Hatu maeno apate'niya gemae 4:31 - The Keyagana NT and 25 OT books

³¹ Huʼnigeʼa apakesamo afiʼa fatago huʼnae. Ala kava neʼmoʼa vayaʼamo kana yaʼmo aliʼnageno agetenoʼaeʼmo hapa maesiyafeʼmo emineʼniya kavafeʼmo ava gemo afiteʼapaeʼmo ape huʼa maiʼneʼa mono huʼnae.

Hatu maeno apate'niya gemae 4:31 ပူးပေါင်းရင်းမြစ်များ

Aepa Gemae 17:3

Emalemiʼa augosalegatiʼmo aino ati kaeno havaeʼnigeno Gotiʼa mago gemo ina ge huno ha paiʼniye.

Aepa Gemae 24:26

Ani gemo afitenoʼaeʼmo ape huʼneno Ala kava nefeʼmo mono huʼniye.

Aepa Gemae 50:24

Henagaʼamo Yosefeʼa konagaʼamogifeʼmo hapa painoʼaeʼmo, Falisuva afinaʼmo ago hogo huʼniyaʼmonanafa Gotiʼa emineno lapa maeno mani kotetiʼmo lapavalelino hogoteno agoʼyamo ataletenoʼaeʼmo Emalehamufenagi Aisakifenagi Yekopufenagi huno lapamiguve, huno hapa paiʼniya kotegamo ugiye, huno hapa paiʼniye.

2 Sitoli 20:18

Kini vekamo Yihosafatiʼmo ani gemo afitenoʼaeʼmo agoʼya faiʼneno augosamo mopafiʼmo ape huno maiʼnigeʼa ani agufa kavaʼmo huʼa Yuta nofi vayaʼe Yulusalemu taonifiʼmo maiʼnaya vayaʼeʼmo Ala kava neʼmo aulagaleʼmo apagoʼya faiʼneʼa Ala kava nefeʼmo mono huʼnae.

Hatu maeno apate'niya gemae 12:27

ina ge hutapa hapa paigae. Ani ofalinimo Pasova sipisipi ofalinimo Ala kava netimo ofalinimo haneʼniye. Agaemo Isipi kotegamo maiʼnona afinaʼmo emineno lagegeno lateno uno Isipi vayaʼmo kamitimo apamagiʼniyaʼmonanafa afamo anagatimo apakufamo alino katino apateʼniya kavatefeʼmo neʼnone, hutapa hapa paigae, huno hapa paiʼnigeʼapaeʼmo Isaleli vayaʼmo ape huteʼa mono huʼnae.

Hatu maeno apate'niya gemae 14:31

Isaleli vayaʼmogi Ala kava neʼmoʼa Isipi vayaʼaitegamo lusi kavaʼmo huʼnigeʼa ageteʼapaeʼmo Ala kava nefeʼmo koli huteʼa aliʼyaʼamo neʼaliya vekamo Moseseʼa huʼniya geʼaeʼmo apakesamo afiʼa fatago huʼnae.

Hatu maeno apate'niya gemae 19:8

Muki vayaʼmogimo ani gemo afiteʼapaeʼmo, Ala kava neʼmoʼa lagaefeʼmo muki ani kavaʼmo hiyo, huno huʼniya kavaʼmo hugune, huʼa ha paiʼnageno Moseseʼa uno Ala kava nefeʼmo huʼnaya gemo ha paiʼniye.

Hatu maeno apate'niya gemae 19:9

Ala kava neʼmoʼa Mosesefeʼmo ina ge huno ha paiʼniye. Afiyo, huʼna, Nagaemo alopa hiyapiʼmo maiteʼna kagaetegamo emiʼneʼna kaha paisugeʼa Isaleli vayaʼmogimo ani gemo afigayaʼmofeʼmo muki afinaʼmo hisana geeʼmo lama gemo nehane, huʼa hugae. Inagi Moseseʼa vayaʼmogimo huʼnaya gemo Ala kava nefeʼmo ha paiʼniye.

Hatu maeno apate'niya gemae 2:25

Afiʼniyaʼmofeʼmo Isaleli vayaʼmo apaketenoʼaeʼmo apakaefeʼmo hunoʼaeʼmo, Vayaʼnimogi maiʼnae, huno huʼniye.

