Hatu maeno apate'niya gemae 4:21 - The Keyagana NT and 25 OT books

²¹ Ala kava neʼmoʼa Mosesefeʼmo ha painoʼaeʼmo, Isipi kotegamo uka avaʼyi hukaeʼmo kini vekamo aulagaleʼmo muki noʼageya agufa kaune kavaʼmo huvo. Kagaemo ani kavaʼmo hisana lokiyakamo ago kamiʼnove. Kini vekamoʼmo ani kavaʼmo agegaiyaʼmonanafa nagaemo aipa agesamo aliʼna akani malesugeno Isaleli vayaʼmo afaʼa apatalesigeʼa oʼugae.

Hatu maeno apate'niya gemae 4:21 ပူးပေါင်းရင်းမြစ်များ

Aepa Gemae 6:3

Inagi Ala kava neʼmoʼa hunoʼaeʼmo, Nauneʼnameʼnimoʼmo apaipamo aliʼa afe lesayafeʼmo ayamufa ge huge hugetesigeʼa oʼafisayana magoʼe huno ayamufa gemo osuno afaʼa apatalegaiye. Atafa apaipamo aliʼnayaʼmofeʼmo nagaemo ma mopafi maisaya afinaʼapimo vani hataleti tuvetiʼa kafugamo apatesugeʼa maigae, huno huʼniye.

Samu 105:25

Agaemo Isipi vayaʼai apaipa apakesamo alino aino afe le maleʼnigeʼapaeʼmo agaiʼa vayaʼaifeʼmo apaini huteʼa aliʼyaʼamo neʼaliya vayaʼaifeʼmo humi apateʼnae.

Samu 78:43

Hogoteno himamuʼaletiʼmo Isipi kotega Sovani koteʼmo huʼniya auna kavafeʼmo apakesamo oʼafiʼnae.

Hatu maeno apate'niya gemae 10:1

Henagaʼamo Ala kava neʼmoʼa Mosesefeʼmo, Nagaemo ani alagena kavaʼnimo aulagaleʼmo hisuvafeʼmo Felo aipa agesaʼe aliʼyaʼamo neʼaliya vayaʼai apaipa apakesaʼeʼmo aliʼna akani maleʼnovaʼmofeʼmo Felotegamo uvo.

Hatu maeno apate'niya gemae 10:20

Oʼmaiʼniyaʼmonanafa Ala kava neʼmoʼa Felo aipa agesamo aino akani maleʼniyaʼmofeʼmo Isaleli vayaʼmo apataleʼnigeʼa oʼuʼnae.

Hatu maeno apate'niya gemae 10:27

Ha paiʼniyaʼmonanafa Ala kava neʼmoʼa Felo aipa agesamo aino akani maleʼniyaʼmofeʼmo apataleʼnigeʼa oʼuʼnae.

Hatu maeno apate'niya gemae 11:10

Inagi Moseseʼe Eloniʼeʼmo Felo aulagaleʼmo muki ani noʼagaya agufa anaune kavaʼmo huʼnaʼaʼmonanafa Ala kava neʼmoʼa Felo aipa agesamo aino akani maleʼniyaʼmofeʼmo Isaleli vayaʼmo koʼaletiʼmo apataleʼnigeʼa oʼuʼnae.

Hatu maeno apate'niya gemae 11:9

Ala kava neʼmoʼa Mosesefeʼmo ha painoʼaeʼmo, Nagaemo Isipi kotegamo magoʼe huʼna noʼagaya agufa naune kavaʼmo hisuvafeʼmo Feloʼa gekamo alagi oʼafigiye, huno ha paiʼniye.

Hatu maeno apate'niya gemae 14:17

Inagi nagaemo Isipi vayaʼmogi apaipa apakesamo aiʼna akani maleʼnisugeno lokiya vaiʼninageʼa lapakame huʼa neʼvisageʼnaeʼmo Feloʼagi ami vayaʼagi talalagi hosileʼmo yagaiʼnaya vayanagi huʼna aeʼna apaka seteʼna ala nagiʼnimo aliguve.

Hatu maeno apate'niya gemae 14:4

Inagi nagaemo kini vekamo Felo aipa agesamo aiʼna akani malesugeno lokiya vaigiyaʼmofeʼmo apavegala aelino ugiyaʼmonanafa nagaemo aeʼna aga sege muki ami vayaʼamo aeʼna apaka sege huteʼna ala nagiʼnimo aliguve. Isipi vayaʼmogimo agaiʼageʼmo Ala kava neʼmo maiʼniye, huʼa nagegae, huno ha paiʼnigeʼa Isaleli vayaʼmogimo ani gemo akame huʼa uʼnae.

Hatu maeno apate'niya gemae 14:8

Isaleli vayaʼmo Ala kava neʼmo himamuʼaletiʼmo ataleʼa uʼnayaʼmofeʼmo apamogaga aime aime uʼnae. Ala kava neʼmoʼa Isipi kini vekamo aipa agesamo aino akani maleʼnigeno lokiya vaiʼniyaʼmofeʼmo Isaleli vayaʼmo apavegala aelino uʼniye.

Hatu maeno apate'niya gemae 3:19

Mani gemo hutapa ha paigayaʼmonanafa ago ageʼnovana lapatalesigetapa oʼugae. Nagaemo himamuʼniletiʼmo aliʼyaʼmo oʼalisuvaʼmoʼmo lapatalesigetapa afa oʼugae.

