Hatu maeno apate'niya gemae 4:15 - The Keyagana NT and 25 OT books

¹⁵ Kagaemo muki geʼamo agaefeʼmo afaʼa ha paisanageno hugiye. Nagaemo lanakae lanavayaleʼmo maiʼneʼna lahana maeʼnisugetana lanakaemo lanavayafatiʼmo alagepa gemo hugaʼae. Nagaemo hisaʼa kavaʼmo aliʼna lanaya malegauve.

Hatu maeno apate'niya gemae 4:15 ပူးပေါင်းရင်းမြစ်များ

Samu 25:12

Ala kava nefekeʼmo koli nehaya vayaʼmo ina lagimo maiʼnae. Ala kava neʼmoʼa afaʼa alino apaya malesigeʼa alagepa kateʼmo ugae.

Samu 51:15

Ala kava nene, huʼna, navayamo alika aka huka nategeʼnao kagikaleʼmo aliʼna asaga huʼna kateno.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Hatu maeno apate'niya gemae 4:12

Ani kavaʼmo nehuvaʼmofeʼmo hemenimo afa uvo. Nagaemo hisana gemo kaha maeʼna kaha paisugeka hugane, huno ha paiʼniye.

Hatu maeno apate'niya gemae 4:28

Moseseʼa Elonifeʼmo hunoʼaeʼmo, Ala kava neʼmoʼa alino kateʼnigeka eʼnane, huno ha paige Ala kava neʼmo muki ha paiʼniya gemo ha paige muki alagena kavaʼmo huvo, huno ha paiʼniya kavafeʼmo ha paige huʼniye.

Hatu maeno apate'niya gemae 4:30

Eloniʼa muki geʼamo Ala kava neʼmoʼa Mosesefeʼmo ha paiʼniya geʼamo hapa paiʼniye. Inagi agaemo muki vayaʼai apaulagaleʼmo muki alagena kavaʼmo huʼniye.

Aiyeya 51:16

Nagaemo kagaemo saufa kokuʼnaʼe saufa mopaʼeʼmo alo huteka Saiyoni vayaʼaifeʼmo hukaeʼmo, lapakaemo vayaʼnimo maiʼnae, huka hapa paisanafeʼmo geʼnimo kavayafiʼmo maleteʼna nagaemo kagufaleʼmo naya auneʼaletiʼmo aiʼna ati kaeʼna kateʼnove, huno ha paiʼniye.

Napa 16:28

Moseseʼa hapa painoʼaeʼmo, Afole aisiya kavaʼmo agetetapaeʼmo Ala kava neʼmoʼa muki ani kavaʼmo hisuvafeʼmo alino nateʼnigeʼna eʼnove. Nagaiʼnimo nahauʼniya kavatetiʼmo osuʼnove.

Napa 22:38

Melamiʼmo Melakifeʼmo hunoʼaeʼmo, Nagaemo kagaetegamo ago eʼnovaʼmonanafa. Nagaemo muki agufa gemo afaʼa hisufiye. Haʼao, nagaemo Gotiʼa naha paisiya geʼageʼmo huguve. Alu gemo hisuva himamuʼnimo ohaneʼniye, huno ha paiʼniye.

Napa 23:12

Melamiʼmo geʼaleʼmo aeno atagaina hunoʼaeʼmo, Ala kava neʼmoʼa naha paiʼniya gemo afiteʼna hapa opaisufiye.

Napa 23:16

Inagi Ala kava neʼmo Melamiʼeʼmo fotu huteno Ala kava neʼmoʼa Melamiʼmo hisiya gemo ha paiʼniye. Agaemo hunoʼaeʼmo, Kagaemo Melakitegamo halate ataginekuka ani kaha paiʼnova gemo ha paiyo, huno ha paiʼniye.

Napa 23:5

Ala kava neʼmoʼa Melamiʼmo hisiya gemo ha paiteno magoʼe gemo hunoʼaeʼmo, Kagaemo halate atagineka uka ani kaha paiʼnova gemo Melakifeʼmo ha paiyo, huno ha paiʼniye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

1 Kolitiyani 11:23

Ala kava neʼmoʼa naha paiʼnigeʼna lapa paiʼnaeʼmo, Ala kava neʼmo kutulu yaʼmo aliʼniya vekamo Yutasiʼa avaleno apamiʼniya haniʼilagamo peleti mayamo aliʼniye.

1 Kolitiyani 15:1

Konagaʼnimogitapae, huʼna, Nagaemo Kalaisifeʼmo alagepa faigoko geʼamo aeʼna hakalo huʼna lapa paiʼnogetapa alita lapaipafiʼmo maleʼnayanagetapaeʼmo ani geleʼmo he titapa maiʼnae. Ani gelefeʼmo magoʼe hutapa lapakesamo afitapa ho hisayafeʼmo lapa paigesuve.

1 Samiyo 16:3

Huka hapa paiteka Yesifeʼmo hukaeʼmo, Ofalinimo hisuvategamo eno, huka ha paiyo. Inagi esigekaeʼmo kagaemo na agufa kavaʼmo hisapigeʼna nagaemo kaha paiguve. Kagaemo agi aesuva vekamo agenopafiʼmo uvelimo lakika ategane, huno ha paiʼniye.