Hatu maeno apate'niya gemae 40:13 - The Keyagana NT and 25 OT books

¹³ Kagaemo Eloniʼmo aote kukenamo vaika ateteka uvelimo lakika ateteka alika aote ategenoʼa nagaetefeʼmo mono huno apatesiya aote vekamo maino.

Hatu maeno apate'niya gemae 40:13 ပူးပေါင်းရင်းမြစ်များ

Hatu maeno apate'niya gemae 40:14

Kagaemo mafaʼne anagaʼamo apavalelika eka mono huʼa apatesaya kukenamo alika vaika apato.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Yoni 17:19

Kagaemo lama gekaletiʼmo apavaleka apaote apatesanafeʼmo nagaemo aliʼyakamo alisuvafeʼmo aliʼna naote nateʼnove.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

Himulu 10:10

Yesu Kalaisiʼa Gotiʼmo hauʼniya kavaʼmo huʼniyaʼmofeʼmo muki afinatefeʼmo magoke afinaʼmo agaiʼa agufamo amiʼniya ofaliniletiʼmo hosu kavatimo alagi aeno kalo paeʼnigeta laote alagepa vayaʼamo maiʼnone.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.