Hatu maeno apate'niya gemae 3:20

Olapatalegaiyaʼmofeʼmo nagaemo himamuʼniletiʼmo Isipi kotegamo noʼagaya agufa naune kavaʼmo huteʼna kayoʼmo apamisugeno kini vekamoʼmo afaʼa lapatalesigetapa ugae.

Hatu maeno apate'niya gemae 7:13

Kini vekamoʼmo ani kavaʼmo ageʼniyaʼmonanafa Ala kava neʼmoʼa hana paiʼniya agufa kavaʼmo huno aipa agesamo aino akani maleʼnigeno huʼnaʼa gemo oʼafiʼniye.

Hatu maeno apate'niya gemae 7:3

Ha paigiyaʼmonanafa nagaemo Felo aipa agesamo aliʼna akani maleʼneʼna asole noʼagaya agufa naune kavaʼmo Isipi koteʼmo huguve.

Hatu maeno apate'niya gemae 8:11

Eso anagaʼmo kagaetegatinagi notapifilagatinagi aliʼya kamo neʼaliya vayaʼaitegatinagi muki vayakalegatinagi huʼa lapataleʼa apaune heʼa uʼa anipiʼmo maigae, huno ha paiʼniye.

Hatu maeno apate'niya gemae 8:15

Feloʼa agetenoʼaeʼmo hausoli huʼnigeno atete hauʼniya kavaʼamo hano huʼnigenoʼaeʼmo Ala kava neʼmoʼa hana paiʼniya kava huno agaiʼa aipa agesamo alino akani maleteno geʼanimo oʼafiʼniye.

Hatu maeno apate'niya gemae 8:32

Oʼmaiʼniyaʼmonanafa ani afinaʼeʼmo Feloʼa agaiʼa aipa agesamo aino akani maleʼniyaʼmofeʼmo afaʼa apataleʼnigeʼa oʼuʼnae.

Hatu maeno apate'niya gemae 9:12

Oʼmaiʼnayaʼmonanafa Ala kava neʼmoʼa kini vekamo aipa agesamo aino akani maleʼniyaʼmofeʼmo Ala kava neʼmoʼa hana paiʼniya agufa kavaʼmo huno kini vekamoʼmo geʼanimo oʼafiʼniye.

Hatu maeno apate'niya gemae 9:35

Felo aipa agesamo alino akani maleʼniyaʼmofeʼmo Ala kava neʼmoʼa Mosesefeʼmo ha paiʼniya kava huno Isaleli vayaʼmo apataleʼnigeʼa oʼuʼnae.

Aiyeya 6:10

Kagaemo oʼafisaya apaipamo alika kalika apato. Apakesamo alika akaniteka apaulagamo alika ali huvo. Fiku yanageʼa apaulagafatiʼmo agege apakesafatiʼmo afige aliʼa apaipafiʼmo malege huteʼa nagaetegamo aiʼa atagineʼa esageʼna aliʼna alagepa huʼna apategauve, huno naha paiʼniye.

Aiyeya 63:17

O Ala kava nene, huta, kagaemo na agufa kavaʼmo higekaeʼmo lateʼnanageta kakamo ataleta uʼnone. Kagaemo na agufa kavaʼmo higekaeʼmo laipa lagesamo alika akani maleʼnanageta kagaefeʼmo koli huteta kaiyafiʼmo oʼmaiʼnone. Kagaemo lagaetefeʼmo aliʼyakamo neʼaluna vayaʼmogitalegamo aika atagineka eno. Lagaemo kagae nofi vayaʼmo hetamakamo maiʼnone.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Lomu 9:18

Ani kavatefeʼmo Gotiʼa ina lagifeʼmo hau huno apatesifigeno hauʼniyanageno afaʼa hau huno apategaiye. Ani kava huno ina lagimo apaipamo alino akanino apatesifigeno hauʼniyanageno apaipamo afaʼa alino akanino apategaiye.

2 Kolitiyani 2:16

Lagaemo alino apagoʼya lagauno apatalesiya vayaʼaitefeʼmo faliʼnaya vayaʼmogi hosu atumo aigekana huta maiʼnonageʼapaeʼmo atuʼamo neʼafiyanageʼa faligae. Lagaemo apakufamo alino katino neʼapateya vayaʼaitefeʼmo afaʼa maisaya yaʼmo alino neʼapamiya yaʼmo atumo aigekana huta maiʼnonageʼapaeʼmo atuʼamo neʼafiyanageʼa maige maige huʼa maigae. Ina lagimo ani kana huʼniya aliʼyaʼmo afaʼa aligae.

Yasuva 11:20

Ala kava neʼmoʼa ani vayaʼmogimo kamemo hisayafekeʼmo apaipamo alino lokiya vaino apateʼniyaʼmofeʼmo kame huʼnageʼapaeʼmo Isaleli vayaʼmogimo hapau huʼa oʼapateʼa hapaeʼa hano huʼa apataleʼnae. Ala kava neʼmoʼa Mosesefeʼmo ani ha paiʼniya gemo alagi akame huʼnae.

1 Pita 2:8

Magoʼe huno Goti mukufi gemoʼmo hunoʼaeʼmo, Ani yafaʼmoʼa apaiyafiʼmo hapaege vai lamino hapaege hisiyafeʼmo haneʼniye, huno huʼniye. Apakaemo Goti geʼamo noʼafiyaʼmofeʼmo vai lamino nehapae. Gotiʼa ani kavaʼmo hugae, huno hu maleʼniye.