotiʼa keʼaepa geʼamo lole yafatalateʼmo avoʼmo kae maleʼniya yafatalaʼmo aliʼa kotalake kesifiʼmo maleʼnae. Lole yosalaʼmo aliʼa aluga alugaʼamo haneʼniya katalapiʼmo ateteʼa aliʼa kofiliʼa visaya kavaʼmo hu maleʼnae. Ani kesimo avayaleʼmo Goli yafatetiʼmo alo huʼnaya avayamo aliʼa agotofuleʼmo akalo huʼa maleʼnae. Ani avayaleʼmo kolaʼmo aiʼa fuli fuli huʼnagenoʼaeʼmo Gotiʼa hau huno apateʼniye.

Hatu maeno apate'niya gemae 40:20 ပူးပေါင်းရင်းမြစ်များ

Samu 40:8

O Gotiʼnimogae, huʼna, keʼaepa gekamo naipafiʼmo haneʼniye. Kagaemo huvo, huka naha paiʼnana gekamo akame hisuvafeʼmo amuse huteʼna namogaga neʼauve.

Hatu maeno apate'niya gemae 16:34

Ala kava neʼmoʼa Mosesefeʼmo huvo, huno ha paiʼniya gemo Eloniʼa akame hisiyafeʼmo ani samomo alino kotalake kesimo haopaleʼmo maleʼniye.

Hatu maeno apate'niya gemae 31:18

Ala kava neʼmoʼa Sainai avefiʼmo ani gemo ha paitenoʼaeʼmo lole latapa yafatalateʼmo ayatetiʼmo avoʼmo kae maleʼniya yafatalaʼmo amiʼniye.

Hatu maeno apate'niya gemae 40:19

Apakaemo ani mono noteʼmo kenaletiʼmo aiʼa ati kae maleʼneʼa afu agufaletiʼmo magoʼe huʼa akalo huʼa aiʼa ati kae maleʼnae. Gotiʼa Mosesefeʼmo ha paiʼniya agufa kavaʼageʼmo akame huʼa huʼnae.

Hatu maeno apate'niya gemae 40:3

Lapakaemo kotalake kesifiʼmo naya loleʼa keʼaepa gemo haneʼniya kesimo seli nopiʼmo alinita haitapa maletetapa alopa latapa kenaletiʼmo folagapiʼmo aetapa asai malesageno loleʼmo anagaʼe afelagaʼeʼmo hanegaiye.

Matiyu 3:15

Yesuʼa hunoʼaeʼmo, he, ani kavaʼmo haneʼniyaʼmonanafa hemenimo kagaemo geʼnimo afa akame hugetaʼao. Muki Goti fatago kavaʼamo alitaʼa afole aitaʼa ategauʼae, huno ha paiʼnigenoʼaeʼmo Yoniʼa hunoʼaeʼmo, he kanalene, huno huʼniye.

Lomu 10:4

Kalaisiʼa muki apakesamo afiʼa fatago nehaya vayaʼmogi fatago kavaʼmo alisayafeʼmo apakae apaimuʼyaleʼmo Goti keʼaepa geʼamo ago akame huno hano huʼniye.

Lomu 3:25

Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

Himulu 9:4

Ani nopiʼmo hiʼyalamuʼmo goli yafatetiʼmo alo huʼnaya hiʼyalamuʼmo haneʼniye. Ani hiʼyalamuteʼmo alagepa atumo neʼaiya yaʼmo kaeʼnae. Mago kesimo agiʼamo kotalake kesimo yosaletiʼmo alo huteʼa goli yafatetiʼmo yosaleʼmo fale aiʼa ati kae maleʼnaya kesimo ani nopiʼmo haneʼniye. Ani kesifiʼmo goli yafa yuvapamo hanege Eloni hayopa kayoʼafatiʼmo ausisi aeʼniya hayopa kayoʼmo hanege lole yafatalateʼmo kotalakemo avoʼmo kae maleʼniya yafatalaʼmo hanege huʼniye. Yuvapafiʼmo mago neʼyaʼmo kokuʼnapatiʼmo emineʼniya neʼyaʼmo agiʼamo manamo haneʼniye.

1 Yoni 2:2

Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.