Hatu maeno apate'niya gemae 3:16

Uka Isaleli vayatama vayaʼmo apavaleka alika anupa huka apateʼnekaeʼmo, Lapakinago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogimo huno Gotiʼapimoʼmo nagaeteʼmo afole aiteno naha painoʼaeʼmo, Nagaemo lapa maesuvafeʼmo emiʼneʼna Isipi vayaʼmogimo lapakaetegamo nehaya hosu kavaʼmo ageʼnove.

Hatu maeno apate'niya gemae 3:18

Ani ge huka hapa paisanaʼmoʼmo gekamo afaʼa afigae. Kagaeʼe Isaleli vayatama vayaʼeʼmo Isipi kini vekalegamo utapa ha paitapaeʼmo, Ala kava neʼmo Himulu vayaʼmogita Gotitimoʼmo lagaemo alino anupa huno lateʼniye. Kahaoke honanagi, afaʼa latalegeta loleʼe magoʼe felugamo uta kaʼme kotegamo Ala kava neʼmo Gotitimoʼmo ofalini amigune, hutapa ha paiyo.

Hatu maeno apate'niya gemae 3:7

Ala kava neʼmoʼa ha painoʼaeʼmo, Nagaemo vayaʼnimo apakeʼnogeʼa Isipi kotegamo maiʼnageʼa Isipi vayaʼmogimo lusi kava huʼa hapaise vose aliʼyaʼmo apamiʼnageʼna ageʼnove. Ani aliʼyate kava vayaʼmogimo kana yaʼmo apamiʼnageno apakafu kiʼnigeʼa kage gage nehaya gemo afiʼnove.

Hatu maeno apate'niya gemae 33:10

Muki vayaʼmogimo hiyaʼmo ageʼnayana ani seli noʼmo kipateʼmo emineno haneʼnigeʼa ageteʼapaeʼmo seli noʼapimo kipateʼmo he tiʼa maiʼneʼa mono huʼnae.

Hatu maeno apate'niya gemae 34:8

Ha paiʼnigenoʼaeʼmo Moseseʼa malage huno mopafiʼmo ape huno maiʼneno monoʼmo huʼniye.

Hatu maeno apate'niya gemae 4:5

Ala kava neʼmoʼa ha painoʼaeʼmo, Isaleli vayaʼmogi kagaefeʼmo huʼapaeʼmo, Laginago vayaʼmo Emalehamu Gotiʼamoʼmogi Aisaki Gotiʼamoʼmogi Yekopu Gotiʼamoʼmogi huno Gotiʼapimoʼmo agaetegamo afole aiʼnigeka lama gemo nehane, huʼa apakesamo afisayafeʼmo apakaetegamo visana afinaʼmo ani agufa kavaʼmo huvo, huno ha paitenoʼaeʼmo

Sefanaiya 2:7

Yuta vayapatiʼmo ofaliʼa afaʼa faiʼa kasalo paesaya vayaʼmogimo lapakae mopamo aliteʼa sipisipileʼmo yagaiʼa apategae. Sipisipi anagaʼapimo ani haigifiʼmo kahaumo neʼa maisageʼa yagaiʼa neʼapataya vayaʼmo Asikeloni taonifiʼmo havaegae. Ala kava neʼmo Gotiʼapimoʼmo emineno kalavusifatiʼmo hatu maeno apateʼniya vayaʼmo hapa maesigeʼa noʼapifiʼmo alagepa huʼa maigae.

Luki 1:68

Ala kava neʼmo Isaleli vayaʼai Gotiʼapimoʼmo emineno laha maeno hatu maeno lateʼniyaʼmofeʼmo alita auleta ateyo.

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Luti 1:6

Neyomiʼa Movapu kotega maiʼnenoʼaeʼmo afiʼniyana Gotiʼa vayaʼamo alagepa huno hapa maeʼnigeno neʼyaʼmo alagepa huno afole aiʼniye, huʼa huʼnaya gemo afiʼniye. Agaeʼe anofeloʼalaʼmoganiʼeʼmo visayafeʼmo alo huʼnae.